FRYMA E RE NE PD/ GJITHE EMERIMET DHE POSTET

Këshilli Kombëtar i Partisë Demokratike ka përfunduar procesin e votimit për zgjedhjen e nënkryetarëve, drejtuesve të sekretariateve dhe anëtarëve të Komisionit të Apelimit.

Siç pritej, Flamur Noka është rikonfirmuar në postin e Sekretarit të Përgjithshëm, pasi mori 184 vota, kundrejt 84 votave të rivalit të tij, Saimir Korreshi.

Në drejtimin e partisë mbeten edhe Gazment Bardhi si kryetar i grupit parlamentar dhe Agron Gjekmarkaj si nënkryetar.

Këshilli Kombëtar miratoi gjithashtu drejtuesit e sekretariateve të reja të partisë. Klevis Balliu u zgjodh Sekretar Organizativ, Andi Mustafaj Sekretar për Burimet Njerëzore, Marash Logu Sekretar për Çështjet Ligjore dhe Zgjedhore, ndërsa Viola Kapedani do të drejtojë Sekretariatin për Marrëdhëniet me Publikun.

Ndërkohë, në Komisionin e Apelimit u zgjodhën Adriana Kalaja, Besart Logu, Shaqir Manjani, Suina Asllanaj dhe Gentian Koçi.

Berisha e cilësoi këtë një ditë të rëndësishme për PD-në, duke theksuar se procesi i ripërtëritjes do të jetë i vazhdueshëm.

I pyetur nëse ky ekip e bën Partinë Demokratike gati për të qenë fituese në zgjedhjet e ardhshme, kreu i PD-së u shpreh se struktura e re është më e mira që ka pasur ndonjëherë kjo forcë politike.

Lidhur me kritikat brenda partisë se procesi i ripërtëritjes nuk ka prekur të gjitha nivelet drejtuese, Berisha tha se çdo anëtar ka të drejtë të shprehë mendimin e tij, ndërsa theksoi se zgjedhjet janë zhvilluar me votim të fshehtë dhe me dy kandidatura.

Sa i takon ndryshimeve të mundshme te drejtuesit politikë në qarqe, Berisha tha se procesi do të vijojë gradualisht