Dënoi publikisht dhunën e ushtruar ndaj Edi Kuçit, “njerëzit” e Jozit kërcënojnë me jetë gazetarin e njohur

Gazetari Elton Tozaj ka reaguar publikisht përmes rrjeteve sociale, duke deklaruar se është përballur me kërcënime të drejtpërdrejta për jetën.

Sipas tij, kërcënimet kanë nisur pas deklaratave që bëri lidhur me përplasjen fizike mes Jozit dhe Edit, ku dënoi dhunën e ushtruar nga të dyja palët.

Në një postim në Instagram, Tozaj u ka bërë thirrje Policisë dhe Prokurorisë që të ndërhyjnë menjëherë dhe të nisin hetimet për identifikimin e personave përgjegjës.

“Pas deklaratave të mia të djeshme në Kosovë lidhur me përplasjen fizike mes Jozit dhe Edit, ku dënova hapur dhe pa asnjë ekuivok dhunën nga të dyja palët, jam përballur me një valë të egër dhe të panumërt kërcënimesh direkte për jetën. U bëj thirrje urgjente organeve kompetente, Policisë dhe Prokurorisë, ta marrin në konsideratë këtë situatë kritike dhe të nisin pa humbur asnjë sekondë hetimet për këta maskarenj pas tastierave. Guximi për të kërcënuar me jetë një gazetar dhe për të mbjellë terror e dhunë nuk do të tolerohet”, shkruan ai.