Me 50 mijë vota/ Altin Dumani shpallet hero i vitit 2025

Për vitin 2025, në garë ishin 10 kandidatë, të ndarë mes figurave publike dhe qytetarëve, të cilët gjatë vitit u shpallën heronj të muajve për veprime konkrete në shërbim të shoqërisë.

Sondazhi u zhvillua në webin e JOQ Albania dhe u votua nga 49.908 qytetarë, duke e kthyer këtë proces në një nga votimet publike më të ndjekura online.

Me 21.483 vota, ose diferencë të thellë nga kandidatët e tjerë, fitues u shpall ish-kreu i SPAK, Altin Dumani, i cili mori numrin më të lartë të votave.

Pas tij u renditën:

• Marin Mema me 8.766 vota

• Osman Stafa me 3.796 vota

• Arben Anamali me 3.570 vota

• Alfred Zhupani me 2.817 vota

• Rey Manaj me 2.781 vota

• Shaqir Palushi me 2.420 vota

• Marko Gjona me 1.771 vota

• David Dano me 1.270 vota

• Agim Troci me 1.234 vota

Meritë për këtë vlerësim të Altin Dumanit me siguri ka qenë goditja e bandave dhe hetimet ndaj figurave të fuqishme, përfshirë çështje që lidhen me Belinda Ballukun, Erion Veliajn, Ergys Agasin, Mirlinda Karçanajn, etj.

Përtej kritikave që i kemi bërë gjatë mandatit trevjeçar, tani që ka zbritur nga kali duhet thënë se:

Altin Dumani ka bërë më shumë se çdo drejtues tjetër i drejtësisë në Shqipëri që nga viti 1992.

Ky votim është një mesazh i drejtpërdrejtë i qytetarëve, se veprimi, guximi dhe drejtësia vlerësohen.