REAGIM
Edmond Budina: Edi Rama të nxirret me shqelma nga zyra
Regjisori Edmond Budina e ka konsideruar një akt kriminal dhe të paprecedent aksionin e qeverisë ndaj “Prestige Resort”. Në një intervistë , Budina deklaroi se Rama me akte të tilla ka shkuar deri në çmenduri.
Sipas regjisorit, Rama do të japë mesazhin se kush i del kundër, do ta shpërbëjë me forcën e pushtetit.
Budina: Padiskutim që është një sulm, është një skandal në vazhdën e gjithë skandaleve që ka kryer ky kryeministër. Unë nuk kam asnjë njohje me pronarin e “Prestige Resort”, ama e gjej të pavend ndërhyrjen e shtetit në këtë mënyrë brutale, duke shkelur çdo të drejtë të njeriut, duke shkelur të drejtën e qytetarëve për të jetuar. Kryeministri Edi Rama është bërë një rrezik i madh shoqëror. Ka nisur me Teatrin Kombëtar, dhe vazhdon të veprojë në mënyrë të logjikshme. Kemi të bëjmë jo me një njeri që është i papërgjegjshëm, por i përgjegjshëm në çmendurinë që bën.
Po i terrorizon njerëzit përmes këtyre akteve vandale, si një qeveri fashiste. Ky nuk e respekton pronën private, nuk respekton shtetin ligjor. Je kundër meje, unë të shpërbëj. Është një sulm skandaloz dhe i papranueshëm.
Shoqëria duhet të reagojë, jo për Irfanin, por për veten tonë. Edi Rama ka thënë që nuk keni parë asgjë akoma. S’mund ta mendonim se si do reagonte kryeministri të shkonte në këtë shkallë. Kemi të bëjmë me një akt kriminal. Ai do të tregojë se nëse i del kundër, mund të të shpërbëjë.
Populli duhet të ngrihet ashpër ndaj tij. Nëse ai nuk i thërret mendjes, ai duhet të tërhqiet zvarrë dhe të shporret me shqelma nga zyra ku drejton. Ai ka arritur në një shkallë çmendurie të këtij lloji. Por nuk e kuptoj se si njerëzit nuk i thërrasin mendjes së tyre për të mos reaguar, për një akt vandal të këtij lloji.
A ka njerëz të përgjegjshëm në këto institucione shqiptare. Unë nuk i bindem këtij urdhri. Këta njerëz që i binden, ose janë të mbytur deri në gryk me afera korruptive, ose janë të paguar shumë mirë.
Kemi të bëjmë me një shtet në duart e një njeriu të vetëm. Përdhunon çdo të drejtë, për më tepër që është në një ditë pushimi. Si mundet që edhe ata punonjës nxirren në punë. Duhej pritur vendimi i gjykatës. Këtu çdo është jashtë mendjes, ndonëse gjykatat i ka në dorë, nuk i respekton. Prapë nuk i dëgjon dhe as nuk i respekton. Nuk do t’ia dijë.
Budina u shpreh se kryeministri Rama njerëzit e tij të afërt i ka hedhur poshtë në momentin kur nuk i interesojnë më, ndërsa shtoi se “kur nuk i shërben ai të vret dhe nuk do të dijë për njeri”.
“Do të shkojë keq e më keq shikoni se çka bërë kudo shikoje me incneneratorët apo ata që i rrëshqasin nga dora i merr i plas në burg ai do ta çoj marrëzinë e tij deri në fund nëse nuk ndalet qoftë edhe me revolta të forta ai këtë dhunë do ta vazhdojë deri në fund është i papërmbajtshëm në këtë gjë. Për mendimin tim është si njeriu duke u mbytur dhe përpiqet që në atë moment të japë goditjen përfundimtare sepse e ndjen që kudo ka shkelur keq mbi të drejtat e qytetarëve dhe për mendimin tim ai do ta vazhdojë atë sulm te njerëzit e tij më të afërt i ka lënë i ka hedhur kur nuk i interesojnë shikoni a ka ndonjë mik nga ata që ka pasur jo nuk ka asnjë se kur nuk i shërben ai të vret nuk do të dijë për njeri.
