Sociale

Dita Nderkombetare per Eliminimin e Dhunes ndaj Grave

Ndërkohë që pandemia e shkaktuar nga COVID-19 dhe kultura mbizotëruese e mosndëshkimit kërcënojnë arritjet në kuadrin e barazisë gjinore dhe dhënies fund të dhunës ndaj grave dhe vajzave, me rastin e Ditës Ndërkombëtare për Eliminimin e Dhunës ndaj Grave, UN Women bën thirrje për veprime të fuqishme dhe vendimtare si përgjigje ndaj kësaj krize të paprecedentë.

Qeveria, Agjencitë e Kombeve të Bashkuara, shoqëria civile, rinia dhe sektori privat do të bashkohen për 16 Ditët e Aktivizmit Kundër Dhunës me Bazë Gjinore, një fushatë kombëtare mobilizimi kjo që do të zgjasë deri më datën 10 dhjetor me temën: Dëgjo, Beso, Mbështet.

Si asnjë vit tjetër, dhuna kundër grave është shtuar në mënyrë drastike, dhe për t’i dhënë fund kësaj pandemie të fshehur është e nevojshme mbështetja e secilit aktor dhe secilit prej nesh. Ne duhet të dëgjojmë të mbijetuarat, t’i besojmë atyre dhe t’i mbështesim me më shumë investime, drejtim dhe veprim.

Edhe përpara pandemisë së shkaktuar nga COVID-19, dhuna kundër grave ishte një prej shkeljeve më të përhapura të të drejtave të njeriut, dhe thuajse gjysma e grave në Shqipëri kanë vuajtur të paktën nga një formë dhune gjatë jetës së tyre. Gjatë COVID-19, telefonatat në linjën kombëtare të këshillimit për gratë dhe vajzat (116117) u shtuan me 60% në prill, krahasuar me një vit më parë. Këtë vit, 2986 gra dhe vajza kanë denoncuar raste të dhunë në familje në polici. Rastet e dhunës seksuale të trajtuara në qendrën Lilium që nga hapja dy vjet më parë është 64.

‘Ne duhet të thyejmë heshtjen që ende rrethon dhunën me bazë gjinore në shoqërinë tonë: viktimat e abuzimit nuk duhet të ndihen asnjëherë në faj’, u shpreh Michele Ribotta, Përfaqësuesi i UN Women në Shqipëri.

16 Ditët e Aktivizmit do të përfshijnë më shumë se 250 aktivitete të organizuara në të gjithë vendin, si fizikisht ashtu edhe në internet. Qindra biznese dhe institucione shqiptare i janë bashkuar thirrjes së UN Women për të ngjyrosur në portokalli hapësirat e tyre virtuale në formë sensibilizimi dhe me qëllim rritjen e ndërgjegjësimit për parandalimin e dhunës. Disa prej tyre po mbështesin gratë e mbijetuara të dhunës me donacione. UN Women sapo ka përfunduar trajnimin e parë të trajnerëve për fuqizimin përmes vetëmbrojtjes me 14 punonjës socialë nga organizata të grave, të cilët e kanë përshkruar trajnimin si një përvojë që i “ndryshoi jetën”. Aktivitete të tjera përfshijnë një seminar për stereotipat gjinorë në media; trajnime me nxënës të shkollave për ngacmimet dhe abuzimet në internet; ekspozitë audio dhe video të historive të vërteta të dhunës ndaj grave dhe vajzave; forume me komunitetet fetare; seanca informuese në komunitet për shërbimet e disponueshme për të mbijetuarit. Angazhimi i UN Women në fushatë mbështetet nga Qeveria e Suedisë dhe BE-ja.

Ashtu si në vitet e shkuara, godina si ajo e Ministrisë së Shëndetësisë dhe Mbrojtjes Sociale, Zyra e OKB-së në Tiranë dhe Reja do të ndriçohen me portokalli për të bërë thirrje për një të ardhme më të shndritshme ku gratë dhe vajzat mund të jetojnë pa dhunë.

