Donald Trump i heq ‘bukën e gojës’ OKB-së: Reformohuni pastaj do merrni fonde

Administrata e Presidentit të SHBA-së, Donald Trump, ka pezulluar përkohësisht pagesat për OKB-në, ndërsa pret reformat në organizatë.

Kjo u deklarua nga Mike Waltz, Përfaqësuesi i Përhershëm i SHBA-së në OKB, në një intervistë me Breitbart News.

Sipas diplomatit, nën presionin e Shteteve të Bashkuara, Sekretari i Përgjithshëm i OKB-së, Antonio Guterres, ka rënë dakord të shkurtojë buxhetin e organizatës botërore me 15%, gjë që do të çojë në një ulje prej 18% të stafit dhe një ulje prej 25% të paqeruajtësve.

“Unë besoj se në shumë mënyra do ta shpëtojmë atë (OKB-në) nga vetvetja dhe do t’i çojmë reformat përpara.”