IRANI SHKON ME KARTA TE REJA NE LUFTE

Irani ka deklaruar se po përgatit “karta të reja” për t’i përdorur në fushëbetejë, ndërsa afati i armëpushimit dyjavor me Shtetet e Bashkuara të Amerikës po i afrohet fundit dhe mbetet e paqartë nëse do të rifillojnë negociatat për paqe.
Kryetari i parlamentit iranian shkroi në rrjetin social X se vendi ka qenë duke u përgatitur gjatë dy javëve të fundit dhe theksoi se Irani “nuk do të pranojë negociata nën hijen e kërcënimeve”.
Nga ana tjetër, presidenti amerikan Donald Trump ka mohuar se është nën presion për të arritur një marrëveshje dhe ka deklaruar se është “shumë e pamundur” që armēpushimi aktual të zgjatet përtej afatit që skadon të mërkurën.
Ndërkohë, mediat amerikane raportojnë se zëvendëspresidenti JD Vance pritet të udhëtojë drejt Pakistan për bisedime diplomatike, ku sipas burimeve mund të zhvillohet një raund i ri negociatash mes delegacioneve amerikane dhe iraniane.
Situata në rajonin e Gjirit mbetet e tensionuar.
SHBA vazhdon bllokadën në Ngushtica e Hormuzit, pasi ka sekuestruar një anije mallrash me flamur iranian, ndërsa të dyja palët akuzojnë njëra-tjetrën për shkelje të armëpushimit.

Në një zhvillim tjetër, bisedimet mes Izraelit dhe Libanit pritet të rifillojnë të enjten, sipas një zyrtari amerikan.
Sa i përket çështjes bërthamore, Trump deklaroi se rikuperimi i uraniumit të pasuruar nga Irani do të jetë një proces “i gjatë dhe i vështirë, duke iu referuar operacionit ushtarak amerikan të quajtur “Operation Midnight Hammer”, i cili kishte në shënjestër objektet bërthamore në Fordo, Natanz dhe Isfahan.