Aktualitet
Zjarri në Gojan të Pukës, reagon ministria e Mbrojtjes: Ka nisur evakuimi i banorëve
Në fshatin Gojan i Madh, Njësia Administrative Gjegjan, Bashkia Pukë, vijon ndërhyrja nga toka dhe ajri për menaxhimin e vatrës së zjarrit, në një terren të vështirë malor.
Në operacion janë angazhuar 5 automjete zjarrfikëse me 19 efektivë të MZSH Pukë dhe Fushë-Arrëz, 10 punonjës të Shërbimit Pyjor, 40 forca bashkiake dhe 30 vullnetarë, të mbështetur nga 40 efektivë të Forcave të Armatosura, 1 automjet zjarrfikës dhe 3 helikopterë të FA-së. Aktualisht vijon edhe ndërhyrja nga ajri me helikopter.
Për shkak të situatës, ka nisur evakuimi i banorëve më të ekspozuar, duke i dhënë përparësi fëmijëve, të moshuarve dhe personave me probleme shëndetësore. Falë ndërhyrjes së strukturave në terren dhe nga ajri, rreziku më i madh për zonën e banuar ka kaluar, ndërsa operacioni vijon për vënien e plotë nën kontroll të situatës.
Procesi i evakuimit dhe operacioni po zhvillohen në koordinim me Agjencinë Kombëtare të Mbrojtjes Civile (AKMC), Prefekturën e Qarkut Shkodër, strukturat e emergjencave civile të Bashkisë Pukë, Policinë e Shtetit dhe shërbimet zjarrfikëse.
AKMC vijon koordinimin dhe monitorimin e situatës, në bashkëpunim me të gjitha strukturat e sistemit të Mbrojtjes Civile.
Kryeministri maqedonas vjen në Shqipëri, nuk respektohet himni shqiptar
Ish-sportisti vjen nga Franca në protestë: Jam i zhgënjyer nga shteti
Agron Llakaj drejt rikthimit të bujshëm në “Portokalli”, pritet të marrë drejtimin pas 16 vitesh
Hidhet nga shkëmbi, plagoset rëndë shtetasi italian në Vlorë
Korreshi denoncon sërish: Mullar me plehra që kundërmojnë, pishinë e qelbur landfilli
“Shteti” zbarkon në Sarandë, prej orësh kontroll për ndërtime pa leje
Zjarri në Gojan të Pukës, reagon ministria e Mbrojtjes: Ka nisur evakuimi i banorëve
