Brnabiç: Kosova nuk është shtet/ Përplasja e fortë me Kurtin

Kryeministrja e Serbisë, Ana Bërnabic, tha se nuk ka Kosovë shtet, kur drejtuesi i panelit në Forumin Strategjik të Bledit në Slloveni, në të cilin po merr pjesë edhe kryeministri i Kosovës, Albin Kurti, tha se “të dyja vendet dëshirojnë të jenë pjesë e BE-së”

Në forum u tha gjithashtu se “përmbyllja e dialogut Beograd-Prishtinë është parakusht për anëtarësimin dhe negociatat e Serbisë” dhe se “përshkallëzimi i situatës në Kosovë, dëmton jo vetëm Prishtinën por edhe Beogradin

Drejtuesi i panelit në Forumin Strategjik të Bledit gjithashtu pyeti Brnabiç, nëse mund të priten hapa pozitiv nga Serbia në kuptimin e së ardhmes”, ajo u përgjigj me avazin e zakonshëm: Nuk janë dy vende. E ashtuquajtura Republika e Kosovës nuk është vend ndërkombëtarisht i njohur dhe nuk është anëtare e OKB-së dhe dyshoj që do të bëhet pjesë e BE-së, së paku jo derisa të ketë njohje nga pesë shtetet mosnjohëse” – theksoi Bërnabiç

Paskësaj ka ndërhyrë kryeministri i Kosovës. Kurti tha se “Përkrahja në Kosovë pë Bashkimin Evropian në Kosovë është 94 për qind, në Serbi është rreth 45 për qind. Ne kemi vënë sanksionet kundër federatës ruse, Serbia jo, as që e mendon.  Nuk e distancon veten as nga Milloshevici  dhe as nga Putini”

Duke komentuar deklaratën e Brnabic, se Serbia e Kosova janë një shtet, Kurti theksoi: Normalizimi në psikologji nënkupton mungesë konfuzioni mes realitetit dhe fantazisë dhe ky është një regjistër tjetër ku unë nuk mund të kontribuojë fatkeqësisht