REAGIM
Bashës nuk mund ti mohohet talenti për ti bërë kaçurrel nervat e Berishës
Nga Dritan Hila
Mbështetësit e Berishës kanë shkuar rishtas për t’u futur në selinë e PD dhe rishtas kanë gjetur dyert e mbyllura.
Kjo varavingo mund të ketë kuptim deri në datën 9. Natyrisht që nuk prek zemrat e shqiptarëve që dikush është lënë jashtë dyerve të PD. Shqiptarët po e shijojnë pasi ata që trokasin në derë nuk njihen si dishepuj të demokracisë. Për ne janë disa tipa që i kanë nxjerrë jashtë nga shtëpia. Kurse sa i takon këndvështrimit politik e gjitha kjo tregon se Berisha e ka humbur instinktin dhe nuk është në gjendje të prodhojë diçka tjetër më shumë se kaq. Në fakt u duk që në mitingun e stadiumit ku kënga shoqëruese ishte një hit i fundviteve ‘80-të, i mbetur në memorien e tij mbase kur e dëgjonte fshehurazi në vilën e Enver Hoxhës. Mirë edhe kaq se mund të kishte vënë edhe “Another brick in the wall” te Pink Flloyd të viteve ‘70-të.
Gjithsesi e gjitha kjo ka një deadline, një fund: Data 8. Nëse pas kësaj date Lulzim Basha është akoma në zyrë, atëherë bën mirë që të fillojë dhe kërkojë një seli të re për partinë që do të krijojë pasi historia e tij në PD ka marrë fund. Fakti që po e përzë Gaz Bardhi, mbase është edhe një fakt që karma funksionon si hakmarrje për të gjithë ata që ka përjashtuar Berisha në 30 vite mbretërim në PD.
A do të ketë fuqi Berisha të destabilizojë vendin? Mesa duket jo! Ish-trafikantë të kërkuar në perëndim dhe që mendonin se rreshtimi politik do t’i shpëtonte në Shqipëri, sot shohin që pas shqyerjes së dyerve janë të kërkuar edhe nga policia shqiptare. Kjo është demotivuese për skalionin që zakonisht përdoret si pararojë sulmi.
Faktor tjetër që nuk është në favor të revolucioneve janë ndjekësit e Berishës. Politikanët që i shkojnë pas tregojnë që 8 vjet nuk kanë mjaftuar t’ju shkrijë dhjamin. Me makina 70-100 mijë euroshe, me biznese herë të ditura dhe herë të fshehura, këta nuk janë të gatshëm t’i prijnë sulmuesve për të marrë Pallatin e Dimrit pa pasur parasysh pasojat. Revolucionet udhëhiqen nga idealistë dhe ndiqen nga të uritur, por jo nga kush pushtetin e ka shfrytëzuar për bizneset e veta.
Dhe së fundmi është klima e Tiranës ajo që nuk inkurajon trazirat. Iku koha kur mitingashët në fund i fusnin një pastrim edhe dyqaneve të televizorëve. Tani mitingashët e kanë zënë veten me biznese dhe nuk duan trazira kurse biznesmenët nuk janë aq të gatshëm të bëhen pre e plaçkitësve.
Sa për Lulzim Bashën, ende nuk ka shumë për të thënë. Por nuk mund t’i mohohet talenti për ti bërë kaçurrel nervat e Berishës dhe ta tërheqë në një betejë durimi duke krijuar kështu profilin e një lideri që nuk do dhunën dhe lënë kështu Berishës faturën e sulmeve mbi institucionet të viteve 2019-2022.
OPINION
‘Kryeministri i shikon vartësit si minj’/ Reagim i fortë nga Endi Tafani
OPINION
“Fajet” e Albinit, si shërbeu Shqipëria për përkëdheljen e Serbisë
Nga Enton Abilekaj
Nuk është e lehtë të kuptohet çfarë ndodh brenda dhomës ku Albin Kurti ulet me orë të tëra përballë Aleksandar Vuçiç. Jo për herë të parë, pjesëmarrësit pas takimit jepnin informacione kundërshtuese, por për herë të parë, Kryeministri i Kosovës, u quajt fajtor edhe nga përfaqësuesi i lartë i BE, Borrell dhe nga lehtësuesi i bisedimeve, Lajçak. Për herë të parë Vuçiç u paraqit kontruktiv dhe vullnetmirë, ndërsa Kurti, ishte i detyruar të replikonte edhe me Lajçak, duke mos e njohur më si palë të tretë, të paanshme.
