Berisha: Pasuritë publike shkojnë të gjitha për pasurimin e qeveritarëve

Kryetari i partisë Demokratike ka mbajtur sot një takim me strukturat drejtuese të degëve 6, 13 dhe 16 të Tiranës.

Duke folur për skandalin “McGonigal”, Berisha u shpreh se kryeministri Rama e ka vendin në burg.

Ai ka kujtuar edhe rastin e kryeministrit Rama, i cili sipas kryedemokratit është fituesi më i sigurt i tenderave në vend.

“Ai i cili ulet me 10 mijë dollarë darkën sigurisht që nuk ia di atij që nuk ka vaktin e darkës. me rrogën tënde asnjë kryeministri, as presidentit të SHBA nuk do t’ja arrinte të paguante një darke të tillë, nuk do t’ia lejonte vetes. kur je miliarder bëj çtë duash por rrogën e merr nga qytetarët.
në këtë mënyrë ne varfërohemi çdo herë e më shumë. Pasuritë publike shkojnë të gjitha për pasurimin e qeveritarëve dhe klientelës së tyre.
Rama si asnjë kryeministër tjetër në histori, kontrakton vrasës me pagesë për opozitën shqiptare.
Për të vrarë një forcë politike, pluralizmin, demokracinë. Historia Rama-NacGonigal është historia më e turpshme dhe ju garantoj se nuk besoj të ketë komb tjetër që mund të toleronte një turp të tillë.

Nuk do rrimë duarkryq para këtij skandali.
McGonigal e ka vendin në burg, Rama pas tij, Rama duhet të shkojë pas tij

Edhe pse paguan dhe angazhon persona të tillë kundër opozitës, vijon bashkëpunimine me të kur ai priste gjoba në Tiranë, gjobiste biznesmenë përdorte pushtetin e SHB dhe agjencisë së tij për të terrorizuar e marrë peng shqiptarët.

Me dy mafiozët e Ramës Duçka e Neza vendosën dhjetëra gjoba. U shndërruan McGonigalë. Vendosnin kush do të merrte licencat.

Do të duken lule këto në krahasim me ç’pret të bëjë. Nuk ka moral e normë. Nuk ka ligj që njeh.

Rama si despot, nuk ka ligj, por vetëm vullnetin e tyre. Shndërron Shqipërinë në çiflig të familjes dhe kjo e ka tërbuar.

Pse do fitojë dhjetëra tendera baxhanaku i tij kur me ligj nuk mund të marrë pjesë në tendera? A më keni dëgjuar të them një fjalë kur nuk ishte qeveritar Rama? Jo, asnjë diskriminim.
Baxhanaku është fitimtari më i sigurt i tenderave në vend. Po Çuçi nga doli? Pse u vu ai? E vuri droga, është histori droge”, tha ai.