KOSOVË- Një dramë e madhe është duke u zhvilluar në rrjetin social Twitter, të cilin pak ditë më parë e ka blerë Elon Musk, njeriu më i pasur i botës, pronari i gjigantit Tesla. Saga prej momentit kur Musk ishte pajtuar që ta blejë Twitterin e deri në momentin kur kishte vendosur ta paguante pronën e tij të re ishte mjaft e gjatë dhe përplot me kthesa. Meqë Twitter konsiderohet platforma kryesore për lajme në botë, Musk është shndërruar në qendër të raportimit të gazetave kryesore botërore.
Si një biznismen, le të themi më së buti, përplot me ngjyra, Musk nuk është duke hezituar që të polemizojë dhe përfshihet në intriga. Gjëja kryesore që tash ai si pronar i kësaj platforme është duke propozuar ka të bëjë mënyrën e pagesës së këtij rrjeti social. Hapi i parë që Musk e ka propozuar, ishte oferta e tij për ta bërë një cmim prej 8 dollarësh në muaj për çdokënd që dëshiron që ta ketë ikonën e kaltër, atë që deri tash e kishin vetëm personat më të rëndësishëm në botë. Sipas Musk, kjo nuk ka nevojë që të përfillet. Musk, thotë, që Twitteri duhet të ndryshojë në mënyrën e operimit, sepse deri tash fjalën kryesore, ose ndikimin më të madh, e kanë pasur llogaritë falso, me të cilat kanë abuzuar rrymat e ndryshme ideologjike, apo shtetet e ndryshme.
Musk thotë që duke aplikuar për ikonën e kaltër, të gjithë ata që dëshirojnë që ta kenë atë, përveç që do të legjitimohen, atyre Twitter do t’i jep edhe përparësi në postimet e tyre. Profileve të paverifikuara, prej momentit që do të fillojë të zbatohet kjo mënyrë e të operauarit, do t’u penalizohen postimet, duke u zhvendosur në fund të newsfeed’it.
Verifikimi me pagesë në Twitter, që tashmë është paralajmëruar nga miliarderi Elon Musk mund të sjellë ndryshime në metodën politike në Kosovë.
Kjo ide e Muskut mund të godasë “profilet e rreme” që përdoren nga partitë politike e më së shumti nga partia e Albin Kurtit, Lëvizja Vetëvendosje.
Pagesa prej 8 dollarësh për verifikimin mund të ndikojë në “deligjitimimin” e profileve të rreme në Twitter, duke u dhënë hapësirë më pak në krahasim me llogaritë e verifikuara.
Këto profile shpesh përdoren për frikësim e linçim të kritikëve të Albin Kurtit në këtë rrjet social të popullarizuar ndër kosovarë.
Pagesa prej 8 dollarësh për verifikimin mund të ndikojë në “deligjitimimin” e profileve të rreme në Twitter, duke u dhënë hapësirë më pak në krahasim me llogaritë e verifikuara.
Jo rrallë është diskutuar edhe publikisht për fuqinë linçuese të partisë më të madhe në Kosovë, e cila i shfrytëzon mirë rrjetet sociale për të përhapur mesazhin e vetë politikë. Ajo që nga disa quhet “xhemati teknologjik” (cyberxhemati), nuk e lë anash as Twitterin për të sulmuar kundërshtarët e Kurtit, duke tentuar t’i heshtë ata.
Profile si “smooth”, “Kweznus tree”, “Curr kollari”, “Dardanian son”, “Lucky strike”, “Dardani1999” etj., janë vetëm disa nga profilet që nuk ngurrojnë të shpërdajnë, rishpërndajnë e komentojnë në Twitter me postime pro-qeveritare.
Ndër më të zëshmit me shkronja në Twitter është “agleeye”, që duket se përveç z.Kurtit, ka simpati edhe për shefin e kabinetit të presidentes Vjosa Osmani, Blerim Vela, një postim të sëcilit e ka shpërndarë.
Madje, profil në këtë rrjet social ka edhe rilindasi i shquar Naim Frashëri, i cili komenton e shpërndan lajme në favor të Albin Kurtit.
