Presidencialet në SHBA/ Harris: Trump po kërkon pushtet absolut

Kandidatja demokrate Kamla Harris tha se kandidati republikan Donald Trump është gjithnjë e më i shqetësuar dhe në kërkim të pushtetit absolut.

“Është thellësisht shqetësuese dhe tepër e rrezikshme që Donald Trump do të thërriste Adolf Hitlerin”, tha Kamala.

Gjithashtu sipas John Kelly, i cili konsideronte se Donald Trump përmbushte përkufizimin e një fashist, ish-presidenti kishte thënë se diktatori nazist kishte bërë edhe gjëra të mira. Megjithatë ekipi i fushatës së Trump mohoi në shtyp komentet e bëra ndaj ish-presidentit nga John Kelly.

“E gjithë kjo është një provë e mëtejshme për popullin amerikan se kush është në të vërtetë Donald Trump. Tani, ne e dimë se çfarë dëshiron Donald Trump. Ai dëshiron pushtet absolut. Pyetja në 13 ditë do të jetë se çfarë do populli amerikan. Dhe ky përkufizim vlen për këdo që guxon ta kritikojë,” përfundoi Kamala Harris, duke kujtuar se miliarderi republikan premtoi të sulmojë armiqtë nga brenda.