Fotoja e Ikballe Hudutit me ish-presidentin e Iranit/ Berisha: Kanë tmerr Ikbalen këta?

Ai tha se fotoja e Ikballe Hudutit me Mahmoud Ahmedinaxhad është shkrepur pasi ajo ka organizuar Internacionalen Socialiste në Teheran.

“Edi Rama është i sfazuar. Shëmbëllen, ç’t’i thuash, mund t’i vësh shumë epitete. Shpërndan me mijëra mesazhe në elitën politike evropiane për t’i paraqitur si lëvizje iraniane sepse gjeti Ikbalen në një foto me Ahmedinaxhadin. Rama vetë ka foto bashkë me Erion Veliajn.

Ka foto se ka organizuar Internacionalen Socialiste në Teheran. Dhe kjo tani duhet të shpallej non-grata. Sa të dobët që janë këta. Këta kanë marrë fund, ua them unë ju.

A mund të imagjinoni ju kur kanë tmerr Ikbalen këta? A mund të imagjinoni ju? Dhe krenarisht e shpallin non-grata. Morën dhe zvarritën dje protestues, por nuk i mposhtën fare. Absolutisht. I zvarritën njëlloj siç kanë zvarritur në Zvërnec. Edi Ramën e pret fundi i merituar.

Ndaj dhe të nderuar anëtarë dhe anëtare të Këshillit Kombëtar, të dashur demokratë dhe demokratë, mbështetës të PD, edhe njëherë thirrje ime, mbështetje masive me të gjitha mënyrat kësaj lëvizje që do t’i japë Edi Ramës së shpejti vendin e merituar“, tha Berisha.