Lifestyle

Çfarë ndodh me trupin tuaj kur merrni shpesh multivitamina?

Suplementet ushqimore multivitamine kanë një efekt pozitiv në uljen e ankthit, forcimin e imunitetit dhe rritjen e ndjenjës së energjisë, por gjithsesi duhet të keni kujdes me përdorimin e tyre.

Marrja e përditshme e suplementeve dietike multivitamine është bërë gjithnjë e më popullore vitet e fundit, veçanërisht në mesin e njerëzve me një mënyrë jetese të shpejtë, të cilët nuk kanë kohë për të përgatitur vakte të shëndetshme në shtëpi.

Suplementet ushqimore multivitamine përfshijnë komponime të vitaminave dhe mineraleve të ndryshme që gjenden në kombinime që i përshtaten nevojave specifike të individit, si ato për imunitet më të mirë, përqendrim, efekt në oreks, rritje të energjisë etj. Kohët e fundit, ata me një përqindje të shtuar të vitaminave C dhe D dhe acideve të shëndetshme omega-3 kanë qenë të njohura.

Por a kemi vërtet nevojë për to dhe çfarë ndodh realisht kur i konsumojmë çdo ditë?

“Për shumicën e njerëzve, suplemente të tilla diete nuk janë aspak të nevojshme, sepse të gjitha vitaminat i marrin nga dieta e tyre. Ato rekomandohen për të moshuarit dhe njerëzit që kanë oreks të reduktuar, zakone të këqija të të ngrënit ose janë në një gjendje specifike mjekësore, si shërimi nga një sëmundje ose shtatzënia”, shpjegon Dr Kelsey Lorenz.

Vitamina C është vërtetuar se forcon imunitetin dhe ndihmon në luftimin e ftohjes, viruseve dhe sëmundjeve më të rënda. Përveç kësaj, është një antioksidant, që do të thotë se ndihmon në pastrimin e trupit nga substancat e dëmshme që mund të shkaktojnë sëmundje.

Për imunitet më të fortë konsumohet edhe vitamina D sepse rregullon punën e mëlçisë dhe mungesa e saj shkakton inflamacione të ndryshme që mund të çojnë në sëmundje kronike. Është ndër vitaminat që rekomandohet të merren si suplement ushqimor sepse është e vështirë të merren sasitë e rekomanduara vetëm nëpërmjet dietës.

Përveç efekteve pozitive në imunitet, multivitamina kanë një efekt pozitiv në gjendjen e përgjithshme mendore dhe fizike pasi krijojnë një ndjenjë vitaliteti.

“Njerëzit që i konsumojnë mund të përjetojnë një rritje të energjisë. Kjo vlen sidomos për rastet që më parë kanë pasur mungesë të disa vitaminave, por nuk ka asnjë garanci për këtë efekt”, thotë mjekja Melissa Mitri.

Ato zvogëlojnë ndjenjat e ankthit dhe përmirësojnë funksionet mendore

Çështjet e shëndetit mendor janë bërë një temë e nxehtë vitet e fundit, me një numër në rritje të njerëzve që raportojnë probleme me ankthin dhe depresionin. Hulumtimet e fundit kanë vërtetuar se multivitamina, veçanërisht vitamina D, mund të ndihmojnë me këtë.

Ato gjithashtu kanë një efekt pozitiv në vështirësitë në të mësuar dhe fokusin e dobët, si dhe në shenjat e tjera të plakjes, siç janë problemet me kujtesën. Hulumtimet e fundit kanë vërtetuar se suplementet dietike multivitamine rritin kujtesën, vëmendjen, fokusin dhe aftësinë e planifikimit.

Megjithatë, duhet pasur kujdes me sasinë.

“Nëse konsumoni vitamina në doza të mëdha, doza për të cilat trupi juaj nuk ka nevojë, mund të përjetoni efekte anësore si të përziera apo probleme me tretjen”, thotë doktor Mitri.

Vitaminat që mund të ndikojnë negativisht në tretje dhe të shkaktojnë diarre, nauze, të vjella, kapsllëk ose ngërçe janë hekuri, magnezi, vitamina C, zinku dhe kalciumi. Në çdo rast, rekomandohet të merrni vetëm vitaminat që ju mungojnë dhe t’i përmbaheni suplementeve multivitamine që janë të certifikuara dhe nuk përmbajnë metale të rënda dhe substanca të rrezikshme.

Related Topics:efekte lifestyle multivitamina shendeti

Lifestyle

Rreziqet nga takimet online

Aplikacionet për takime tani janë bërë një mënyrë shumë normale për të takuar njerëz të rinj dhe për të gjetur partnerë, por gjithmonë ekziston një rrezik.

Në përgjithësi, rreziqet që hasen në aplikacionet e takimeve janë të njëjta me ato që hasen në mediat e rregullta sociale. Me ndryshimin që, mbase, brenda kontekstit të takimeve në internet, takimi i drejtpërdrejtë merret pothuajse gjithmonë në konsideratë, i cili është potencialisht një element i rrezikut konkret.

