TRAGJIKE/ Aksident në Peqin, vdes 10-vjeçari

Një aksident me pasojë vdekjen e 10 vjeçarit ka ndodhur në Pajovë të Peqinit.

Mësohet se janë përfshirë dy automjete dhe nga përplasja njëri prej automjeteve ka dal nga rruga.

Si pasojë, dalja nga rruga e automjetit shkaktoi vdekjen e 10-vjeçarit, i cili është ndodhur rastësisht në vendin e gabuar.

Ndërkohë, policia ka mbërritur në vendngjarje ku po punon për zbardhjen e shkaqeve të aksidentit.

Njoftimi i Policisë:

Rreth orës 14:10, në aksin rrugor “Elbasan-Peqin”, në fshatin Pajovë, janë përplasur automjeti me drejtues shtetasin M. P., 39 vjeç, me automjetin me drejtues shtetasin M. S., 45 vjeç. Nga përplasja, shtetasi M. P. ka humbur kontrollin mbi drejtimin e automjetit, i cili ka dalë nga rruga dhe ka përplasur një të mitur 10-vjeçar që ka qenë duke lëvizur në anë të rrugës. Si pasojë e përplasjes, i mituri ka humbur jetën.

Të dy drejtuesit e automjeteve janë shoqëruar në ambientet e Policisë, për kryerjen e veprimeve të mëtejshme procedurale.

Grupi hetimor, në drejtimin e Prokurorisë, vijon punën për zbardhjen e rrethanave të aksidentit.