Një herë e parë jo e papritur. Që nga takimi i parë, kur Vuçiç u shokua nga 5 pikat e Kurtit, ekuilibrat kanë ndryshuar ndjeshëm. Konflikti në Veriun e Kosovës dhe qëndrimi i Përëndimit në favor të Serbisë që dërgoi banditët për të rrethuar komunat, ishte një këmbanë konfirmimi, për të gjithë ata që kishin filluar të dyshonin se përkëdhelja deri në joshje që po i bëhej Serbisë, mund ta sakrifikojë edhe Kosovën. Se ndryshimi i ekuilibrave perëndimore nuk mund të fshihet më kur ka ndryshuar kahje. Replikat e Kurtit me Blinken apo Osmanit me Macron, janë vetëm episode groteske të një përplasjeje krejt të pabarabartë, që konfirmojnë se Kosova është tashmë pa plan, pa aleatë, në një betejë vendimtare.
Nuk dihet sa është përgjegjësia e Kurtit në këtë ndryshim të qëndrimeve perëndimore, por është e vështirë të besohet se sjellja e tij do të përcaktonte strategjinë e Perëndimit në Ballkan. Me kokëfortësinë e tij të vënë në dukje edhe nga liderët perëndimorë, ka tërhequr vëmendjen, ka acaruar nervat dhe ka ndërprerë një projekt, të paktën përkohësisht, por nuk mund të përmbyste kurrsesi një strategji të hartuar në kushtet e rikompozimit të Botës dhe rireshtimit të fuqive të mëdha, që po reflektohet në luftën e Ukrainës.
Serbia që e ka patur gjithmonë statusin e një trupi europian me kokën në Moskë, për herë të parë që nga ekzistenca, po trajtohet si një shtet sovran, si një trup që mund të braktisë kokën, ose ta ndërrojë me një tjetër në Bruksel. Në këtë përpjekje më shumë se të guximshme të Perëndimit, për fat të keq ka ndihmuar edhe Shqipëria.
Që në fillimin e kësaj ideje, Tirana zyrtare, i ka dhënë statusin e një shteti paqësor, sovran dhe europian Serbisë. Takimet e shpeshta me Vuçiçin, më pas projekti për shkëmbimin e territoreve, pastaj iniciativa e Novi Sadit që u shndërrua në Ballkan i Hapur, i dha Vuçiçit statusin e njeriut paqësor, që ndan vlera perëndimore dhe mund të jetë i pavarur nga Putini dhe Beogradi mund të jetë qendra politike e Ballkanit Perëndimor, me kushtin që Tirana të ishte e dyta.
Përveç kësaj, me Ballkanin e Hapur, por edhe më parë me politikat e hapjes ekonomike, Shqipëria i siguroi Serbisë një treg shqiptar për të çliruar energjinë e investimeve të huaja përfshirë Ruset dhe Kinezet në miliarda dollarë. Kështu, flirtimi i hapur i Serbisë me Rusinë dhe Kinën, në vend ta izolonte, e shndërroi Beogradin në qendrën ekonomike të Ballkanit Perëndimor.
Me statusin e qendrës politike dhe ekonomike të Rajonit, Serbia mund të negocionte me Perëndimin më shumë se të dyja shtetet shqiptare. Ky nuk ishte avantazhi i vetëm strategjik që Edi Rama i fali Vuçiçit. Përveç fuqizimit të Serbisë, i dhuroi edhe përçarjen e shqiptarëve. Ai e izoloi Ramush Haradinajn në Berlin, pastaj Thaçin dhe Hotin për Ballkanin e Hapur, deri te konfikti me Albin Kurtin që u shpalos qartë pikërisht në momentin kur Kosovës i duhej më shumë Shqipëria.
