Vodhi një motomjet, 20-vjeçari bie në pranga

Policia i sekuestroi autorit motomjetin, teksa gjatë kontrollit personal i është sekuestruar edhe një përforcues metalik grushti.

NJOFTIMI I POLICISË – Vlorë/ Tentoi të vidhte një motomjet, arrestohet në flagrancë 20-vjeçari. Në cilësinë e provës materiale u sekuestrua motomjeti i vjedhur. Gjithashtu, gjatë kontrollit personal ndaj 20-vjeçarit u gjet dhe u sekuestrua një përforcues metalik grushti.

Specialistët për Hetimin e Krimeve në Komisariatin e Policisë Vlorë, falë reagimit të menjëhershëm dhe veprimeve të shpejta hetimore, bënë të mundur identifikimin dhe kapjen në kohë të shpejtë të autorit të dyshuar për vjedhjen e një motomjeti, ngjarje e ndodhur një ditë më parë, rreth orëve të drekës, në lagjen “28 Nëntori”.

Si rezultat i ndërhyrjes së shpejtë, shërbimet e Policisë lokalizuan dhe kapën autorin e dyshuar në lagjen “Uji i Ftohtë”. Në përfundim të veprimeve procedurale, u arrestua në flagrancë shtetasi V. M., 20 vjeç, banues në Vlorë.

Gjatë kontrollit personal ndaj tij, shërbimet e Policisë gjetën dhe sekuestruan në cilësinë e provës materiale një përforcues metalik grushti. Gjithashtu, u bë e mundur gjetja dhe sekuestrimi i motomjetit të vjedhur.

Materialet procedurale iu referuan Prokurorisë së Vlorës, për veprime të mëtejshme, për veprat penale “Vjedhja” dhe “Prodhimi, mbajtja, blerja apo shitja pa leje e armëve të ftohta”.