Piratimi i BBVIP dhe filmave, drejtori artistik i TCH zbulon dëmet kolosale që pëson industria e ndershme

Top Channel Films investoi shumë për t’i dhënë publikut prodhime kinematografike cilësore. Përpos kasteve me aktorët më të mirë, në funksion të prodhimeve cilësore u vunë teknologjia e fundit teknike. Por, gjithë mundi dhe investimi nuk u kthye për prodhuesin.

Ajo që vlen të theksohet për opinion publik është fakti se pirateria është vjedhje dhe duhet të dënohet si e tillë.

Nëse të gjithë e shohin në këtë formë, e kuptojnë dhe e pranojnë si të tillë atëherë mund të luftohet më tepër ky fenomen. Të parët që duhet ta refuzojnë janë qytetarët. Shteti mund të gjejë forma që veç goditjes së piratëve, të kompensojë financiarisht prodhuesit e filmave dhe përmbajtjeve televizive.

Këto para, mund të dalin nga gjobat që u vilen abuzuesve. Pra, disa masa zinxhir.

“Në momentin që nuk e paguajmë por e vjedhim dhe mendoj që më shumë se termin pirateri, e cila mbase edhe për shkak të kinematografisë dhe letërsisë tingëllon ekzotike, piratët janë gjithmonë interesantë, ekzotikë, personazhe të mbinatyrshme. Do të themi që këto janë hajdutë, janë vjedhës dhe nëse do të vidhnim çdo gjë që prodhohet eventualisht nga këta njerëz, atëherë këta njerëz do të mbeten pa punë”, u shpreh Ledion Liço.