Plagoset punëtori i ndërtimit në Sarandë, niset me helikopter në Spitalin e Traumës

Një punëtor ndërtimi është rrëzuar gjatë orarit të punës. Mësohet se është plagosur Ndue Nikolli, 57 vjeç, nga Durrësi dhe është transportuar drejt spitalit të Traumës me helikopter.

Raportohet se 57-vjeçari ka pësuar dëmtime në kokë teksa po kryente punime në katin e dytë të një pallati. Policia ndodhet në vendngjarje dhe po heton shkaqet e këtij aksidenti.

“Sot, rreth orës 13:00, në lagjen nr. 1, gjatë punimeve të brendshme, në katin e dytë të një pallati në pronësi të shtetasit A. R, dyshohet se është dëmtuar aksidentalisht në pjesën e kokës shtetasi N. N., 57 vjeç (punëtor), i cili është transportuar në spitalin e Traumës, Tiranë, për mjekim të specializuar.

Grupi hetimor vijon punën për zbardhjen e plotë të rrethanave të ngjarjes,”-njofton policia.