Rusët kanë minuar termocentralin bërthamor

Presidenti ukrainas Volodymyr Zelensky deklaroi se “situata rreth termocentralit bërthamor Zaporizhzhia po përkeqësohet” dhe se “forcat ruse e kanë minuar atë”.
Kohët e fundit, Kievi dhe Moska akuzuan njëri-tjetrin për goditjen e zonës më të madhe bërthamore në Evropë, duke shkaktuar mbylljen e reaktorit.

Rafael Grossi, Drejtor i Përgjithshëm i Agjencisë Ndërkombëtare të Energjisë Atomike tha se organizata është jashtëzakonisht e shqetësuar për bombardimin e termocentralit më të madh bërthamor në Evropë.

Në një postim në Twitter, shefi i politikës së jashtme të BE-së Josep Borrell i quajti aktivitetet ushtarake një “shkelje të rëndë dhe të papërgjegjshme të rregullave të sigurisë bërthamore” dhe standardeve ndërkombëtare.

Ndërkohë forcat ruse kanë vazhduar sulmet dhe bombardimet me raketa në shumë qytete të Ukrainës.

Nga ana tjetër, dy nga tre anijet që transportojnë mijëra ton misër nga Ukraina janë ankoruar në veri të Stambollit në pritje të inspektimit