Pak a shumë sikurse në Facebook, edhe në Twitter, llogari të rreme, që përdorin emra fiktivë, përçojnë mesazhe pro LVV-së e Qeverisë Kurti. Viktimë e komenteve ofenduese e gjuhës vulgare të profileve të tilla të rrema, zakonisht janë figura publike që njihen për diskursin kritik ndaj Kurtit e LVV-së.
Adriatik Kelmendi, Vehbi Kajtazi, Memli Krasniqi, Vlora Çitaku, Berat Buzhala e shumë të tjerë, herë pas here vershohen me komente nga profile të rreme. E duket se atyre po u vjen fundi. Errësira e “sobës”, që shpesh përmendet nga Florin Krasniqi, ish-deputet i Lëvizjes Vetëvendosje, mund të jetë fati përfundimtar i profileve të rreme.
Nisma e Elon Musk-ut, miliarderit që është pronar i ri i Twitterit, mund të jetë e mirëseardhur për largimin e gjuhës toksike nga profilet e rreme. Në një postim në Twitter, ai ka shkruar se do t’i vijë fundi sistemit të zotërinjve dhe fshatarëve, duke thënë se të gjithë ata që kanë llogari të verifikuar do të paguajnë 8 dollarë në muaj.
Një gjë e tillë i ka pëlqyer gazetarit Berat Buzhala, i cili shkroi ditë më parë kjo është një nga mënyrat për të eliminuar profilet e rreme.
“Në fakt shumë po më pëlqen ideja me e bo me parapagim Twitterin. Kjo është njana prej mënyrave me i eliminu fake accounts. Nuk kish pasë hesapë Albini me i pagu miliona euro për mijëra llogari fejke. Mos u ndal Elon.”, shkroi në Twitter z.Buzhala, duke theksuar se ai tashmë e ka paguar parapagimin për verifikim në këtë rrjet social.
Nëpërmjet pagesës prej 8 dollarë, Musk po synon të pastrojë rrjetin Twitter nga profilet e rreme, duke larguar gjuhën e ashpër e denigruese që përdoret nga këto llogari. Madje, Musk ka treguar se çfarë do të përfitojnë ata që paguajnë “taksën” prej 8 dollarësh për verifikim.
Por, profilet e rreme janë shumë më prezente në Facebook, ku mundësia e ndikimit është më e madhe. Kujtojmë, që kohë më parë, Nacionale pati shkruar rreth linçimet me profile të rreme ndaj Rrahman Jasharajt, kryetar i SBAShK-ut. Në një formë të organizuar, ata e quanin me fjalë të papranueshme z.Jasharajn, që atëbotë po udhëhiqte një grevë të përgjithshme në sektorin publik.
Madje ata nuk hezituan ta quanin qen, çetnik, xhenaze e njeri të Serbisë z.Jasharajn.
“Lajmëtar dhe avokues për pavarësinë e Kosovës”/ Osmani takon ish presidentin amerikan, George W. Bush
Presidentja e Kosovës, Vjosa Osmani është takuar ditën e sotme me ish presidentin e amerikës George W. Bush ku e cilësojë këtë të fundit si “lajmëtar dhe avokues për pavarësinë e Kosovës”.
Përmes një postimi në rrjetet sociale, Osmani ka njoftuar për takimin me ish-presidentin Bush, duke përkujtuar thënien e tij gjatë vizitës së tij në Tiranë në vitin 2007.
“’Mjaft është mjaft. Kosova është e pavarur’, është fraza paralajmëruese për pavarësinë e Kosovës, e Presidentit George W. Bush në Tiranë më 2007, e cila do të mbetet e gdhendur në analet e historisë si një afirmim i vendosur i të drejtës së Kosovës për të qenë e pavarur dhe sovrane”, shkroi Osmani.
“Kënaqësi që takova lajmëtarin e pavarësisë së Kosovës, Presidentin Bush, i cili ishte një avokues i vendosur për pavarësinë e Kosovës dhe vazhdon të mbetet një mik dhe mbështetës i popullit të Kosovës”, ka shkruar presidentja Osmani.
