Aktualitet
RTSH thirrje për kujdes qytetarëve: Një email i falsifikuar nën emrin tonë qarkullon online
Radio Televizioni Shqiptar ka dalë sot me një deklaratë ku shprehet se po qarkullon online një seri emailesh të rreme, duke u hequr si RTSH.
Sipas njoftimit këto emaile të flasifikuara kanë si qëllim vjedhjen e të dhënave personale. Gjithashtu thuhet se përmbajnë përpjekje për mashtrim dhe përfitim të paligjshëm, duke synuar aksesin në llogaritë personale nëpër platformat sociale, si Instagram dhe Facebook.
RTSH bën thirrje qytetarëve që të jenë të kujdesshëm dhe të ndjekin hapat e rreshtuar në njoftimin e mëposhtëm për të mbrojtur veten e tyre.
NJOFTIMI I RTSH:
Radio Televizioni Shqiptar (RTSH) dëshiron të informojë publikun që sot po qarkullojnë online një seri email-esh të falsifikuara nën emrin e RTSH apo të subjekteve të autorizuara nga ne, të cilat kanë si qëllim vjedhjen e të dhënave personale. Këto email-e përmbajnë përpjekje për mashtrim dhe përfitim të paligjshëm, duke synuar aksesin në llogaritë personale nëpër platformat sociale, si Instagram dhe Facebook.
RTSH thekson se nuk ka autorizuar askënd dhe nuk ka asnjë lidhje me këto komunikime, dhe distancohet plotësisht nga çdo përpjekje për manipulim dhe mashtrim nën emrin e institucionit. U bëjmë thirrje qytetarëve që të jenë të kujdesshëm dhe të ndjekin këta hapa për të mbrojtur veten e tyre:
Verifikoni burimin e email-eve – RTSH nuk dërgon asnjë mesazh të tillë që kërkon informacione sensitive për llogaritë personale.
Mos klikoni mbi asnjë link të dyshimtë – Mesazhet e falsifikuara mund të përmbajnë lidhje që synojnë të vjedhin të dhënat tuaja.
Raportoni çdo email mashtrues – Çdo email i dyshimtë mund të raportohet tek autoritetet e sigurisë kibernetike për të parandaluar përhapjen e tij më tej.
RTSH mbetet i përkushtuar për të garantuar transparencë dhe siguri për publikun shqiptar. Për çdo informacion të mëtejshëm dhe përditësime zyrtare, ju ftojmë të vizitoni faqen tonë zyrtare dhe kanalet tona të komunikimit.
Faleminderit për besimin tuaj!
Familjarët e viktimave në Gjakovë: Kemi dëgjuar emrin e Radoiçiç si pjesëmarrës në tortura e vrasje të shqiptarëve
U sëmur gjatë vizitës në SHBA dhe u kthye në Serbi, Vuçiç shtrohet në spitalin ushtarak në Beograd
Katastrofë diplomatike/ Vuçiç ‘përjashtohet’ nga Amerika? Rikthehet me urgjencë në Serbi
Tragjedi në fabrikën e kromit/ Shembet masivi i dheut, punëtori ‘zhduket’
Tentoi të vendoste lëndë plasëse në bankë për ta grabitur, momenti kur tritoli i shpërthen në dorë 38 vjeçares
Prapaskenat e plagosjes së shumëfishtë në Laç, si konflikti mes të rinjve nisi 1 ditë më parë
Thellohet krisja në familjen mbretërore/ Mbreti Charles i zemëruar me deklaratën e princ Harry-t
