‘Goditi’ Juventusin në ndeshje me Veronën, gjyqtari do të dërgohet të arbitrojë në Serie B

Raportet e fundit nga Italia tregojnë se drejtuesit e Shoqatës Italiane të Gjyqtarëve (AIA) janë të pakënaqur me mënyrën se si Antonio Rapuano ka arbitruar ndeshjen Verona-Juventus, kështu që 40-vjeçari mund të lihet në Serie B për ndeshjet e ardhshme.

AIA mund ta largojë Rapuano-n nga Serie B për ndeshjet e ardhshme, pasi nuk arriti të arbitrojë në nivel në ndeshjen Verona-Juventus të shtunën.

Gjyqtari i lindur në Rimini u kritikua ashpër nga trajneri i “Zonjës së Vjetër”, Igor Tudor, veçanërisht për dy incidente.

Tudor vuri në dyshim vendimin e Rapuano-s për t’i dhënë Verona-s një penallti për një prekje me dorë të Joao Mario-s në fund të pjesës së parë dhe mendoi se sulmuesi rival, Gift Orban, duhej të ishte përjashtuar për goditje me bërryl të Federico Gatti-t, gjithashtu para pushimit.

“Gazetta dello Sport” argumenton se VAR-i duhet të kishte sinjalizuar sjelljen e dhunshme të Orban-it, duke pasur parasysh se Rapuano i dha sulmuesit të Verona-s vetëm një karton të verdhë.

Megjithatë, gjyqtari 40-vjeçar pritet të paguajë çmimin më të lartë dhe të ndëshkohet për arbitrimin e tij të dobët në “Bentegodi”, pasi ka të ngjarë të lihet në Serie B për javët e ardhshme.