Ata do t’ju dërgojnë gjëra që ju nuk dëshironi – Rreth 51% e grave të pajtuara në aplikacione takimesh thonë se kanë marrë materiale seksuale të qarta dhe të pakërkuara. Shifrat reale janë ndoshta edhe më të mëdha.

Ata do t’ju tregojnë gjëra të këqija të pavërteta – 45% e grave raportojnë se u janë nënshtruar mesazheve agresive. Shaka të vogla, fyerje, kërcënime, nxitje për vetëvrasje, fraza mizogjinie, seksizëm, vrasje femërore. Dhe pastaj përsëri keqdashje, mashtrime, meme dhe mesazhe urrejtëse ndaj gruas dhe ekzistencës së saj. Pak a shumë, ky është thelbi i gjithë poshtërsisë që gratë janë të detyruara të lexojnë çdo ditë.

FOBO (Frika nga opsionet më të mira) – Frika se ka mundësi më të mira, është një pasojë e pakëndshme dhe e natyrshme e takimeve në internet që na bën të kemi frikë se mos humbasim opsione më të mira sesa ato që shfaqen thjesht dhe që na bën të lëvizim furishëm në aplikacion duke kërkuar profile më të mira, buzëqeshje më të bukura, muskuj më të skalitur.

Rreziqet “reale” – Përveç rreziqeve të lidhura thjesht me botën virtuale në të cilën lëvizim në aplikacionet e takimeve, është e rëndësishme të mos harrojmë rreziqet më “klasike”, ato që mund të hasim në të vërtetë në jetën reale, dhe për këtë arsye momenti i takimit. Dhe këtu duhet të zbatojmë një sërë rregullash që në teori duhet t’i dimë tashmë përmendësh për të mbrojtur sigurinë tonë personale.

Lifestyle

Mashkulli ideal ekziston, këto janë shtatë karakteristikat e tij

Gjetja e njeriut ideal nuk është e lehtë, por bëni mirë që në kokën tuaj të keni disa ide të qarta rreth mashkullit perfekt me të cilin vendosni të lidhni jetën

Përveç imagjinatës suaj, kuptohet. Këtu janë shtatë tiparet e djalit të përsosur, që çdo grua do donte ta kishte në krahë.

1. Ai është në gjendje t’ju dëgjojë

Dëgjimi aktiv është një aftësi që nuk duhet të nënvlerësohet dhe djali i përsosur me të vërtetë e merr në konsideratë atë që ju i thoni atij dhe nuk fle gjumë ndërkohë që ju flisni, qoftë edhe për gjëra fare të parëndësishme.

2. Është i ëmbël në shtrat

Edhe intimiteti është shumë i rëndësishëm. Në një marrëdhënie hipotetike romantike dhe ideale, njeriu mund të komunikojë hapur me ju dhe ju jeni në gjendje të hapni plotësisht veten tek ai.

3. Ai është besnik

Djali që dëshiron çdo grua është ai që mund të shohë dhe të mendojë vetëm për ty. Besnikëria është një virtyt i madh në një marrëdhënie serioze.

4. Kujdeset për pamjen e tij

Gratë duan të kenë në krahë të tyre një djalë i cili është i veshur mirë dhe kujdeset për veten, si edhe për aspektin higjienik. Dhe njeriu ideal lahet çdo ditë dhe vishet bukur.

5. Ai është i pëlqyeshëm

Një ndjenjë e humorit është gjithmonë shumë e çmuar nga gratë, të cilat duan të merren me gjithçka ndodh përreth dhe të qeshin me partnerin e tyre.

6. Ai është inteligjent

Një grua nuk i pëlqen njerëzit pa mend në kokë e që nuk janë në gjendje të mendojnë ose të flasin për gjëra serioze. Një njeri inteligjent është gjithashtu një njeri i kulturuar, i cili studion dhe di shumë gjëra.

7. Ai është i sjellshëm

Në një marrëdhënie, mirësia është thelbësore, sepse të gjitha gratë duan të trajtohen mirë. Njeriu ideal është një kavalier, i cili hap derën për të dalë nga makina, i cili ju derdh verë në gotë së pari dhe gjithmonë ju bën kompliment për mënyrën se si jeni veshur.

Lifestyle

Pse duhet të konsumoni sa më shumë arra

Përfitimet shëndetësore të arrave janë mbresëlënëse. Ato kanë një mori lëndësh ushqyese, si yndyrna, omega-3, vitaminë E dhe magnez.

Disa nga arsyet pse duhet të hani arra rregullisht është sepse:

Arrat mund të ndihmojnë në uljen e presionit të gjakut.

Studimet kanë zbuluar se arrat janë në gjendje të ulin nivelin e kolesterolit.

