Irani nuk gjen qetësi, pas sulmeve amerikane goditet nga tërmeti me magnitudë 5.2 ballë

Dy tërmete janë regjistruar këtë të të hënë në Iran. Mësohet se tërmeti i parë me magnitudë 5.2 ra pranë Kuzaran në provincën perëndimore të Kermanshah.

Një zëdhënës i autoritetit të menaxhimit të fatkeqësive të vendit i tha agjencisë së lajmeve Mehr se dy tërmete ndodhën me një interval prej pesë minutash në rajon.

Zyrtari konfirmoi se dridhja e parë, e cila ndodhi në orën 7:13 të mëngjesit sipas kohës lokale me një thellësi prej 8 km, duke shtuar se e dyta kishte një magnitudë prej 5.7 ballë me një thellësi prej 13 km.

Deri më tani nuk është raportuar për  viktima.

…

Ushtria amerikane njoftoi fillimin e një vale të re sulmesh kundër Iranit për natën e nëntë radhazi.

“Sulmet do të vazhdojnë të dobësojnë aftësitë ushtarake iraniane”, tha Komanda Qendrore e SHBA-së në një postim në X.

Presidenti amerikan Donald Trump tha se sulmet erdhën pas vrasjes së ushtarëve të vrarë.

“Ne i goditëm shumë fort përsëri sonte Iranin dhe e bëmë këtë në nder të atyre patriotëve të mëdhenj. Ata patriotë të mëdhenj luftuan për të parandaluar Iranin të pajiset me armë bërthamore”, tha Trump për gazetarët.

Ndërkohë Garda Revolucionare e Iranit njoftoi se ka ndaluar dy anije cisternash nafte që po përpiqeshin të kalonin Ngushticën e Hormuzit “pa autorizim” nga Teherani, raportoi televizioni shtetëror dhe agjencia e lajmeve Tasnim.

“Dy anije cisternash nafte të paautorizuara që po përpiqeshin të hynin dhe të dilnin nga ajo që përshkruhet si rruga e rrezikshme jugore e Ngushticës së Hormuzit u goditën”, thanë ata në një deklaratë

Garda shtoi gjithashtu se ata shënjestruan avionë ushtarakë amerikanë mbi Aeroportin e Akabës në Jordani, “duke shkaktuar dëme serioze në disa avionë”.

Po ashtu ata pretendojnë se kanë goditur objektiva ushtarake amerikane në Kuvajt, përfshirë një sistem radari paralajmërues që u “shkatërrua plotësisht”, sipas agjencisë së lajmeve IRNA