Torino e ‘dashuruar’ me Asllanin, por kujdes nga Premier League

Gazetari italian, Alfredo Pedulla thotë se Torino duket e gatshme të shesë mesfushorin Ivan Ilic për të financuar një transferim të Kristjan Asllani nga Inter-i.

Eksperti i tregut të transferimeve të “SportItalia”-s detajoi përpjekjet e “Granata”-s për të nënshkruar me Asllanin në një video në kanalin e tij në YouTube.

Torino është skuadra e fundit që hyn në garë për të nënshkruar me mesfushorin e Inter-it, Asllani.

Skuadra e La Liga-s, Real Betis, thuhet se ka bërë tashmë një ofertë për 23-vjeçarin. Megjithatë, ai preferon të qëndrojë në Serie A. Ai refuzoi edhe një kalim te Sassuolo, pasi synon një klub më të madh.

Ndërkohë, thuhet se skuadra si Bologna dhe Fiorentina po shqyrtojnë një marrëveshje për Asllanin.

Dhe pastaj, Bournemouth mund t’i japë lojtarit të Kombëtares së Shqipërisë një shans për t’u transferuar në Premier League.

Por tani, ekziston një tjetër vend i mundshëm në ligën e parë italiane. Kjo sigurisht që mund t’i përshtatet dëshirës së Asllanit për të mos u larguar nga liga.

Megjithatë, financat e marrëveshjes mund të jenë të vështira, me Inter-in që thuhet se ka vendosur një çmim prej 18 milionë eurosh për Asllanin.

Pedulla, komentoi se “do të shohim se çfarë do të bëjë Inter-i me Asllanin nëse Torino e shet Ilic-in”.

Ai shpjegoi se Ilic “nuk është më i pashitshëm, ai nuk e ka bindur Marco Baroni-n”.

“Dhe për të financuar një marrëveshje për Asllanin, i larguari kryesor do të ishte Ilic,” vazhdoi Pedulla. “Ai ka pasur oferta në të kaluarën, megjithëse tani ato mund të jenë më të ulëta”.

Ai më pas vuri në dukje se “përveç Torino-s, edhe Bologna po e ndjek Asllanin”.

“Por Inter-i nuk mund ta lërë të shkojë për një çmim më të ulët”, theksoi gazetari i “Sportitalia”, Pedulla.