NA FALNI SE GABUAM/ KRYEMINISTRI BRITANIK: FINALJA, RIKTHIMI NE BASHKIMIN EROPIAN

Kryeministri britanik Andy Burnham ka deklaruar se rikthimi i Mbretërisë së Bashkuar në Bashkimin Evropian mund të jetë një nga opsionet që qeveria mund të shqyrtojë në kuadër të përmirësimit të marrëdhënieve me Evropën.

Në një intervistë për BBC, Burnham tha se qeveria duhet të vlerësojë disa alternativa, nga ruajtja e marrëdhënieve aktuale deri te një afrim më i thellë me BE-në.

Sipas tij, një mundësi do të ishte rikthimi në bashkimin doganor ose afrimi me tregun e përbashkët evropian, ndërsa si opsion i fundit ai përmendi edhe rikthimin e plotë në BE.

“Ka qartë opsione që duhen shqyrtuar”, tha Burnham, duke theksuar se vendimmarrja duhet të bazohet në kostot dhe përfitimet e secilës alternativë.

Në të njëjtën dalje, kryeministri foli edhe për ndryshimet e planifikuara në skemën e pensioneve shtetërore, duke e cilësuar atë një përshtatje të mekanizmit aktual dhe jo heqje të tij.

Burnham pranoi gjithashtu se qeveria ka hapësirë të kufizuar financiare për të ndërhyrë ndaj krizës së kostos së jetesës. Ai paralajmëroi se Britania mund të përballet edhe me një situatë të vështirë energjetike gjatë dimrit dhe tha se po shqyrtohen masa për të lehtësuar barrën mbi familjet.