Connect with us

Lifestyle

Fundjavë në shtëpi…Ja disa mënyra për ta bërë perfekte

Rutina e përditshmërisë është një armik që duhet luftuar pa u ndalur, në mënyra të cilat na bëjnë të harrojmë apo të shkëputemi paksa nga monotonia e jetës me hapa të njëjtë dhe të pandryshueshëm të çdo dite. Pavarësisht nëse jeni një nënë e zënë, një profesioniste e palodhur ose thjesht një studente e mbingarkuar me provime, duhet të merrni pak kohë për vete në mënyrë që të rifitoni energjitë e humbura.

Mes rutinës së zënë për shkak të aktiviteteve të përditshme, është e vështirë për dikë që të gjejë kohë për veten. Prandaj, është e rëndësishme të përqendroheni te vetja dhe të praktikoni kujdes.

Nëse jeni të mërzitur që kjo fundjavë ju gjeti pa asnjë plan? Pasi të lexoni këtë shkrim, do të gjeni disa mënyra se si të argëtoheni në ambiente të mbyllura, duke shmangur kështu rutinën e javës që latë pas.Ata që kërkojnë një mbrëmje romantike dhe gjëra argëtuese për të bërë me familjen, duhet të jenë të vëmendshëm.

1. ‘Show’ i natës

Gjithmonë është bukur të kalosh një mbrëmje nën shoqërinë e njerëzve që do t’i kesh gjithnjë afër, pranë atyre që të bëjnë të qeshësh dhe të mbushin me pozitivitet. Ndaj një lojë letra me ta apo ‘Ludo King’, është një mënyrë e sigurt për të argëtuar familjen ose miqtë këtë fundjavë. Disa mënyra mund të jenë:

• Luani me karaoke. Thjesht vendosni një këngë me tekst në kompjuterin tuaj dhe shprehni talentin.

• Gjeni fjalën me atë të veprimeve. E sigurt që kjo lojë do t’ju gjallërojë dhe madje do ju bëjë më kreativë.

• Nëse jeni miq, secili nga ju mund të thotë një fakt befasues për dikë dhe të tjerët do të gjejnë për kë bëhet fjalë.

• “E vërtetë apo guxim” një tjetër lojë për mbrëmje familjare apo shoqërore.

2. Histori familjare

Historitë, kujtimet dhe nostalgjia janë gjithmonë një zgjidhje për të krijuar një atmosferë ndryshe dhe për të shkuar pas në kohë, në ndodhi dhe ngjarje të cilat vrulli i jetës shpeshherë na e ndalon t’i çojmë nëpër mend.

Prindër, nëse koha juaj është bosh, filloni t’u tregoni disa histori familjare interesante fëmijëve tuaj. Koha për të gërmuar fotot e vjetra. Nostalgjia nuk është asnjëherë e mërzitshme, por është një mënyrë e mirë për të kaluar një mbrëmje.

3. Koha për ushtrime fizike

Një mbrëmje e qetë, relaksuese dhe e shëndetshme! Çfarë do të ishte më produktive për të mbyllur një javë të lodhshme se sa ushtrime fizike.

Nuk shpëtoni dot nga kjo këshillë. Fundjava mund të jetë koha më e mirë për të pasur një aktivitet fizik që nuk mund ta keni gjatë javës. Në YouTube mund të gjeni pafund mënyra për ushtrime në kushte shtëpie. Sugjerojmë areobinë, mund ta praktikoni familjarisht, kështu dhe argëtoheni njëkohësisht.

4. Më shumë kohë në dush

Nuk mendoj se ka njeri që e kundërshton faktin se një dush i ngrohe5t dhe i gjatë të largon gjithë stresin dhe mendimet thumbuese në kokë.

Qëndrimi i gjatë në dush është mjaft efektiv për largimin e stresit që është akumuluar përgjatë ditës. Në fundjavë keni më shumë kohë të lirë dhe në këtë mënyrë mund të rrini në vaskën tuaj me ujë të ngrohtë për orë të tëra. Mos harroni gotën e verës.

5. Zgjidhni filmin e duhur

Mënyrë klishe, megjithëse nuk del kurrë nga moda! Ju këshillojmë që në fundjavë të zgjidhni më tepër filmat komedi. Do ju mbajnë me humor të mirë dhe mund ta nisni javën e ardhshme me më shumë energji.

6. Gatuani një ëmbëlsirë

Lumturia dhe dashuria kalojnë nga stomaku! Edhe pse s’ka kaluar shumë kohë nga karantina, aty ku të gjithë vetëm gatuanim, tani përsëri na duhet të gjejmë kohën për të gatuar një ëmbëlsirë të mirë. Si thoni për një kek me çokollatë dhe banane?

