Zjarri në Krujë/ Rama ndan mesazhin e emigrantit: U bë gjithçka që mund të bëhej

Kryeministri Edi Rama ka reaguar pas zjarreve që prekën Krujën dhe zona të tjera gjatë ditëve të fundit, duke falënderuar pilotët e Forcës Ajrore, zjarrfikësit, Forcat e Armatosura dhe Policinë për angazhimin në operacionet e shuarjes.

Në një postim në Facebook, Rama tha se aktualisht një vatër e izoluar vijon të jetë aktive në majën e Malit të Krujës, ndërsa pjesa tjetër e situatës paraqitet nën kontroll.

Kryeministri publikoi gjithashtu mesazhin e një emigranti nga Kruja, i cili jeton prej 30 vitesh në Belgjikë dhe shprehu vlerësimin e tij për ndërhyrjen e forcave gjatë zjarrit.

Në reagimin e tij, Rama përmendi angazhimin e strukturave të emergjencës në Krujë, Kamëz, Tiranë dhe Vorë, ku gjatë ditëve të fundit janë raportuar vatra zjarri.

Sipas autoriteteve, ndërhyrja në Krujë është kryer si nga toka, ashtu edhe nga ajri, ndërsa vijon monitorimi i zonave të prekura për të parandaluar riaktivizimin e vatrave.

Në postimin e tij, Rama ka përcjellë edhe mesazhin e banorit të Krujës, i cili falënderon institucionet dhe zjarrfikësit për ndërhyrjen gjatë situatës së krijuar.

Ndërkohë, autoritetet vijojnë punën për monitorimin dhe shuarjen e plotë të çdo vatre të mbetur aktive.