Konflikti në Veri e gjeti Kosovën më të vetmuar se kurrë, pasi Edi Rama anuloi mbledhjen e përbashkët të dy qeverive në Gjakovë, duke shënuar sanksionimin e parë të Kosovës.
Sot, kur konstatohet me dëshpërim kapërcimi spektakolar i Perëndimit nga Kosova te Serbia, nuk mund të lihet pa u thënë se një dorë e ka dhënë Shqipëria, të paktën në 8 vitet e fundit, kur ideja e rehabilitimit filloi të hidhej në tregun ndërkombëtar.
Ashtu si tha në Bruksel që nuk duhet bërë presion ndaj Serbisë për t’ i vënë sanksione Rusisë, ashtu si bëri në kulmin e krizës duke sanksionuar Kosovën dhë në analizën e fundit përpara nisjes për në New York, ku shprehu qëndrimin neutral të Shqipërisë dhe paqartësinë e pafajshme të Serbisë, Edi Rama ka ndihmuar, me aq sa ka patur fuqi, që gradualisht të shkohej aty ku jemi sot.
E vetmja mundësi që i ka mbetur Kosovës së vetmuar, është të rezistojë derisa të mos jetë më e njëjta situatë. Të paktën derisa Kosova ta ketë Shqipërinë në krah.
OPINION
Dhuna e fisit Rraja me shkopa bejsbolli/ Dervishi ironizon: Ishte thjesht film
Prokuroria e Tiranës ka lehtësuar akuzën për grupin e fisit Rraja që rrahu me shkopa bejsbolli dy persona, nga “plagosje e rëndë me dashje, në bashkëpunim në “plagosje të lehtë me dashje”.
Në fakt edhe kështu duket se po i bien në qafë personave me “shkopa bejsbolli”, prokurorët e kanë patur kohën e mjaftueshme, sepse çudia më e madhe zgjat vetëm tri ditë! Prokurorët mund të thonin se ishte “keqkuptim” ose ishte një film, me saktë një “skenë filmi”.
Nuk ka patur nevojë prokuroria të priste disa muaj për të administruar ”provat” për të arritur në këtë konkluzion provat janë sheshit dhe i kanë parë të gjithë me përjashtim të prokurorëve sylesh.
E gjitha ka qenë një keqkuptim. Personat me shkopa bejsbolli po luanin film. E xhiruan vetë skenën (provohet lehtësisht kamera, regjia) madje jo vetëm e xhiruan, por edhe e publikuan.
Nëntë persona me shkopa bejsbolli thjesht kanë shkuar për të xhiruar një film, dhe si në çdo film ajo që duket si “rrahje brutale” në fakt është aktrim i klasit të lartë.
Sikundër e panë të gjithë aty kishte edhe një pistoletë, edhe një shkop gome krahas “shkopave të bejsbollit”, u dëgjuan edhe thirrje “vrite, vrite”, ulërima dhe rënkime. Të gjitha këto janë prova të qarta se ka qenë film, ndryshe mos o Zot nuk mund të fyhen kaq shumë 9 burra të armatosur me armë dhe hunj dhe t’u thuhet se keni kryer “plagosje të lehtë”?! Eshtë turp. Njeriu për një burrëri jeton. Vetë te akuzuarit nuk duhet ta pranojnë këtë turp.
Tani që sipas prokurorëve gjenial, kemi të bëjmë me një “plagosje të lehtë”,
a duhet t’i kthehet mandati deputetit Rrahaj?
A duhet të reflektojë kryeministri Rama dhe të kthejë në detyrë ministrin e Brendshëm Çuçi?
A duhet të kthehen në punë policët e përjashtuar, oficerët e policisë të transferuar për një “plagosje të lehtë”?
Po tre personat e shpallur në kërkim a do t’i kërkoj kush falje?
Po media a duhet të kërkojë falje për raportimin?
Po lajmet për nisjen e hetimit ndaj guroreve a duhen përgėnjeshtrua sot?