“Gazetar i supozuar”/ Xhymshiti reagon pas deklaratës së Escobar: Sulm që synon heshtjen e gazetarisë kritike
Gazetari i Kosovës, Vudi Xhymshiti ka reaguar pas deklaratës së Diplomatit Amerikan të Shtetit, Gabriel Escobar i cili e ka cilësuar Xhymshitin si një “gazetar të supozuar”. Në një postim në rrjetin social “X”, Xhymshiti shkruan se kjo deklaratë është një sulm që synon diskreditimin dhe heshtjen e gazetarisë kritike.
Ai shton se termi “gazetar i supozuar” i përdorur nga Escobar banalizon integritetin profesional dhe punën e gjerë të gazetarit, dhe ngjall urrejtje dhe mosbesim, duke nxitur potencialisht armiqësi ndaj gazetarit. Xhymshiti shton ndër të tjera se kjo deklaratë është alarmante kur buron nga një zyrtar qeveritar, roli i të cilit sipas tij në thelb kërkon një angazhim për të mbështetur vlerat demokratike, duke përfshirë lirinë e shtypit.
Reagimi në rrjetin social X:
Kur një diplomat i rangut të lartë nga Departamenti Amerikan i Shtetit, si zëvendësndihmës sekretari Gabriel Escobar, etiketon një gazetar të njohur si “gazetar i supozuar” në përgjigje të akuzave të dokumentuara, nuk është thjesht një sulm ndaj individit, por një shkelje e rëndë. të dekorit diplomatik dhe një fyerje ndaj lirisë së shtypit. Kjo deklaratë, veçanërisht e ardhur nga një figurë e përfshirë në polemika mbi konfliktet e mundshme të interesit, sugjeron një përpjekje të qëllimshme për të minuar besueshmërinë e gazetarit dhe largimin e vëmendjes nga çështjet thelbësore në fjalë. Veprime të tilla janë pjesë e një fushate më të gjerë shpifjeje të Escobar-it , që synon diskreditimin dhe heshtjen e gazetarisë kritike përmes vrasjes së personazheve. Kjo është veçanërisht alarmante kur buron nga një zyrtar qeveritar, roli i të cilit në thelb kërkon një angazhim për të mbështetur vlerat demokratike, duke përfshirë lirinë e shtypit . Termi ” gazetar i supozuar ” jo vetëm që banalizon integritetin profesional dhe punën e gjerë të gazetarit, por gjithashtu ngjall urrejtje dhe mosbesim , duke nxitur potencialisht armiqësi ndaj gazetarit. Është një taktikë që kërcënon vetë themelin e diskursit të informuar dhe llogaridhënies në çështjet publike, duke i bërë jehonë metodave më të errëta të përdorura zakonisht nga regjimet autoritare për të shtypur mospajtimin dhe për të kontrolluar narrativën. Pavarësisht përballjes me sulme ad-hominem që synojnë të minojnë besueshmërinë time, unë mbetem i padekur . Akuzat e dokumentuara për konflikt të mundshëm interesi që rrethojnë Zëvendës Ndihmës Sekretarin Gabriel Escobar kanë çuar në shkarkimin e tij , duke nënvizuar ndikimin e gazetarisë rigoroze investigative. Ky rezultat jo vetëm që justifikon përpjekjet tona të zellshme, por gjithashtu ripohon angazhimin tim për të mbështetur transparencën dhe llogaridhënien kundër interesave të fuqishme.
Vuçiç fut Kinën në Europë, ‘Kommersant’ për arsyet e vizitës së Xi Jinping në Serbi
“Qëllimi kryesor i vizitës së presidentit kinez Xi Jinping në Serbi më 7-8 maj u shënua zyrtarisht si “forcimi i mëtejshëm i miqësisë së çelikut” midis dy vendeve. Kina e sheh Serbinë si një partner të rëndësishëm në zbatimin e projektit të saj strategjik “Belt and Road”, i cili përfshin dërgimin e produkteve kineze në Evropë. Beogradi nuk mbështetet vetëm në kreditë dhe investimet kineze, por edhe në mbështetjen e Pekinit për qëndrimin e Serbisë ndaj Kosovës” – kështu shkruan korrespondenti ballkanik i ‘Kommersant’, Genadi Sosoyev.