Arrat mund të zvogëlojnë rrezikun e disa kancereve

Për shkak të shumë antioksidantëve dhe lëndëve ushqyese anti-inflamatore që gjenden te arrat, komuniteti shkencor ka zbuluar se arrat mund të zvogëlojnë rrezikun e disa llojeve të kancerit, duke përfshirë atë të gjirit, kolorektalin dhe prostatën.

Arrat mbështesin funksionin e mirë të trurit

Disa studime sugjerojnë se arrat janë të mira për trurin dhe kujtesën tuaj. Një studim zbuloi se arrat përmirësonin ndjeshëm aftësitë e të mësuarit, kujtesën dhe ankthin.

Arrat ju ndihmojnë të keni një plakje të shëndetshme

Arrat janë të mbushura me lëndë ushqyese të shëndetshme që përmirësojnë trurin tuaj dhe ju ndihmojnë të plakeni mirë.

Një studim vëzhgues i mbi 50,000 grave të moshuara tregoi se ato me dietat më të shëndetshme kishin një rrezik 13% më të ulët të problemeve shëndetësore dhe arrat ishin ndër ushqimet që dhanë kontributin më të fortë në një dietë të shëndetshme.

Lifestyle

Kjo është shenja më e zgjuar e Horoskopit

Ekzistojnë lloje të ndryshme të inteligjencës – disa janë të lindura, dhe disa i fitojmë gjatë jetës.

Disa njerëz instinktivisht dinë të reagojnë në situata të reja, dhe disa reagojnë bazuar në përvojat e kaluara. Këto janë të gjitha gjëra që përcaktojnë inteligjencën e dikujt, dhe ka faktorë të tjerë. Njëra prej tyre është astrologjia.

Çdo shenjë e zodiakut ka specifikat e veta dhe secila është e veçantë në diçka. Thuhet se Dashi është i pavarur, Akrepat janë besnikë dhe Virgjëreshat janë të organizuara.

Studiuesit britanikë u përpoqën të përcaktonin se cila ishte shenja më e zgjuar, dhe për ta bërë këtë, ata e bazuan kërkimin e tyre në numrin e çmimeve Nobel të dhëna që nga viti 1901.

Binjakët janë treguar të jenë shenja më e zgjuar e zodiakut.

Anëtarët e kësaj shenje morën 97 çmime Nobel në shekullin e kaluar, që është padyshim një arritje mbresëlënëse. Edhe pse mund të mos keni qenë nxënësi më i mirë në shkollën e mesme, tani mund të jetë koha për ta ndryshuar atë dhe për të përqafuar aftësitë tuaja.

Binjakët konsiderohen si shenja më e zgjuar sepse ata gjithmonë përpiqen të jenë më të mirët dhe u pëlqen të mësojnë gjëra të reja, shkruan Astrofame.

Kurioziteti i tyre natyror do të thotë që atyre u pëlqen të sfidojnë veten dhe të shkëlqejnë në gjithçka.

Lifestyle

Njerëzit inteligjentë e gjejnë më vështirë dashurinë e jetës

Njerëzit inteligjentë janë më analitikë kur është fjala për dashurinë. Kjo për shkak se njerëzit inteligjentë kanë tendenca të kenë parashikime më të mira sesa të tjerët.

Kur i përmendim ‘parashikimet’, fjala është për aftësinë e të analizuarit një situatë, të rikujtoni përvojat e kaluara relevante dhe t’i shikoni mundësitë adekuate për të ardhmen.

Nëse këtë mentalitet e aplikoni edhe në lidhje të dashurisë, njerëzit inteligjentë largohen më shpejt nga lidhja kur shfaqen shenjat e para të telasheve, transmeton Ekonomia Online. Pra, nëse përvoja është mësuesi më i mirë, atëherë njerëzit e mençur do të mbështeten në të për t’i marrë vendimet.

Inteligjentët “mbrohen”

Efekt tjetër anësorë i të mbështeturit në përvojë kur është fjala për dashurinë, është se inteligjentët kanë tendenca të mbrohen apo ruhen më shumë. Ata kanë më shumë problem të jenë më të hapur sepse truri i tyre analitik asnjëherë nuk ndalon së reflektuari në rrethanat e të kaluarës kur janë hapur me dikë tjetër dhe që janë lënduar nga ky proces.

Për këtë arsye, njerëzit tjerë mendojnë se personi është i ftohët – karakteristikë të cilën askush nuk e dëshiron te një partner.

Njerëzit inteligjentë duan vet të jenë beqarë

Njerëzit me inteligjencë të lartë mendojnë analitikisht, edhe kur vjen fjala për gjërat si lidhjet e dashurisë. Prandaj, njerëzit inteligjentë e kuptojnë se të qenit vetëm është më mirë sesa të qenit me personin e gabuar. Ky është vendim tejet i menduar dhe i arsyeshëm.

Pra, në esencë, njerëzit inteligjentë janë beqarë sepse duan të jenë beqarë.