Mund të ndalohet me një revoltë të madhe popullore edhe opozita duhet me cdo kusht që mos bindja civile të çohet deri në fund kjo të rrëzohet edhe para 14 majit se më këtë mënyrë të sulmuar të individit nuk ka rrugë tjetër veç përplasjes me të, njerëzve iu ka ardhur në majë të hundës dhe duhet të reagojnë në fund të fundit liria vlen shumë më tepër. Ajo pjesë e opozitës që i përket vulës se për mua është e turpshme ata i shërbejnë në mënyrë skandaloze Edi Ramës prandaj duhet reaguar të gjithë sëbashku kundër këtij rreziku të madh, të gjithë ata që janë kundër kësaj qeverie duhet të bëhen bllok”, tha Budina.
OPINION
‘Kryeministri i shikon vartësit si minj’/ Reagim i fortë nga Endi Tafani
OPINION
“Fajet” e Albinit, si shërbeu Shqipëria për përkëdheljen e Serbisë
Nga Enton Abilekaj
Nuk është e lehtë të kuptohet çfarë ndodh brenda dhomës ku Albin Kurti ulet me orë të tëra përballë Aleksandar Vuçiç. Jo për herë të parë, pjesëmarrësit pas takimit jepnin informacione kundërshtuese, por për herë të parë, Kryeministri i Kosovës, u quajt fajtor edhe nga përfaqësuesi i lartë i BE, Borrell dhe nga lehtësuesi i bisedimeve, Lajçak. Për herë të parë Vuçiç u paraqit kontruktiv dhe vullnetmirë, ndërsa Kurti, ishte i detyruar të replikonte edhe me Lajçak, duke mos e njohur më si palë të tretë, të paanshme.
Një herë e parë jo e papritur. Që nga takimi i parë, kur Vuçiç u shokua nga 5 pikat e Kurtit, ekuilibrat kanë ndryshuar ndjeshëm. Konflikti në Veriun e Kosovës dhe qëndrimi i Përëndimit në favor të Serbisë që dërgoi banditët për të rrethuar komunat, ishte një këmbanë konfirmimi, për të gjithë ata që kishin filluar të dyshonin se përkëdhelja deri në joshje që po i bëhej Serbisë, mund ta sakrifikojë edhe Kosovën. Se ndryshimi i ekuilibrave perëndimore nuk mund të fshihet më kur ka ndryshuar kahje. Replikat e Kurtit me Blinken apo Osmanit me Macron, janë vetëm episode groteske të një përplasjeje krejt të pabarabartë, që konfirmojnë se Kosova është tashmë pa plan, pa aleatë, në një betejë vendimtare.
Nuk dihet sa është përgjegjësia e Kurtit në këtë ndryshim të qëndrimeve perëndimore, por është e vështirë të besohet se sjellja e tij do të përcaktonte strategjinë e Perëndimit në Ballkan. Me kokëfortësinë e tij të vënë në dukje edhe nga liderët perëndimorë, ka tërhequr vëmendjen, ka acaruar nervat dhe ka ndërprerë një projekt, të paktën përkohësisht, por nuk mund të përmbyste kurrsesi një strategji të hartuar në kushtet e rikompozimit të Botës dhe rireshtimit të fuqive të mëdha, që po reflektohet në luftën e Ukrainës.
Serbia që e ka patur gjithmonë statusin e një trupi europian me kokën në Moskë, për herë të parë që nga ekzistenca, po trajtohet si një shtet sovran, si një trup që mund të braktisë kokën, ose ta ndërrojë me një tjetër në Bruksel. Në këtë përpjekje më shumë se të guximshme të Perëndimit, për fat të keq ka ndihmuar edhe Shqipëria.
Që në fillimin e kësaj ideje, Tirana zyrtare, i ka dhënë statusin e një shteti paqësor, sovran dhe europian Serbisë. Takimet e shpeshta me Vuçiçin, më pas projekti për shkëmbimin e territoreve, pastaj iniciativa e Novi Sadit që u shndërrua në Ballkan i Hapur, i dha Vuçiçit statusin e njeriut paqësor, që ndan vlera perëndimore dhe mund të jetë i pavarur nga Putini dhe Beogradi mund të jetë qendra politike e Ballkanit Perëndimor, me kushtin që Tirana të ishte e dyta.
Përveç kësaj, me Ballkanin e Hapur, por edhe më parë me politikat e hapjes ekonomike, Shqipëria i siguroi Serbisë një treg shqiptar për të çliruar energjinë e investimeve të huaja përfshirë Ruset dhe Kinezet në miliarda dollarë. Kështu, flirtimi i hapur i Serbisë me Rusinë dhe Kinën, në vend ta izolonte, e shndërroi Beogradin në qendrën ekonomike të Ballkanit Perëndimor.
