Tentoi t’i jepte fund jetës me plumb në kokë, si paraqitet gjendja e 17-vjeçares

Ajo është transportuar nga familjarë me urgjencë në spital, ku ndodhet në gjendje të rëndë, pasi ka një plumb në kokë, afër syrit, raporton korrespondenti i Top Channel Mikel Marsi.

Mësohet se e reja është nga një fshat i Vlorës dhe ka qenë tek gjyshërit në lagjen ‘Kushtrimi’, ku dhe është vetëplagosur me armë tip pistoletë.

Sipas bluzave të bardha 17-vjeçaraja ka qenë e vetëdijshme kur ka mbërritur në ambientet e spitalit të Vlorës, por në momentin e parë ajo ka humbur ndjenjat dhe ka rënë në koma.

Sipas mjekëve ka dy dëmtime në kokë një në pjesën e syrit afër temthit dhe një në pjesën sipër kokës ku dhe plumbi ka dalë.

Sipas mjekëve 17-vjeçarja është e intubuar, ndërsa qëndrimi i saj ende në jetë është për shkak se gjaku ka dalë jashtë kokës dhe nuk ka hemorragji.

Pritet dërgimi i saj drejt spitalit të Tiranës.

Ndërkohë janë duke u marrë në pyetje familjarët, e paraprakisht dyshohet për vetëvrasje.