Fakti që vizita e presidentit kinez Xi Jinping në Serbi ka për qëllim të “forcojë miqësinë e çelikut” mes dy vendeve u njoftua në Pekin dhe Beograd. Pikërisht kjo formulë – “miqësia e fortë” – është përdorur në të dy vendet prej disa vitesh si karakteristikë e marrëdhënieve dypalëshe.
Gjatë vizitës së parë të Xi Jinping në Beograd në vitin 2016, u nënshkrua një deklaratë për partneritetin strategjik, kurse vjeshtën e kaluar, kur presidenti serb Aleksandër Vuçiç vizitoi Pekinin, u nënshkrua një marrëveshje për tregtinë e lirë mes dy vendeve, të cilën Beogradi e quajti një “ngjarje historike për Serbinë”.
Beogradi mbështetet në radhë të parë në investimet dhe kreditë kineze, duke i preferuar qartë ato ndaj atyre evropiane për shkak të shpejtësisë së zbatimit dhe procedurave më të thjeshta për marrjen e tyre.
Por Serbia nuk është më pak e interesuar për mbështetjen e Pekinit edhe për qëndrimin e saj ndaj Kosovës. Kina nuk e njeh pavarësinë e Kosovës dhe voton vazhdimisht në përputhje me këtë qëndrim në Këshillin e Sigurimit të OKB-së. Nga ana e saj, Serbia i përmbahet me vendosmëri parimit të një Kine. “Tajvani është Kina, dhe pikë”, tha Aleksandër Vuçiç në një intervistë në Pekin.
Sipas burimeve të Kommersant nga Beogradi, Vuçiç dhe Xi fillimisht do dakordohen për përfundimin e ndërtimit të hekurudhës së shpejtë Beograd-Budapest në gjatësi prej 350 km, e cila është duke u realizuar nga kompanitë kineze, me mundësi shtrirjeje deri në kryeqytetin maqedonas, Shkup dhe më tej në portin grek të Selanikut.
Sipas planeve të Pekinit, autostrada Selanik-Budapest duhet të bëhet një nga pikat kyçe në dërgimin e produkteve kineze në Evropë në të ardhmen.
Një tjetër temë e rëndësishme diskutimi, sipas të njëjtave burime të Kommersant, duhet të jetë çështja e blerjes së mundshme nga ana e Serbisë të avionëve kinezë të gjeneratës së pestë J-20, të cilët do të zëvendësonin MiG-29 të dorës së dytë që Rusia i transferoi në Beograd.
Përpjekja e ricikluar për të diskualifikuar të dërguarin special amerikan Gabriel Escobar
“Ne gjithmonë do të qëndrojmë krah popullit të Kosovës” – Kështu ka thënë Gabriel Escobar, i dërguari i SHBA-së për t’u marrë me çështje në rajonin në të cilin bën pjesë edhe Kosova.
Krerët e shtetit të vogël ballkanik në disa raste aluduan se ai qëndronte në anën e Serbisë dhe specialisti i diplomacisë nuk e pati të lehtë detyrën e emisarit, duke parë që thirrja e tij e vazhdueshme që Albin Kurti të kordinohej me Perëndimin, këmbehej me fushata sulmesh ndaj tij, dhe të cilat janë ricikluar javën e fundit.
U pa se detyra e të dërguarit të Shteteve të Bashkuara të Amerikës për Ballkanin Perëndimor nuk ishte e lehtë as për një specialist të diplomacisë si Gabriel Escobar.
Siç ndoshta nuk do ta ketë pritur diplomati amerikan, disa pushtetarë në Kosovë dhe mbështetës të tyre, në forma të ndryshme, hodhën akuza në drejtim të tij, duke e lidhur atë edhe me Serbinë.