Lifestyle

Veprimet që mund ta dërgojnë martesën drejt fundit

A e dini se veprimet e juaja, qoftë edhe ato më të zakonshmet, sikur shfletimi i rrjeteve sociale derisa jeni në shtrat mund ta sjellë martesën tuaj drejt fundi?

“Disa studimet të fundit tregojnë se janë disa gjëra shumë të vogla, që bëjnë që njerëzit të kenë probleme seriozë në lidhjen e tyre të dashurisë”, ka thënë Carrie Cole, një psikologe e çifteve në Houston.

Lajmi i mirë? Fakti se keni probleme me partnerin tuaj, nuk do të thotë se lidhja juaj po shkon drejt divorcit.

Një studim i fundit ka gjetur se shumica e çifteve janë të prirur të zgjedhin problemet e tyre – dhe t’i largojnë shprehitë e këqija. Por, megjithatë më poshtë mund të shihni disa nga këto shprehi, që dëmtojnë një lidhje të dashurisë, madje edhe ta dërgojnë drejt divorcit.

– Të flasësh keq për njëri-tjetrin prapa shpinës

– T’i përmendësh vazhdimisht gjërat që tjetri bën gabim

– Kur nuk e vendos asnjëherë veten në pozitën e partnerit
– Kur nis debatet me veprime të tilla, si drejtimi i gishtit drejtues
– Kur nuk e kupton kur një debati i ka ardhur fundi
– Kur nuk debaton asnjëherë
– Kur pret shumë gjatë për të zgjidhur ose diskutuar problemet që keni

Continue Reading

Lifestyle

Prindërit mund të “brengosen më pak” për kohën e fëmijëve në ekran

Ka pak dëshmi se përdorimi i ekraneve nga fëmijët është i dëmshëm, kështu thuhet në një udhëzues të një grupi të pediatrëve.

Prindërit duhet të shqetësohen më pak për aq kohë sa ata kanë kaluar nëpër një listë kontrolli mbi efektin e kohës së ekranit në fëmijën e tyre, thotë udhëzuesi.

Ndërsa udhëzimi shmang vendosjen e afatit kohor të ekranit, rekomandon që mos t’i përdorin ato para kohës së gjumit.

Ekspertët thonë se është e rëndësishme që përdorimi i pajisjeve teknologjike të mos zëvendësojë gjumin, stërvitjen dhe kohën me familjen, transmeton Klan Kosova.

Kjo u bë e ditur pas rishikimit të të dhënave të botuara njëkohësisht në revistën mjekësore Open BMJ, dhe pasoi një debat në lidhje me nëse të rinjtë duhet të kenë kohën e kufizuar për pajisjet.

Ndërkohë, një studim i veçantë zbuloi se vajzat kanë dy herë më shumë gjasa të tregojnë shenja të simptomave depresive të lidhura me përdorimin e mediave sociale në moshën 14 vjeç arekrahasuar me djemtë.

Continue Reading

Lifestyle

Studimi: Ja pse kotelet janë më të zgjuara se qenushët

    

Një studim i kryer së fundmi nga ekspertët zbulon një detaj shumë interesant për kafshën tuaj shtëpiake dhe në këtë rast po flasim për kotelen apo qenushin tuaj.

Përmes dy eksperimentesh është provuar se kotelet shtatë javëshe janë më të zgjuara se qenushët, pasi siç specifikon ky studim ato kanë aftësi të kryejnë “llogari matematikore”. Në të parën, 25 nga 26 kotele preferuan sasinë më të madhe kur raportet ishin bi 0.4.

Eksperimenti i dytë tregoi se 18 nga 24 kotele zgjodhën pjesën më të madhe të ushqimit kur raporti i madhësisë ishte nën 0.5. Kjo vërteton faktin se pse macet mund të bëjnë dallimin midis sasive të ndryshme, një aftësi thelbësore e mbijetesës.

Në të dyja eksperimentet, kotelet zgjodhën vazhdimisht sasi më të mëdha ushqimi. Është interesante se aftësitë sasiore të koteleve zhvillohen më herët se ato të këlyshëve.

Ky zhvillim i hershëm tek kotelet mund të jetë për shkak të prejardhjes së tyre të vetmuar të gjuetisë, duke kërkuar vendimmarrje të hershme, ndryshe nga këlyshët që mbështeten më gjatë në grupet sociale.

Studimi gjithashtu vuri në dukje se kur një artikull ushqimor ishte pesë herë më i madh, kotelet prireshin të zgjidhnin pjesën më të vogël, ndoshta për shkak të një preference për gjahun jo kërcënues.

