Politike

Ahmetaj në kërkim ndërkombëtarë/ Vangjeli: Dumani ka shkruar emrin në histori

SPAK ka shpallur në kërkim ndërkombëtar ish-zëvendëskryeministrin Arben Ahmetajn. Nisur nga goditjet që SPAK ka bërë në krahun e socialistëve, analisti Lorenc Vangjeli ka bërë një diferencë mes dy kampeve në PS dhe PD. I ftuar në emision televiziv, Vangjeli krahasoi situatën në të cilët ndodhet PS me një prej boksierëve me të mirë të kohërave Muhammad Ali

Me këtë krahasim, Vangjeli thotë se PS ka aftësinë për të pritur grushtet që po vijnë nga SPAK, ndërsa sa i takon kampit blu ai shprehet pavarësisht se brohorasin për prangat që fluturojnë në të majtë, mendjen e kanë për prangat që po vijnë në të djathtë.

“Diferenca mes dy kampeve. Ka pasur një ndeshje boksi, ndoshta më e famshmja e boksit të gjitha kohërave, një nga boksierët ndodhsha më i famshmi i të të gjitha kohërave Muhammad Ali në 1974 në një ndeshje që është zhvilluar në stadium në Afrikë. Aftësia e Muhammad Ali është aftësia për të mbajtur grushtet. PS në këtë rast është si Muhammad Ali është duke i përballuar grushtet, ndërkohë që kundërshtari i tij në atë ndeshje pavarësisht se shkonte si favorit, pavarësisht se ishte jashtëzakonisht i fuqishëm, godiste njësoj si ato tokmakët që ngjeshin dheun, ishte poshtë moralisht.

Kishte hyrë në ndeshje i mundur moralisht. Ndeshja këtë tregoi, pavarësisht grushteve të pafundme që hëngri në atë ndeshje, gjeniu i boksit, i kthyer në xhunglën tonë, sërish do na rrëfejnë këtë diferencë, aftësinë e socialistëve për të pritur grushtet. Në të gjitha rrethanat, në ndeshje, në ring, përballë gjykatësit popull sërish duket se historitë janë të mbyllura. Ndaj foreman-ët nga PD kanë shumë frikë nga goditjet e SPAK në këtë rast. Logjika po jo informacioni, leximi i situatës por jo lajmi, rrëfejnë që pavarësisht se brohorasin për prangat që fluturojnë në të majtë, mendjen e kanë për prangat që po vijnë në të djathtë.

Një ish-kryeministër socialit thotë para ca kohësh, pse vetëm ne jemi të ligj, pse godasin vetëm nga ne?, duke mos kuptuar që SPAK pavarësisht se është pjesë e peshores së drejtësisë nuk është se mendon shumë se ca fanelle ka njëri apo tjetri. Çelësi për ta kuptuar këtë është tek një fjali e vetëm, që Altin Dumani, njeru i cili do të ketë një raport të veçantë me historinë, për shkak të veprimeve që ai po bën, e ka thënë në një mbledhje të komisionit të ligjeve, duke thënë se askush nuk guxon të marrë në telefon, madje as ish-kryeministri s’do guxonte ta merrte ne telefon se edhe ai mendon që mirë është jo ai ta marrë, por të mos e marrë Altini atë”, tha Vangjeli.

Prokuroria e Posaçme i ka përcjellë Interpolit dosjen ndaj ish-zv.kryeministrit Arben Ahmetaj për shpalljen e tij në kërkim ndërkombnëtar. Veprimi i SPAK, erdhi pasi policia e shtetit, u dorëzoi prokurorëve një raport ku informon se ekzekutimi i vendimit të gjykatës për masën arrest me burg në mungesë ka qenë i pamundur brenda vendit pasi ish-ministri i financave nuk është gjetur në 12 qarqe.

Politike

Meta nga “Rruga e shpresës”: I kam thënë Ramës, Berisha është politikani më serioz

Pasi përfundoi pas mesdite Asamblenë e Partisë së Lirisë, Ilir Meta I shoqëruar nga një numër mbështetësish dhe veshur një bluzë ku shkruhej ‘Lironi liderin e opozitës’, mbërriti tek rrugica poshtë banesës së Berishës.

Ai ka thurur lavde për Berishën duke e cilësuar si njeriu që ka futur Shqipërinë në NATO dhe ka bërë dhe shumë arritje të tjera për vendin.

