Me një deklaratë të ashpër, Juventusi shkarkoi Allegrin duke mbyllur një epokë, të dytën, jo shumë të suksesshme, por të penalizuar nga shumë ngjarje jashtë fushës së futbollit.

Juve do të fillojë nga dyshja Giuntoli-Thiago Motta dhe me një tregues të qartë të përsëritur nga John Elkann, pra duke filluar përsëri me të rinjtë. Drejtori i Juventusit, njeriu qëndror i projektit të ri, do të ndihmojë ekipin duke u dhënë lamtumirën disa emrave të mëdhenj dhe duke u përballur me kufizime të ndryshme financiare.

Asnjë shpenzim i çmendur dhe disa rikthime nga huazimet apo shitje (Hujsen dhe Soule mbi të gjitha) për të financuar disa lëvizje. Juventus 24-25 do të ketë një sezon plot angazhime (madje do të ketë një Botëror për Klube për të luajtur ) dhe skuadra do të duhet të jetë me objektiva të qartë.

Nëse Chiesa dhe Vlahovic, të paktën me fjalë, janë blinduar në Torino, situata është ndryshe për shtyllat e tjera të ekipit. Alex Sandro do t’i thotë lamtumirë ekipit, me shumë gjasa edhe Danilo (kontrata skadon në 2025) dhe Rabiot (skadon 2024), rinovimet e të cilëve nuk janë gjë tjetër veçse një rrugë pa krye. E njëjta gjë në frontin e Perinit, ndërsa Bremer mund të thoshte lamtumirë dhe të garantonte miliona për goditjet në hyrje. Ikin edhe Kean dhe Alcaraz , por jo Yildiz, rinovimi i të cilit është pranë.

Do të ketë gjysmë revolucioni dhe gjithashtu nuk do të mungojnë blerjet. Nëse ardhja e Calafiorit në Torino duket si një punë e përfunduar, duhet theksuar edhe presioni i fortë ndaj Monzas për Di Gregorio. Në mesfushë objektivi i madh është Koopmeiners (Atalanta e vlerëson me 50 milionë euro) dhe Zirkzee në frontin ofensiv. Holandezi, i ndjekur edhe nga Arsenali dhe Milani do të ishte i lumtur të gjente përsëri Thiago Mottan.

Ky i fundit ndërkohë do të mund të ndjekë nga pranë Juventusin të hënën e ardhshme (20.45), kur Bologna e tij do të presë në shtëpi “Zonjën e Vjetër”. Në Itali janë të sigurt se Juve i ka bërë një ofertë zyrtare Mottas, me ish-mesfushorin e Inter që këtë sezon ka bërë një punë të shkëlqyer te Bologna.

Serie A e futbollit nisi këtë të premte me raundin e 37-të. Në “Artemio Franchi” Fiorentina dhe Napoli barazuan 2-2. Me këtë rezultat napoletanët janë jashtë Evropës një javë nga fundi i sezonit, teksa për skuadrën e kaltër shënoi Amir Rrahmani.

Fiorentina mban vendin e tetë me 54 pikë, ndërsa Napoli me 52 pikë pozitën e nëntë.

VIDEO E GOLAVE (KLIKO)

Renditja

Lenny Kravitz është artisti që do të performojë me një koncert në finalen e UEFA Champions League.

Ylli i rrokut do të ngjitet në skenë dhe do të këndojë për herë të parë këngët e tij të reja nga albumi ‘Blue Electric Light’ i cili pritet të mbahet më 24 maj.

“Ndihem shumë energjik përpara paraqitjes sime në finalen e UEFA Champions League në Londër, një qytet që mban një vend të veçantë në zemrën time. Do të jetë një ngjarje kaq emocionuese para një finale që do të thotë kaq shumë për mua. Është një rast i përsosur për t’u mbledhur të gjithë së bashku dhe për të shijuar pak muzikë dhe ndjenjën e miqësisë së bashku. Mezi presim t’ju tregojmë se çfarë kemi rezervuar, ” tha ylli në një deklaratë.

Në karrierën e tij prej tre dekadash, katër herë fituesi i GRAMMY ka publikuar 11 albume, duke regjistruar shitje që kanë tejkaluar 40 milionë kopje në mbarë botën.

Së fundmi ai mori çmimin ‘Music Icon Award’ në People’s Choice Awards dhe u nderua me yllin e tij në Hollywood Walk of Fame.

Albumi i tij i ri, Blue Electric Light, përmban 12 këngë që ai shkroi dhe regjistroi me bashkëpunëtorin dhe kitaristin e vjetër Craig Ross, duke luajtur shumicën e instrumenteve vetë në studion e tij në Bahamas, siç raportohet nga NME.

“Finalja e Ligës së Kampionëve do të shfaqë një legjendë të industrisë muzikore, e cila do të sjellë dinamizëm dhe energji në spektakël ”, tha ndër të tjera drejtori i marketingut të UEFA-s, Guy-Laurent Epstein.

