Daçiç në ekstazë: Politika e tërheqjes së njohjeve për Kosovën vazhdon

Kryetari i Partisë Socialiste të Serbisë, njëkohësish edhe Minister i Jashtëm dhe zevendës kryeministër, Ivica Daçiç, ka deklaruar në takimin parazgjedhor në Novi Sad se nuk do të ketë njohje të pavarësisë së Kosovës, as anëtarësim në Kombet e Bashkuara, ndërsa e ka quajtur Rusinë, Kinën e Indinë miq shekullorë.

“Nuk ka njohje të pavarësisë së Kosovës, nuk ka hyrje në Kombet e Bashkuara dhe organizata të tjera ndërkombëtare. Ne do të vazhdojmë me politikën e tërheqjes së njohjeve nga shumë vende të botës” – tha Daçiç

“Ne jemi kundër anëtarësimit në paktin e NATO-s. Sepse ajo është organizata që na bombardoi dhe bëri agresion ndaj vendit tonë. Kur bëhet fjalë për marrëdhëniet ndërkombëtare, ne duam të jemi anëtarë të Bashkimit Europian, por nuk do të dëmtojmë marrëdhëniet tona me Rusinë dhe Kinën, që janë miqtë tanë shekullorë” – deklaroi Ivica Daçiç.