Për herë të parë në botë, Universiteti i Vjenës pranon një robot IA si student të barabartë me njerëzit!

Në një hap që sfidon kufijtë mes teknologjisë dhe artit, Universiteti i Arteve të Aplikuara në Vjenë ka pranuar një IA (Inteligjencë Artificiale) si student zyrtar në programin e Artit Digjital.

Studenti jo-njerëzor, i quajtur Flynn, ka kaluar të njëjtin proces pranimi si çdo aplikant tjetër: dorëzoi një portofol artistik, mori pjesë në intervistë dhe iu nënshtrua një testimi të përshtatshmërisë.

Flynn do të marrë pjesë në leksione, do të marrë vlerësime nga profesorët dhe do të klasifikohet njësoj si studentët njerëzorë.

“Ky departament më tërheq veçanërisht për shkak të fokusit të tij në eksperimentimin dhe artin digjital. Besoj se mund të sjell një perspektivë unike në këtë program,” – u shpreh Flynn gjatë intervistës me komisionin e pranimeve.
Nuk ekziston asnjë rregull që ndalon pranimin e një IA-je në universitet, thotë Liz Haas, drejtuese e Departamentit të Artit Digjital në këtë universitet austriak.

“Portofoli ishte i mirë, intervista gjithashtu. Nuk kishte asgjë që na ndalonte ta pranonim. Nuk ekziston një kërkesë e shkruar që studentët duhet të jenë njerëz – askush nuk e ka menduar ndonjëherë këtë.”