SPAK ‘fundos’ Zyra Islamajn/ Dënohet për favorizimin e ndërtuesit në Tropojë

Sipas vendimit të GJKKO-së, Islamaj është dënuar me 2 vite e 1 muaj burg, por dënimi është pezulluar dhe është zëvendësuar me 2 vite shërbim prove, me kusht që gjatë kësaj kohe të mos kryejë tjetër vepër penale. Gjithashtu, gjykata ka vendosur ndalimin e ushtrimit të funksioneve publike për 5 vite.

Në të njëjtin proces gjyqësor, është dënuar edhe ndërtuesi Rrok Gega për korrupsion aktiv. Ai ka marrë një dënim me 6 muaj burg, i cili gjithashtu është pezulluar dhe është konvertuar në 1 vit shërbim prove.

Hetimet e Struktura e Posaçme Kundër Korrupsionit dhe Krimit të Organizuar ngritën dyshime se Zyra Islamaj i kishte kërkuar ndërtuesit realizimin e një ure pranë banesës së motrës së saj, ndonëse kjo ndërhyrje nuk ishte pjesë e projektit fillestar.

Sipas organit të akuzës, ish-zyrtarja dyshohet se kishte ushtruar ndikim ndaj ndërtuesit dhe kishte përfshirë edhe teknikun e mirëmbajtjes së rrugëve në bashki për realizimin e punimeve.