Finalja e madhe PSG–Arsenal/ Basti prej 1.5 milion $ i Drake ndez frikën e dështimit

Por, vetëm pak orë para ndeshjes, një “bombë” jashtë fushe ka tronditur kampin e londinezëve. Dhe jo, nuk bëhet fjalë për ndonjë dëmtim të minutës së fundit, por për diçka që tifozët e Arsenalit e konsiderojnë edhe më të rrezikshme: Drake sapo ka vendosur bast për ta!

Sipas burimeve të besueshme nga CentreGoals, superylli kanadez i rrepit ka vendosur të luajë rëndë në bixhoz. Drake ka vendosur plot $1 milion që Arsenal do të shpallet kampion sonte përballë parisienëve. Sikur të mos mjaftonte kjo, ai ka shkuar edhe më tej në çmendurinë e tij financiare, duke shtuar edhe një bast të dytë specifik prej $500,000 për rezultatin e saktë: Arsenal 1-0 PSG. Një total prej $1.5 milionësh që tregon besim të verbër… ose një makth të pastër!

Paralajmërimi i Madh: Aktivizohet “The Drake Curse”

Për çdo tifoz tjetër në botë, të shohësh një ikonë të pop-kulturës të investojë miliona për skuadrën tënde do të ishte krenari. Por për fansat e Arsenalit? Ky lajm ka rënë si një dush i ftohtë. Në botën e sportit, ky veprim njihet si fillimi i tragjedisë, për shkak të të ashtuquajturit “The Drake Curse” (Mallkimi i Drake).

Historia nuk gënjen: nga Anthony Joshua te Serena Williams, e deri te skuadrat e shumta të futbollit – sa herë që Drake vesh një fanellë apo vendos shuma të mëdha parash për një ekip, ai ekip dështon në mënyrë spektakolare. Drake është shndërruar zyrtarisht në “ghoul-in” (ogurin e zi) e basteve sportive. Statusi aktual i tifozëve të Arsenalit në rrjetet sociale: Panik total! Dashuria për trofeun e parë të Champions League po lufton me frikën e një mallkimi që rrallë herë fal.