Sociale

Vjen oferta e parë për futbollistin e Milanit, ai është…

Sharl De Ketelare ishte padyshim një nga blerjet më të dështuara sezonin e kaluar, me mesfushorin belg që erdhi te Milani për 35 milionë euro, ku në 40 ndeshje nuk shënoi asnjë gol dhe dha vetëm një asist.“Djalli” duket se nuk ka më besim te 22-vjeçari dhe është në pritje të ofertave për të.Duket se e para ka ardhur nga Seria A, me Atalantën që ka shfaqur interes për belgun.Siç bëjnë me dije mediat italiane, bergamaskët janë të gatshëm që ta huzazojnë me të drejtë blerje De Ketelaren, teksa Milani ende nuk ka dhënë asnjë përgjigje.

Sociale

Shqetësimi qytetar/ Rrugët e Dibrës si Kandahari (VIDEO)

Peshkopi/ Dibëra si Kandahari. Në redaksinë e NTV.AL vjen shqetësimi qytetar.

Jo vetëm rrugët e shkatërruara por edhe trotuaret po i veshtiresojne jeten njerezve. Femijeve po iu rrezikohet jeta cdo dite kur shkojnë në shkolle, pasi te dy krahet e trotuareve jane te bllokuara nga makinat qe tregtojne ushqime dhe tezgat e ambulanteve qe shesin. Bulevardi i qytetit te sjell ndermend kandaharin e famshem ne Afganistan. Edhe pse ankesat iu jane bere te ditura autoriteteve, prej policise bashkiake te Dibrës, nuk po merret asnje mase

Video e derguar nga nje qytetar

Sociale

Protestë në Bërxullë, banorët përplasje me FNSH

Banorët e Bërxullës në Rinas kanë tentuar ditën e sotme të bllokojnë aksin Rinas-Tiranë duke protestuar për rrugën që po ndërtohet në tokën e tyre. Protesta ka agravuar dhe në ndihmë të forcave të rendit kanë mbërritur edhe grupet e FNSH-s duke bërë të mundur edhe lirim e rrugës.

Banorët janë shprehur se shteti po u grabit tokat e tyre dhe nuk po i dëmshpërblen me çmimin që duhet dhe se ato po na vjedhin.

Banorët e Bërxullës prej ditësh vijojnë protestat duke kërkuar të marrin kompensimin e pronave që preken nga projekti i rrugës Thumanë-Kashar-Fier. Ata thonë se kompania Gener2 që ka fituar projektin me koncesion për 35 vite, në kundërshtim me ligjin, ka nisur punën në terren pa pasur një leje ndërtimi. Banorët pretendojnë se nuk kanë marrë asnjë njoftim lidhur me projektin, e as për shpronësimet. Janë rreth 200 banorë të Fushë-Prezës dhe Bërxullës, të cilët preken nga shkatërrimi i pronave dhe tokave bujqësore. Një pjesë e këtyre banesave ende janë në proces legalizimi, ndërsa për tokat bujqësore kanë çertifikatë pronësie.

Sociale

Bllokohet Rruga e Kombit, banorë ngrihen në protestë

Banorët e qytetit të Rubikut janë ngritur në protestë në shenjë kundërshtie për bllokimin e hyrjes së rrugës në anën lindore.

Banorët e zonës janë mbledhur të gjithë para Rrugës së Kombit, ndërsa pohojnë se penalizohen nga ky vendim.

Sipas tyre me bllokimin e hyrjes së rrugës, ata ngelen të izoluar. Pjese e protestës është bërë dhe deputeti i Partisë Demokratike, Kastriot Piroli.

Sociale

Vendimet e qeverisë/ Nga 1 tetori dyfishohet ndihma ekonomike

Ministrja e Shëndetësisë Ogerta Manastirliu ka deklaruar se duke nisur nga 1 tetori do të dyfishohet ndihma ekonomike.

‘Nga 1 tetori do të dyfishohet ndihma ekonomike. Dua të ndalem në këtë mbështetje që qeveria po jep për skemën e ndihmës ekonomike për përfituesit e saj janë mbi 64 mijë familje.

Do mbështeten për energjinë elektrike personat të cilët kanë status me aftësi të kufizuar, të cilëve u rritet masa e mbështetjes për energjinë elektrike. Kjo masë mbështetje shkon nga 2000 mijë lekë në 3000 mijë lekë. Nga kjo mbështetje përfitojnë 12 mijë persona.’- u shpreh Manastirliu.