Irani po zbaton planin e Khameneit për përhapjen e luftës rajonale

Forcat iraniane po zbatojnë një strategji të hartuar nga ish-udhëheqësi suprem, Ajatollah Ali Khamenei dhe komandantët më të lartë ushtarakë iranianë, për të përhapur konfliktin në gjithë Lindjen e Mesme, për të tronditur tregjet globale dhe për të rritur presionin ndaj SHBA-ve dhe Izraelit që të ndalin sulmet e tyre.
Sipas burimeve të brendshme të regjimit të cituara nga Financial Times, plani ishte përgatitur pas luftës 12-ditore me Izraelin në qershorin e kaluar dhe përfshinte goditje ndaj infrastrukturës energjetike dhe objektivave që do të shkaktonin ndërprerje të trafikut ajror dhe detar në rajon.
“Kur vijat tona të kuqe u shkelën, nuk kishim më zgjedhje përveçse të përshkallëzonim dhe të ndiznim një zjarr të madh”, tha një burim i afërt me regjimin.
Sulme ndaj objekteve energjetike në Gjirin Persik
Të hënën, Irani intensifikoi ndjeshëm reagimin, duke goditur objekte energjetike në Gjirin Persik. Dronë iranianë shënjestruan një impiant të rëndësishëm gazi në Katar dhe një nga rafineritë më të mëdha në Arabinë Saudite.
Si pasojë, Katari një nga furnizuesit kryesorë globalë të gazit të lëngshëm ndaloi furnizimet, ndërsa çmimet e naftës dhe gazit u rritën ndjeshëm. Lëvizja e anijeve nëpër Ngushticën e Hormuzit, ku kalon rreth një e pesta e furnizimit global me energji, u ngadalësua ndjeshëm.

Sulme ndaj objekteve energjetike në Gjirin Persik
Të hënën, Irani intensifikoi ndjeshëm reagimin, duke goditur objekte energjetike në Gjirin Persik. Dronë iranianë shënjestruan një impiant të rëndësishëm gazi në Katar dhe një nga rafineritë më të mëdha në Arabinë Saudite.
Si pasojë, Katari një nga furnizuesit kryesorë globalë të gazit të lëngshëm ndaloi furnizimet, ndërsa çmimet e naftës dhe gazit u rritën ndjeshëm. Lëvizja e anijeve nëpër Ngushticën e Hormuzit, ku kalon rreth një e pesta e furnizimit global me energji, u ngadalësua ndjeshëm.
Në ditët e fundit, dronë dhe raketa iraniane kanë goditur gjithashtu hotele, aeroporte dhe porte në Emiratet e Bashkuara Arabe, Kuvajt, Irak, Oman dhe Bahrein. Irani ka lëshuar breshëri raketash ndaj bazave amerikane në rajon dhe dyshohet se ka goditur edhe një bazë britanike në Qipro.
Strategji e decentralizuar ushtarake
Sipas ministrit të Jashtëm iranian Abbas Araghchi, njësitë ushtarake po veprojnë mbi bazën e udhëzimeve të përgjithshme të dhëna më herët, duke operuar në mënyrë më të pavarur për të shmangur paralizimin e komandës nga eliminimi i drejtuesve të lartë.
Pas vrasjes së Khameneit dhe disa komandantëve të lartë, operacionet po mbikëqyren nga Garda Revolucionare Islamike, nën drejtimin e gjeneralmajorit Ahmad Vahidi, i cili zëvendësoi komandantin e vrarë.

Përfshirja e aleatëve rajonalë
Grupet aleate të Iranit janë përfshirë në konflikt.
Hezbollahu ka lëshuar raketa drejt veriut të Izraelit, ndërsa milicitë irakiane kanë shënjestruar baza amerikane në Irak. Ka pasur edhe tentativa për të hyrë në Zonën e Gjelbër në Bagdad, ku ndodhen ambasadat perëndimore.
Analistët paralajmërojnë se përshkallëzimi aktual përbën skenarin më të rrezikshëm të mundshëm për rajonin, me rrezik të përfshirjes së mëtejshme të fuqive të tjera.
Rreziku i izolimit
Goditjet ndaj shteteve të Gjirit – të cilat kishin shtyrë për diplomaci me administratën e Donald Trump mund ta izolojnë më tej Iranin dhe të shtyjnë fqinjët e tij të mbështesin më hapur ofensivën SHBA-Izrael.
Mbretëria e Bashkuar ka njoftuar se do të lejojë përdorimin e bazave të saj ushtarake, përfshirë RAF Fairford dhe bazën e përbashkët në Diego Garcia, për operacione kundër Iranit.
Konflikti tashmë po merr dimensione të gjera rajonale dhe, sipas analistëve, ka fituar një dinamikë të vetën, me pasoja të paparashikueshme për Lindjen e Mesme dhe tregjet globale.