50-VJEÇARI BIE NGA BALLKONI DHE HUMB JETËN

Një ngjarje e rëndë është regjistruar mëngjesin e sotëm në qytetin e Vlorës, ku një person rreth 50 vjeç ka humbur jetën pasi ka rënë nga ballkoni i një pallati.

Ngjarja ka ndodhur rreth orës 09:00, në lagjen “28 Nëntori”, pranë Kishës Ortodokse. Sipas informacionit paraprak, 50-vjeçari ka rënë nga ballkoni i banesës, duke marrë dëmtime të rënda, të cilat i kanë shkaktuar vdekjen.

Menjëherë pas ngjarjes, në vendin e ngjarjes kanë mbërritur shërbimet e Policisë, ndërsa janë kryer veprimet e para hetimore për të dokumentuar rrethanat.

Ende nuk ka një version zyrtar mbi mënyrën se si ka ndodhur rënia. Autoritetet po verifikojnë nëse bëhet fjalë për një ngjarje aksidentale apo për një tjetër rrethanë.

Grupi hetimor po merr dëshmi nga personat që mund të kenë dijeni për ngjarjen dhe po shqyrton provat e mbledhura në vendin ku ndodhi incidenti.

Pritet që hetimet të përcaktojnë edhe nëse 50-vjeçari ndodhej vetëm në banesë në momentin e ngjarjes, ndërsa autoritetet vijojnë punën për të hedhur dritë mbi dinamikën e plotë.

Deri në këtë fazë, Policia nuk ka bërë të ditura të tjera detaje mbi identitetin e viktimës apo shkaqet e rënies. Hetimet vijojnë.