Politike
Rama për sigurinë ushqimore: Ky është vetëm fillimi! Na duhet të përmbushim kriteret e BE

Rama: “Jemi duke punuar për një sistem të ri të furnizimit të naftës, është një mundësi për të kaluar edhe te furnizimi i naftës me një komponent të ri të shtetit si protagonist në realizimin e kontratave, që do sjellë kontroll mbi çmimin dhe gjithë sistemin e qarkullimit të naftës.
Tjetra, po punojmë për çështjen e barnave mjekësore, për furnizimin e gjithë sistemit, publik dhe privat me shtetin si palë. Ka ardhur koha të kalojmë në një rol të ri të shtetit në ekonomi.
E fundit që kam, siguria ushqimore. Na duhet të hedhim hapa para. Me pezullimin e AKU dhe procesi provimi të gjithë inspektorëve të AKU dhe hapjen e mundësisë që të tjerët të përfshihen në agjenci, kemi hedhur vetëm hapin e parë. Ka filluar procesi i konfiskimit dhe kontrollit të qumështit pa faturë. Qumësht dhe bulmet i freskët pa faturë nuk do lejohet. Ky është vetëm fillimi. Në tërësi besoj që do të jetë një punë që do bazohet te vazhdimësia por nuk do jetë aq e vështirë”.