Me statusin e qendrës politike dhe ekonomike të Rajonit, Serbia mund të negocionte me Perëndimin më shumë se të dyja shtetet shqiptare. Ky nuk ishte avantazhi i vetëm strategjik që Edi Rama i fali Vuçiçit. Përveç fuqizimit të Serbisë, i dhuroi edhe përçarjen e shqiptarëve. Ai e izoloi Ramush Haradinajn në Berlin, pastaj Thaçin dhe Hotin për Ballkanin e Hapur, deri te konfikti me Albin Kurtin që u shpalos qartë pikërisht në momentin kur Kosovës i duhej më shumë Shqipëria.
Konflikti në Veri e gjeti Kosovën më të vetmuar se kurrë, pasi Edi Rama anuloi mbledhjen e përbashkët të dy qeverive në Gjakovë, duke shënuar sanksionimin e parë të Kosovës.
Sot, kur konstatohet me dëshpërim kapërcimi spektakolar i Perëndimit nga Kosova te Serbia, nuk mund të lihet pa u thënë se një dorë e ka dhënë Shqipëria, të paktën në 8 vitet e fundit, kur ideja e rehabilitimit filloi të hidhej në tregun ndërkombëtar.
Ashtu si tha në Bruksel që nuk duhet bërë presion ndaj Serbisë për t’ i vënë sanksione Rusisë, ashtu si bëri në kulmin e krizës duke sanksionuar Kosovën dhë në analizën e fundit përpara nisjes për në New York, ku shprehu qëndrimin neutral të Shqipërisë dhe paqartësinë e pafajshme të Serbisë, Edi Rama ka ndihmuar, me aq sa ka patur fuqi, që gradualisht të shkohej aty ku jemi sot.
E vetmja mundësi që i ka mbetur Kosovës së vetmuar, është të rezistojë derisa të mos jetë më e njëjta situatë. Të paktën derisa Kosova ta ketë Shqipërinë në krah.
OPINION
Dhuna e fisit Rraja me shkopa bejsbolli/ Dervishi ironizon: Ishte thjesht film
Prokuroria e Tiranës ka lehtësuar akuzën për grupin e fisit Rraja që rrahu me shkopa bejsbolli dy persona, nga “plagosje e rëndë me dashje, në bashkëpunim në “plagosje të lehtë me dashje”.
Në fakt edhe kështu duket se po i bien në qafë personave me “shkopa bejsbolli”, prokurorët e kanë patur kohën e mjaftueshme, sepse çudia më e madhe zgjat vetëm tri ditë! Prokurorët mund të thonin se ishte “keqkuptim” ose ishte një film, me saktë një “skenë filmi”.
Nuk ka patur nevojë prokuroria të priste disa muaj për të administruar ”provat” për të arritur në këtë konkluzion provat janë sheshit dhe i kanë parë të gjithë me përjashtim të prokurorëve sylesh.
E gjitha ka qenë një keqkuptim. Personat me shkopa bejsbolli po luanin film. E xhiruan vetë skenën (provohet lehtësisht kamera, regjia) madje jo vetëm e xhiruan, por edhe e publikuan.
Nëntë persona me shkopa bejsbolli thjesht kanë shkuar për të xhiruar një film, dhe si në çdo film ajo që duket si “rrahje brutale” në fakt është aktrim i klasit të lartë.
Sikundër e panë të gjithë aty kishte edhe një pistoletë, edhe një shkop gome krahas “shkopave të bejsbollit”, u dëgjuan edhe thirrje “vrite, vrite”, ulërima dhe rënkime. Të gjitha këto janë prova të qarta se ka qenë film, ndryshe mos o Zot nuk mund të fyhen kaq shumë 9 burra të armatosur me armë dhe hunj dhe t’u thuhet se keni kryer “plagosje të lehtë”?! Eshtë turp. Njeriu për një burrëri jeton. Vetë te akuzuarit nuk duhet ta pranojnë këtë turp.
Tani që sipas prokurorëve gjenial, kemi të bëjmë me një “plagosje të lehtë”,
a duhet t’i kthehet mandati deputetit Rrahaj?
A duhet të reflektojë kryeministri Rama dhe të kthejë në detyrë ministrin e Brendshëm Çuçi?
A duhet të kthehen në punë policët e përjashtuar, oficerët e policisë të transferuar për një “plagosje të lehtë”?