P.S. Të ndaluarit për këtë ngjarje janë thjesht njerëz të pafat. Nëse viktima e tyre do të ishte ndonjë prokuror, pra prokurori të provonte në kurriz “shkopat e bejzbollit, shkelmat dhe qytën e pistoletës”, atëherë çështja do të zgjidhej me burrni dhe nuk do të ndodhte gjithë ajo tollovi që mori kokën e ministrit të Brendshëm dhe fytyrën e kryeministrit.
P.S. 2. A e dinë prokurorët kaqolë se çfarë është terrori dhe akti terrorist? Është ushtrimi i dhunës si mjet për të perhapur panik dhe frikë…
Aktualitet
E veshur me bikini dhe e mbuluar me çokollatë, imazhi i gruas në restorantin italian shkakton reagime të forta
Një grua me bikini qëndron e shtrirë mbi tavolinë, me trupin e mbuluar me çokollatë.
Kjo ishte panorama që u ofrohej pushuesve në një resort luksoz në Golfo Aranci në Sassari të Italisë. Një turist që kishte zgjedhur këtë resort postoi foton në profilin e tij në Linkedin në 15 gusht, ku i indinjuar thotë se “trupi femëror është shfaqet si objekt”.
Të menjëhershme kanë qenë reagimin në rrjet, teksa njerëzit kritikojnë zgjedhjen e resortit.
“Mbeta pa fjalë duke parë këtë skenë, në tavolinë një vajzë ‘me kostum çokollateje”, e shtrirë mes ëmbëlsirave”, shkruan sipërmarrësi nga Lombardia.
“Si është e mundur që të lejohen sjellje të tilla, ku trupi i një gruaje, i një punëtoreje, barazohet me atë të një enë për të kënaqur syrin djallëzor të dikujt”, shton ai.
Pas postimit të biznesmenit, erdhi reagimi i hotelit, ku kërkon ndjesë dhe shkruan se “jemi të përkushtuar për të ruajtur vlerat e përbashkëta”.
“Kemi lexuar me shumë vëmendje postimin që keni publikuar në lidhje me episodin fatkeq të ndodhur në resortin tonë gjatë mbrëmjes së 15 gushtit. I kërkojmë ndjesën më të sinqertë familjes vajzës dhe të gjithë klientëve. Duam të theksojmë se çdo ditë jemi të përkushtuar për të praktikuar vlerat e deklaruara, ndër të cilat si prioritet është respekti për bashkëpunëtorët dhe mysafirët tanë. Na vjen keq për incidentin dhe dëshirojmë të ritheksojmë me vendosmëri se kurrë nuk kemi pasur qëllim të përfaqësojmë vlera të tjera përveç atyre që përqafojmë me vendosmëri. Ne do të vazhdojmë të punojmë që situata të tilla të mos përsëriten në të ardhmen”, shkruhet në reagimin e hotelit./topchannel
OPINION
Turistët italianë ikën pa paguar/ Dervishi: Pjepri e ka bishtin prapa
-
Pinknews23 hours ago
Fituan 100% të buxhetit/ Egla Ceno bën kërkesën e veçantë që u mbështet nga banorët
-
Bota24 hours ago
Kryeministria sllovake: Fico është qëlluar disa herë, ndodhet në gjendje të rëndë për jetën
-
Pinknews52 mins ago
‘Mori vendimin drastik dhe u hodh me fëmijë’/ Egla Ceno nxjerr bllof produksionin e ‘BBV’
-
Bota24 hours ago
Atentati ndaj Kryeministrit sllovak/ Reagon Von der Leyen: Akte të tilla s’kanë vend në shoqërinë tonë
-
Kosova4 hours ago
Sisteme të avancuara të mbrojtjes ajrore për FSK-në në Kosovë
-
Bota23 hours ago
Atentati/ Presidenti i zgjedhur sllovak: I tmerruar nga sulmi ndaj kryeministrit Fico
-
Kosova5 hours ago
Kjo është shqiptarja që u vra në Athinë nga ish- burri, zbulohet e shkuara dhe konfliktet e vazhdueshme në familje
-
Horoskopi11 hours ago
Mos kërkoni vetëm nga partneri dashuri sot sepse edhe ai do doje…