Ky hulumtim nxjerr në pah aftësitë e habitshme matematikore të koteleve, duke i shtuar listës së tyre të aftësive mbresëlënëse si kërcimi dhe loja.

Përkthyer nga MaltaDaily.

Continue Reading

Lifestyle

Çfarë ndodh me trupin tuaj kur konsumoni mjaltë çdo ditë?

    

Mjalti ka qenë gjithmonë një ilaç mjekësor për shumë mijëvjeçarë. Në të gjithë globin, paraardhësit tanë dukej se ishin të vetëdijshëm për përfitimet e shumta shëndetësore të mjaltit.

Marrja e një luge mjaltë çdo ditë mund të ketë përfitime të shumta për shëndetin tuaj. Ushqyesit kryesorë në mjaltë janë karbohidratet në formën e glukozës dhe fruktozës. Gjithashtu përmban sasi të vogla të vitaminave, proteinave dhe mineraleve të nevojshme.

Përfitimet shëndetësore të mjaltit:

1-Mjalti është i mirë për gjakun tuaj

Mjalti ndikon në organizëm në mënyra të ndryshme në varësi të mënyrës se si e konsumoni. Nëse mjalti përzihet në ujë të vakët dhe pihet, ai ka një ndikim të dobishëm në numrin e rruazave të kuqe të gjakut (RBC) në gjak. RBC-të janë kryesisht përgjegjëse për bartjen e oksigjenit në gjak në pjesë të ndryshme të trupit.

2- Mjalti ësht një ushqim energji

Një nga përdorimet e rëndësishme të mjaltit në mjekësinë tradicionale është si një përforcues i menjëhershëm i energjisë. Bordi Kombëtar i Mjaltit i SHBA-së rekomandon konsumimin e mjaltit sepse ai përmban shumë vitamina dhe minerale në sasi të vogla.

3-Mjalti ndihmon me tretjen

Mjalti ndihmin në reduktimin e kapsllëkut,fryrjes dhe gazrave. Ai gjithashtu është i pasur me baktere probiotike të cilat ndihmojnë në tretje, promovojnë shëndetin e sistemit imunitar dhe reduktojnë alergjitë.

4- Mjalti ndihmon fëmijët të flejnë mirë

Rezultatet paraprake nga disa studime tregojnë se mjalti mund të përmirësojë cilësinë e gjumit tek fëmijët. Bazuar në opinionet e prindërve, studimet arritën në përfundimin se mjalti reduktonte kollën tek fëmijët gjatë natës dhe i ndihmonte të flinin më mirë.

5-Mjalti nxit shërimin e djegies dhe plagëve

Ai është përdorur për të shëruar plagët dhe djegiet që nga Egjipti i lashtë dhe është ende i zakonshëm edhe sot. Një përmbledhje e 26 studimeve mbi kujdesin ndaj mjaltit dhe plagëve, zbuloi se mjalti është mjaft i efektshëm në shërimin e djegieve me trashësi të pjesshme dhe plagët që janë infektuar pas operacionit.

6- Përmirëson shëndetin e zemrës

Mjalti mund të ndihmojë në parandalimin e sëmundjeve të zemrës. Sipas një rishikimi, mjalti mund të ndihmojë në uljen e presionit të gjakut, përmirësimin e niveleve të yndyrës në gjak, rregullimin e rrahjeve të zemrës dhe parandalimin e vdekjes së qelizave të shëndetshme.

Continue Reading

Lifestyle

Si të lehtësoni dhimbjet e forta të shpinës gjatë shtatzënisë

Dhimbjet e vogla të shpinës gjatë shtatzënisë zakonisht nuk kërkojnë trajtim. Por nëse ajo është një dhimbje e fortë ju duhet të konsultoheni me mjekun pasi mund të jetë një shqetësim serioz që mund të ketë lidhje me shtatzëninë.

Më shumë se 70% e njerëzve përjetojnë dhimbje shpine gjatë shtatzënisë.

Ngritja e këmbëve ose një masazh mund të lehtësojë dhimbjet e vogla të shpinës. Për të ndihmuar në parandalimin e dhimbjes së shpinës duhet të keni parasysh këto këshilla:

Shmangni ngritjen e objekteve të rënda. Nëse ju duhet të ngrini diçka përkuluni në gjunjë, jo në bel.

Kur uleni, mundohuni të uleni drejt në karrige që ofrojnë mbështetje të mirë të shpinës.

Disa zgjedhje veshjesh mund të ndihmojnë në lehtësimin e dhimbjes. Vishni atlete ose këpucë të tjera që ofrojnë mbështetje të mirë dhe lini mënjanë takat deri pas lindjes së foshnjes.

Continue Reading
Advertisement

TRENDING