Po tre personat e shpallur në kërkim a do t’i kërkoj kush falje?
Po media a duhet të kërkojë falje për raportimin?
Po lajmet për nisjen e hetimit ndaj guroreve a duhen përgėnjeshtrua sot?
P.S. Të ndaluarit për këtë ngjarje janë thjesht njerëz të pafat. Nëse viktima e tyre do të ishte ndonjë prokuror, pra prokurori të provonte në kurriz “shkopat e bejzbollit, shkelmat dhe qytën e pistoletës”, atëherë çështja do të zgjidhej me burrni dhe nuk do të ndodhte gjithë ajo tollovi që mori kokën e ministrit të Brendshëm dhe fytyrën e kryeministrit.
P.S. 2. A e dinë prokurorët kaqolë se çfarë është terrori dhe akti terrorist? Është ushtrimi i dhunës si mjet për të perhapur panik dhe frikë…
Aktualitet
E veshur me bikini dhe e mbuluar me çokollatë, imazhi i gruas në restorantin italian shkakton reagime të forta
Një grua me bikini qëndron e shtrirë mbi tavolinë, me trupin e mbuluar me çokollatë.
Kjo ishte panorama që u ofrohej pushuesve në një resort luksoz në Golfo Aranci në Sassari të Italisë. Një turist që kishte zgjedhur këtë resort postoi foton në profilin e tij në Linkedin në 15 gusht, ku i indinjuar thotë se “trupi femëror është shfaqet si objekt”.
Të menjëhershme kanë qenë reagimin në rrjet, teksa njerëzit kritikojnë zgjedhjen e resortit.
“Mbeta pa fjalë duke parë këtë skenë, në tavolinë një vajzë ‘me kostum çokollateje”, e shtrirë mes ëmbëlsirave”, shkruan sipërmarrësi nga Lombardia.
“Si është e mundur që të lejohen sjellje të tilla, ku trupi i një gruaje, i një punëtoreje, barazohet me atë të një enë për të kënaqur syrin djallëzor të dikujt”, shton ai.
Pas postimit të biznesmenit, erdhi reagimi i hotelit, ku kërkon ndjesë dhe shkruan se “jemi të përkushtuar për të ruajtur vlerat e përbashkëta”.
“Kemi lexuar me shumë vëmendje postimin që keni publikuar në lidhje me episodin fatkeq të ndodhur në resortin tonë gjatë mbrëmjes së 15 gushtit. I kërkojmë ndjesën më të sinqertë familjes vajzës dhe të gjithë klientëve. Duam të theksojmë se çdo ditë jemi të përkushtuar për të praktikuar vlerat e deklaruara, ndër të cilat si prioritet është respekti për bashkëpunëtorët dhe mysafirët tanë. Na vjen keq për incidentin dhe dëshirojmë të ritheksojmë me vendosmëri se kurrë nuk kemi pasur qëllim të përfaqësojmë vlera të tjera përveç atyre që përqafojmë me vendosmëri. Ne do të vazhdojmë të punojmë që situata të tilla të mos përsëriten në të ardhmen”, shkruhet në reagimin e hotelit./topchannel
OPINION
Turistët italianë ikën pa paguar/ Dervishi: Pjepri e ka bishtin prapa
-
Pinknews22 hours ago
Heidi Baçi “zbulon” konkurrentin që do të fitojë “BBVIP”, mërzitet Jul Deda
-
Pinknews19 hours ago
“Nuk e meritonte finalen”/ Donaldo përplaset ashpër me mikun e Meritonit
-
Pinknews20 hours ago
“Pas vetes do të doja që ‘Big Brotherin’ ta fitonte…/ Juli acaron keq Romeon
-
Pinknews23 hours ago
“I shoh ‘kokë më kokë’, por do fitojë…”/ Françeska Murati “zbulon” fituesin e “BBVIP”
-
Pinknews24 hours ago
“Nuk pjell dot, shko masturbohu”/ Romeo-Eglës: Juli të ka larë e shpëlarë…
-
Kronike20 hours ago
E rëndë/ Gjendet i varur 53-vjeçari në Fushë Krujë
-
Horoskopi3 hours ago
Do keni shume dyshime mbi partnerin tuaj sot dhe do debatoni gjate gjithë kohës me te
-
Politike22 hours ago
Pas telefonatës Rama-Rishi Sunak, vjen në Tiranë ministri i Jashtëm, Lord Cameron