Finalja e shumëpritur mes Dortmundit dhe Real Madridit do të zhvillohet të shtunën më 1 qershor në stadiumin ikonik Wembley të Londrës.

Ylber Ramadani ka kaluar momente të vështira për shkak të një problemi në qafë, që i shkaktoi vështirësi në frymëmarrje. Për DAZN lojtari i Kombëtares dhe Leçes ka thënë se gjendja ishte shumë serioze, teksa rrezikoi të vdiste.

“Isha vërtet shumë i sëmurë, rrezikova të vdisja”, përsërit Ramadani dy herë për DAZN Talks.

Më pas mesfushori i Kombëtares Shqiptare i falënderon të gjithë. “President, drejtor sportiv, trajner, klub ishin të gjithë pranë meje. Isha shumë i shqetësuar, por tani jam mirë. Për dhjetë ditë më shikonin sikur të isha fëmijë i presidentit apo drejtorit.”

Më 23 prill Leçe lëshoi ​​një komunikim zyrtar mjekësor.

“Leçe njofton se futbollisti Ylber Ramadani pësoi një infeksion në qafë javën e kaluar i cili i shkaktoi vështirësi në frymëmarrje për disa ditë. Futbollisti iu nënshtrua menjëherë analizave dhe terapive të specializuara të cilat e lejuan të shmangte operacionin Deri më sot ai ka kapërcyer fazën akute dhe së shpejti do të jetë në dispozicion të trajnerit.”

Trajneri i Partizanit, Orges Shehi, është shfaqur sot para mediave për konferencën para ndeshjes gjysmëfinale të “Final Four” ndaj Skënderbeut.

“Është e vërtete që nis një fazë e re, por fazë shumë e shkurtër prej 10 ditësh dhe vetëm dy ndeshje, të cilat vendosin shumë. Pas 36 javësh jemi munduar të freskonim pak skuadrën me disa minuta më pak në ndeshjen e fundit që në këtë periudhë të riaftësojmë dhe afrojmë me grupin Taipin e Carën që i janë bashkëngjitur pjesës tjetër të skuadrës. Skuadra është e plotë dhe e përqendruar për takimin e nesërm.

Kemi edhe një seancë të fundit stërvitore sot dhe aty do të vendosim përfundimisht se kush do ta nisë nga fillimi e kush jo. Pas seancës së sotme do e vendosim, edhe pse e kemi një ide. Pas saj do të vendoset 100%.

Me të gjitha skuadrat vijmë pas një përballje prej 4 herësh se kështu është formati. Me disa ke një bilanc pozitiv, me disa je aty-aty, apo me disa të tjera bilanci është negativ. Unë mendoj se në këtë fazë, cilado skuadër që futet, mund të ketë pretendimet e veta, çka e vështirëson shkallën e vlerësimit dhe përqendrimit, se një ndeshje është, nuk ka tjetër. Dhe në kuadrin e kësaj, ne do ta vlerësojmë Skënderbeun si skuadër që është renditur e katërta, ka objektivat e veta dhe është skuadër që do të kërkojmë ta mundim për të shkuar në finale.

Barazimi? Kur futesh në ndeshje të tillë, e shoh si ndeshje Kupe, me formatin e viteve më përpara, kur ke marrë rezultat të mirë në ndeshjen e parë në fushën e ekipit kundërshtar dhe kur kthehesh në shtëpinë tënde ke dy rezultate. Mendoj se nuk është se na favorizon shumë, por duhet ta kemi si pikë orientimi për të mos e humbur përqendrimin, që të mos e mendojmë në asnjë sekondë që kemi dy rezultate dhe kjo na ul pastaj dozën e përqendrimit, vlerësimit dhe motivimit se në futboll gjithçka ndodh dhe nuk ia lëmë asnjëherë asaj që edhe me barazim kalojmë.

Se për çfarë luan Skënderbeu, nuk më takon mua të flas, të ketë objektivat e veta dhe bëjë çfarë të dojë. Objektivi ynë i vetëm është që me 26 maj të shkojmë në finale.

Formulën e dinim që në fillim, mendoj se Partizani ka zhvilluar sezonin e dytë të mirë dhe mbi mesatare dhe shumë të mirë. Pse e them këtë? Sepse nëse vitin e kaluar e mbylli kampionatin me 67 pikë, këtë vit e mbyll me 64 pavarësisht se çfarë formule është. Dhe kjo tregon vazhdimësi, një qëndrueshmëri të skuadrës dhe mentalitet të mirë. Mendoj se në Shqipëri, nga eksperienca që kam unë, shumë pak skuadra mund ta bëjnë këtë, që të kenë një vazhdimësi dhe të mbyllin kampionatet vitin mbrapa me të njëjtën kuotë pikësh. Kjo tregon mentalitet dhe vazhdimësi, duhet të ngulmojmë për këtë pasi është shumë e rëndësishme në ngulitjen e mentalitetit dhe atë që duam ne, që skuadra jonë të jetë gjithmonë në majë të renditjes”, tha ndër të tjera Shehi.