E droguar në timon përplasi efektivin e policisë rrugore, arrestohet 21-vjeçarja

Policia e Tiranës ka arrestuar një 21-vjeçare, e cila ka përplasur me automjetin e saj një efektiv të Policisë së Shtetit. Në momentin e aksidentit, efektivi kishte shkuar në vendin ku kishte ndodhur një aksident në në afërsi të tunelit të Krrabës.

Pas arrestimit, 21-vjeçarja ka rezultuar se ka qenë nën ndikimin e lëndëve narkotike.

“Specialistët e Komisariatit të Policisë Rrugore arrestuan shtetasen S. Sh., 21 vjeçe, banuese në Elbasan. Më datë 14.11.2024, rreth orës 21:15, në fshatin Ibë, kjo shtetase, duke drejtuar automjetin, dyshohet në efektin e lëndëve narkotike, ka aksidentuar një punonjës të Komisariatit të Policisë Rrugore në shërbim, i cili ishte po kryente veprimet procedurale për një aksident,”– njoftoi Policia.