Pothuajse në çdo paraqitje publike, Zëvendës Ndihmës Sekretari Amerikan i Shtetit u mundua të argumentonte se SHBA-ja ka bërë shumë gjëra në favor të Kosovës. Thirrja e tij e vazhdueshme për t’u koordinuar këmbehej me fushata sulmesh ndaj tij. Nga Kosova ai priti themelimin e asociacionit të komunave me shumicë serbe që s’do ta rrezikonte Kushtetutën apo strukturën ligjore të shtetit. Për një strukturë të tillë vetëmenaxhimi për serbët ishin pajtuar kryeministri i Kosovës, Albin Kurti dhe presidenti i Serbisë, Aleksandër Vuçiç në Bruksel dhe Ohër në shkurt dhe mars të vitit të kaluar.
Nëse sulmuesit e Escobarit dhe vetë kryeministri Albin Kurti nuk do të mendonin se i dërguari i SHBA-së e bëri thjesht për ta joshur Qeverinë, mund të konstatohet se Kosova ka humbur mundësi të mëdha për t’u njohur plotësisht ndërkombëtarisht.
Gabriel Escobar, më herët, dhe jo vetëm një here kishte pranuar edhe publikisht se në Washington kanë “problem komunikimi me kryeministrin Kurti”, dhe thoshte se “ky nuk është problem vetëm i Shteteve të Bashkuara”.
Anëtarësimin e Kosovës në organizatat ndërkombëtare, me njohjen paraprake nga pesëshja e BE-së, diplomati amerikan e konsideroi si aspiratën më të lartë të SHBA-së në Ballkanin Perëndimor. Marrëveshja e fundit në dialog, sipas tij ofronte mundësinë më të madhe që nga pavarësia që amerikanët të bashkëpunonin me Qeverinë e Kosovës në një fushatë globale të njohjeve që mund të niste vitin e kaluar.
Kështu thoshte Escobar në Capitol Hill në verën e vitit 2023, në një mbledhje ku Kosova ishte çështje kryesore e diskutimit.
Anëtarësimi/ Ja çfarë kërkon Ambasada britanike nga Kosova
Dje dhe sot në Strasburg, zëvendësministrat e Jashtëm të vendeve anëtare të Bashkimit Europian janë duke bërë përgatitjet e fundit dhe hartimin e agjendës për mbledhjen e ministrave të Jashtëm që do të zhvillohet këtë muaj. Ende nuk dihet me saktësi nëse Kosova do të futet në agjendë, pavarësisht optimizmit që krijoi votimi me shumicë dërrmuese pro anëtarësimit të Kosovës në Asamblenë Parlamentare. Kërkesa e Francës dhe Gjermanisë që të bëhen hapa konkretë drejt themelimit të Asociacionit si kusht për anëtarësim e ka daravitur disi këtë entuziazëm.
Së fundmi, Mbretëria e Bashkuar, perms ambasadës së saj në Prishtinë, ka rekomanduar që qeveria “të bëjë gjithçka” për të siguruar mbështetjen e nevojshme, pavarësisht se nuk i kërkoi Kosovës drejtpërdrejt themelimin e Asociacionit që pastaj të japë mbështetje në mbledhjen e majit.
Kujtojmë se dy ditë më parë në zyrën e Albin Kurti shkuan ambasadorët e vendeve të Quint’it. Kyeministri u përmendi atyre raportin e grekes Dora Bakoyannis, për të cilin tha se u konfirmua nga Asambleja Parlamentare e Këshillit të Europës dhe se “ka konfirmuar se Republika e Kosovës plotëson standardet dhe kriteret për të qenë anëtare e plotë e kësaj organizate”.
Po ashtu, kryeministri Kurti tha se me vendimin për regjistrimin e tokës Manastirit të Deçanit dhe letrën e dërguar nga tre krerët e vendit – ku zotohen për themelim të Asociacionit – “Kosova ka plotësuar të gjitha kriteret për anëtarësim, prandaj edhe çdo kërkesë tjetër është në shpërputhje me vetë votimin e Asamblesë Parlamentare të Këshillit të Evropës të 16 prillit, të mbështetur në masën 82%.
Si përgjigje për kërkesën e Francës e Gjermanisë, Kurti ka thënë se normalizimi i marrëdhënieve mes Kosovës dhe Serbisë zhvillohet në Bruksel dhe jo në Strasburg.
