✦
Thinking ...
Connect with us

Aktualitet

4 GOLA DHE NJË REAGIM I FUQISHËM, ITALIA PUSHTON TURQINE DHE NGRIHET NE NATIONS LEAGUE

Redaksia NTV •

Italia rikthehet te fitorja dhe e bën në mënyrën më bindëse të mundshme. Pas humbjes 0-2 ndaj Belgjikës në ndeshjen hapëse, “Azzurrët” shpartalluan Turqinë 4-1 në Bursa, duke marrë tri pikët e para në Ligën e Kombeve.

Italia e Roberto Mancinit reagoi menjëherë pas disfatës ndaj Belgjikës dhe dhuroi një paraqitje krejt tjetër në transfertën e vështirë ndaj Turqisë.
Alessandro Bastoni i dha avantazhin Italisë në minutën e 9-të, ndërsa Davide Frattesi dyfishoi shifrat në minutën e 22-të.
Vetëm pesë minuta më vonë, Michael Kayode realizoi golin e tretë, në një debutim që nuk mund të kishte nisur më mirë.

Italia shkoi në pushim me avantazhin e trefishtë, ndërsa në fillimin e pjesës së dytë Francesco Pio Esposito shënoi edhe golin e katërt, në minutën e 50-të.

Turqia gjeti golin e nderit me Barış Alper Yılmaz në minutën e 47-të, por nuk arriti të rikthehej në lojë.

Fitorja merr edhe më shumë peshë duke parë se Mancini bëri tetë ndryshime në formacion krahasuar me ndeshjen ndaj Belgjikës, ndërsa në formacion startues ishin edhe vëllezërit Pio dhe Sebastiano Esposito.

Italia kështu reagon menjëherë pas humbjes 0-2 ndaj Belgjikës dhe merr tri pikët e para në grupin A1, ndërsa Turqia pëson humbjen e dytë radhazi pas disfatës minimale ndaj Francës.

 

Related Topics:
Advertisement