Aktualitet
Dy shishe alkool në qeli/ I burgosuri: Ishte lëng boronice, e dua se vuaj nga veshkat
Mbasi kontrolluan në Burgun e Sigurisë së Lartë të Peqinit dhe gjetën telefona dhe alkool, komisioni i disiplinës së burgut ka marrë në pyetje të dënuarin me burgim të përjetshëm, Gazmend Brakën, të njohur si Gaxhai.
Burime për Anila Hoxhën bëjnë me dije se, nga kontrollet më herët, Gaxhait i kanë gjetur dy shishe alkool, verë dhe uiski. Sot është pyetur për praninë e këtij alkooli.
Siç mëson gazetarja Anila Hoxha, Gaxhai ka deklaruar: “Nuk është alkool. As uiski dhe as verë, por është lëng boronice dhe unë e përdor se vuaj nga veshkat dhe dua t’i pastroj ato”.
Pritet një përgjigje nga laboratori, pasi SHKBB e burgjeve po heton për alkoolin, për të marrë një përgjigje zyrtare.
Ndërkohë, i njëjti komision ka marrë në pyetje edhe dy të dënuar të tjerë, të cilëve u kanë gjetur dy telefona. Ata e kanë pranuar që telefonat ishin të tyre, por s’kanë treguar se si i kanë futur.
Prej javësh, burgjet në Shqipëri janë përfshirë nga kontrolle dhe për të gjitha ato ka pasur njoftime zyrtare. I fundit ishte në burgun e Fushë-Krujës mbrëmjen e kaluar, ku u gjetën telefona.
Prokuroria e Fierit dërgon në gjyq avokaten dhe përkthyesen për falsifikim dokumentesh
Putini i dhuron Kazakistanit katër tigra ‘Amur’ përpara vizitës së tij
Agravon sherri/ Bullgari godet me tub metalik 50-vjeçarin shqiptar
Dy shishe alkool në qeli/ I burgosuri: Ishte lëng boronice, e dua se vuaj nga veshkat
Ulen çmimet e karburanteve/ Ja me sa lekë do të shitet nafta
Negociatat me SHBA-në për fundin e luftës, Irani zbulon kushtin kryesor
U plagos gjatë një operacioni antidrogë, Hita viziton punonjësin e policisë