”I kam thënë Ramës të mos e provokojë opozitën.

I kam thënë Ramës që politikani më serioz në Shqipëri është Sali Berisha”, tha Meta.

E përshendet Berishën, duke e quajtur president i përgjithshëm.

Politike

‘Lironi liderin e opozitës’/ Meta mban veshur bluzen me mbishkrimin për Berishën: Afër Zotit

Kreu i PL-së, Ilir Meta tha rrugës teksa po shkonte te banesa e liderit të opozitës, Sali Berisha, se nuk po shkonte në një ballkon, por në një podium.

Meta tha se kryeministri Edi Rama është i pashpresë, ndërsa shtoi se ndryshimi do të vijë shpejt. Kreu i PL-së, teksa po fliste për opozitën tha se Gazment Bardhi është një opozitar i vërtetë, ndërsa për Lulzim Bashën tha se “llogaritë e Shqipërisë nuk mund t’i bëjë ai faqezi.”

Meta: Nuk po shkoj në një ballkon, por në një podium. Ata kujtojnë se kanë izoluar Berishën, por ata e kanë ndihmuar që të jetë më afër shqiptarëve, të jetë më afër qiellit dhe më afër Zotit. Edi Rama është i pashpresë dhe ndryshimi do të vijë. Shqiptarët kanë kuptuar shumë mirë se çfarë po ndodh. Për Bashën, dihet se shtatë herë shtatë bëjnë 42, llogaritë e Shqipërisë nuk mund t’i bëjë aq faqezi. Besoj se Bardhi është një opozitar i vërtetë.

Politike

Meta niset nga selia e PL drejt banesës së Berishës: Beteja me mafien është betejë për jetë a vdekje

Kreu i PL-së, Ilir Meta ashtu siçi e kishte paralajmëruar në mbyllje të Konventës Kombëtare, është nisur nga selia e PL-së, drejt banesës së liderit opozitar, Sali Berishës për t’ju bashkuar tubimit qytetar.

Teksa po ecte, Meta tha për mediat se PL ka reflektuar dhe se nga nesër do të nisë një riorganizim. Më tej shtoi se beteja me mafier është betejë për jetë a vdekje.

Meta: Partia e Lirisë ka reflektuar dhe nga nesër nis një riorganizim. Beteja me mafien është betejë për jetë a vdekje. Kjo është një betejë, që ia vlen edhe të vdesësh. Prej kohësh e bëmë të qartë se do të kishim një strukturë të re. Për Vojo Kushin nuk mund të ankohet askush, ai edhe kur mbeti vetëm, kaloi në përjetësi. Nuk keni pse të keni ankesa për Vojo Kushin. Vojo Kushi është hero i popullit dhe Kryemadhi nuk mund të ketë ankesa për të. Sikur të gjithë këshilltarët e PL do të hidheshin mbi policët e regjimit, do të kishim tjetër Shqipëri. Për mua familja ka rëndësi, Shqipëria ka akoma më shumë rëndësi.

Politike

Rastësi apo zgjedhje? Meta nuk e ndjek fjalimin e Kryemadhit, pamjet

Rastësi apo zgjedhje?! Ilir Meta nuk qëndroi në sallë në Konventën e Partisë së Lirisë për të ndjekur fjalimin e Monika Kryemadhit. Ai vendosi që të shkojë të votojë dhe u kthye pasi Kryemadhi mbaroi fjalën.

Politike

“Uaaa, flet partia e vulës për moral”/ Meta: Basha gënjen edhe kur fle

Kreu i Partisë së Lirisë, Ilir Meta u pyet nga gazetarët në lidhje me një video të publikuar sot nga PD e vulës, ku tregoheshin episode të kaluara politike me akuza të ndërsjellta mes Berishës dhe Metës.

Meta e ka cilësuar ‘parti e vulës pa moral’, teksa kthen në vëmendje zgjedhjen e Lulzim Bashës kryetar të Bashkisë së Tiranës.

“Uaaa, ore flet partia e vulës për moral. Si doli ky vulaxhiu kryetar bashkie në Tiranë në 2011, me 23 mijë vota dhe prapë u desh qëndresa e heroike e Arben Ristanit që të dilte. Çfarë të themi, Jo vetëm të gënjen për orën, por ai dhe kur fle nuk ngopet së gënjyeri”, tha Meta.