Pista kryesore hakmarrja? Zbardhet dinamika e ekzekutimit të babait të Roan Brahimit

Gazetari Igli Çelemeta ka zbardhur dinamikën e vrasjes së Gjovalin Prendit, babait të Roan Brahimit, mbrëmjen e së enjtes në Lezhë.

Autorët kanë ardhur nga ura e Milotit kanë kaluar lokalin afërsisht 50 metra larg nga pjesa e pasme e lokalit dhe dy persona kanë zbritur nga makina dhe janë afruar në këmbë te dera e lokalit dhe kanë qëlluar nga pjesa anësore ku të dy ishin të armatosur dhe vetëm njëri ka qëlluar. Ngjarja ka ndodhur rreth orës 19 e 52 dhe ka zgjatur vetëm 30 sekonda dhe makina afrohet para lokalit dhe merr dy autorët. Makina ka marrë sërish drejtimin për Milot dhe e kanë djegur në Fushë Gjormë.

Sa i përket hetimeve pas ngjarjes Policia e Lezhës ka kontrolluar disa banesa dhe ka shoqëruar disa persona ndër to edhe dy vëllezër të fisit Gjeloshi ndër to edhe Ardian Gjeloshi alias Marku. Janë marrë në pyetje për rreth 2 orë nga policia dhe më pas janë lirë.

Grupi hetimor nga hetimet e deritanishme pistë kryesore ka hakmarrjen. Hetuesit janë fokusuar tek e shkuara e djalit të tij Sidorel Prendi alias Roan Brahimi.

Fisit Prendi në vitin 2014 pranë lokalit ku u vra i ndjeri Gjovalin Prendi i vranë djalin e xhaxhait dhe të hallës dhe mbeti i plagosur djali tjetër i xhaxhait të Sidorel Prendit. Ngjarje e cila ka mbetur e pazbardhur dhe pa autor. Po ashtu në vitin 2020 babait të Sidorel Prendit i kanë bërë dy sulme në lokal, një me armë dhe një me eksploziv.

Po ashtu djali i viktimës së datës 17 prill është hetuar për disa ngjarje, ndër to edhe atentati i 10 shkurtit 2024 ndaj Ardian Gjeloshit ku mbeti i plagosur dhe u vra ekonomisti i firmës. Po ashtu emri i Sidorel Prendi alias Roan Brahimi ka dalë edhe te vrasja e Gentjan Bejtjes në Larushk të Fushë Krujës. Ngjarje për të cilën është në burg edhe kunati i tij Ilir Beqaraj.