Rrëfim natën me hënë/ Vuçiç: Kam refuzuar Çmimin Nobel për Paqe për Kosovën

Presidenti i Serbisë, Aleksandar Vuciq, ka ndarë një zbulim të ri me publikun, teksa tha se i është ofruar Çmimi Nobel në këmbim të njohjes së Kosovës.

Në një rrëfim që tingëllon më shumë si ofertë imagjinare sesa diplomatike, Vuçiq tha se “një mijë herë” i është premtuar Nobeli, por ai zgjodhi të qëndrojë besnik ndaj vizionit të tij, ku — çuditërisht — e ardhmja gjithmonë përfshin Kosovën si pjesë të Serbisë.

“Një mijë herë më kanë thënë të huajt: ‘Do ta marrësh Çmimin Nobel, vetëm prano Kosovën e pavarur. Shiko drejt së ardhmes, mos u kthe pas’. Unë jam përpjekur të shoh drejt së ardhmes, gjithmonë duke ndjekur gjurmët e të parëve të mi” – deklaroi presidenti serb.

Në mungesë të ndonjë konfirmimi për ofertën e supozuar për Nobel, mbetet e paqartë nëse bëhet fjalë për diplomaci të fshehtë… apo thjesht për një tjetër kapitull në narrativën e njohur politike.