Connect with us

Bota

Ishte zhdukur prej 7 ditësh, gjendet e vrarë 14-vjeçarja, bashkë me të i vdekur edhe një i moshuar

Vajza 14 vjeçare nga Shkupi i Maqedonisë së Veriut, e cila ishte zhdukur nga e hëna (27.11.2023) është gjetur e vrarë. Trupi i pajetë i 14 vjeçares, e identifikuar si Vanja Gjorçevska, u gjet në rrethinën e Shkupit. Ndërsa në afërsi të Velesit, ( qytet që ndodhet afër Shkupit) është gjetur i vrarë 74 vjeçari Pançe Zhezhovski i cili ishte raportuar i zhdukur më 24 nëntor 2023. Vajza 14 vjeçare dyshohet se është vrarë ditën dhe kur është zhdukur pra më 27 nëntor, teksa po shkonte në shkollë.Gjithashtu është konstatuar se e mitura V.G. është marrë me automjet nga hyrja e banesës së saj dhe është konstatuar se është vrarë të njëjtën ditë (27.11.2023) rreth orës 10:00, informon Prokuroria. Prokuroria Publike e Republikës së Maqedonië së Veriut shpërndau një deklaratë mbrëmjen e sotme (03.12.2023) mbi dy vrasjet për të cilat dyshohen se janë kryer nga personat e njëjtë. Nga hetimet u konstatua se dy vrasjet janë kryer nga i njëjti person, motivi i të cilit ishte “përfitim interesi” (lakmi materiale)”  informon Prokuroria. Në lidhje me të dyja vrasjet dyshohen 5 persona, 3 prej të cilëve janë arrestuar dhe janë në paraburgim e priten të dalin para gjykatës, një ndodhet jashtë vendit dhe një tjetër i dyshuar është ndaluar dhe ndodhet në stacionin policor.  Prokuroria sqaron se të dyshuarit janë të përkatësisë etnike maqedonase “Në të njëjtën kohë, përkundër spekulimeve dhe dezinformatave sipas të cilave ky rast ka përkatësi etnike, ju njoftojmë se të gjithë të dyshuarit janë të përkatësisë etnike maqedonase”, informon Prokuroria Publike. Vanja Gorçevska, u zhduk të hënën në Shkup teksa po shkonte në shkollë. Menjëherë pas marrjes së raportimeve për personat e zhdukur policia ndërmori një sërë operacionesh për gjetjen e tyre. U krye bastijes në shtëpi dhe objekte të tjera në zonat e Shkup, Veles dhe Shtip, gjatë të cilave janë gjetur dhe konfiskuar telefona celularë, kompjuterë, vetura etj, janë zhvilluar biseda të shumta me familjarë, të njohur, miq dhe personat që do të mund të kishin ndonjë informacion dhe disa qindra policë u vunë në dispozicion të kërkimeve Prokuroria ka dhënë urdhra për tu kryer autopsia në trupat e viktimave si dhe po kryhen kontrolle në dy lokacionet ku u gjetën viktimat. “Prokurorët publikë nga Prokuroria Themelore Publike Shkup dhe nga Prokuroria Themelore Publike Veles kanë kryer kontrolle në dy lokacionet ku janë gjetur trupat e të zhdukurve. Janë dhënë urdhra për autopsi në trupat e viktimave dhe për identifikimin e duhur. Gjithashtu janë lëshuar urdhra për mbledhjen dhe ekspertizën e të gjitha gjurmëve dhe provave nga të dyja lokacionet.” Eshtë gjetur e djegur dhe një makinë tip Citroen. ‘Paraprakisht në lidhje me veprat penale është gjetur një automjet tip Citroen i djegur dhe pas ekspertizës është siguruar prova materiale për përfshirjen e personave, për të cilat pas dokumentimit të plotë të rasteve do të bëhet kallëzimi përkatës penal, në koordinim me Prokurorin Publik Në ditët pas zhdukjes së dy personave, prokurorët publik lëshuan urdhra për kontrolle në vende të shumta, sigurimin e pamjeve të vëzhgimit me video, vendndodhjen bazuar në stacionet bazë, analizat ligjore të pajisjeve elektronike, mjekësinë ligjore të gjurmëve materiale dhe provave, duke përfshirë makinën e lidhur me ngjarjen. Janë intervistuar persona të cilët kanë mundur të kenë njohuri të caktuara për ngjarjen dhe në bazë të të gjitha provave të grumbulluara është zbardhur ngjarja për autorët e dyshuar dhe motivet e tyre. Pas kompletimit të provave dhe aktekspertimit të urdhëruar, prokuroria do të fillojë procedurat përkatëse ndaj të gjithë të dyshuarve Tre nga pesë të dyshuarit për vrasjen pritet të sillen në Gjykatën Penale në orët e vona të natës.

Krimi në Maqedoninë e Veriut, në polici edhe babai i 14 vjeçares

1701638058_vanjagjorevska.PNGMinistri i Punëve të Brendshme të Republikës së Maqedonisë së Veriut, Oliver Spasovski dhe prokurori i Prokurorisë Publike Shkup, Gavril Bubevski, do të mbajnë nesër në mëngjes një konferencë të jashtëzakonshme për media lidhur me dy ngjarjet që tronditën Maqedoninë e Veriut. Mes 5 presonave që janë të dyshuar si të përfshirë në vrasjen e 14 vjeçares, Vanja Gjorçevska, e cila rezultoi e zhdukur prej 27 nëntorit është dhe babai i saj, shkruan media në Maqedoninë e Veriut.
1701647068_palco.jpg

Foto: Ljupco Palevski – Palco

Ljupço Palevski – Palco është një nga personat e dyshuar që kanë lidhje me rrëmbimin dhe vrasjen e 14 vjeçares Vanja Gjorçevskës bën të ditur faqja online e maqedonisë së Veiut Fokus.mk Mësohet se aktualisht ai është jashtë Maqedonisë së Veriut dhe mendohet se disa ditë më parë ishte larguar drejt Turqisë. Mësohet se kanë qenë të arrestuarit të cilët kanë përmendur emrin e Palcos një sipërmarrës ndërtimi I njohur sidomos në Shkup, shkruan focus.mk Tre personat e arrestuar janë marrë në pyetje e pritet të dalin nesër në gjykatë.

Krimi në Shkup/ 14 vjeçarja dhe 74 vjeçari s’njiheshin me njëri tjetrin! Dëshmia tronditëse e vajzës së berberit: ‘Babain tim e kanë gjetur të varrosur

1701645344_vanjagjorgjievskapanezhezhovski.png

Foto: Pançe Zhezhovski dhe Vanja Gjorçevska

Vajza 14 vjeçare, Vanja Gjorçevska, dhe berberi nga Velesi, Pançe Zhezhovski (74) nuk njiheshin. E konfirmon vajza e berberit të moshuar gjatë një interviste për median në Maqedoninë e Veriut. Në një bisedë telefonike, për “Focus” vajza e tij Makedonka pohoi se as ajo dhe as askush nga familja e saj nuk e njihte Vanjën apo dikë në familjen e saj. “As babai im dhe asnjëri prej nesh nuk e njihnin personalisht vajzën. Unë jam në stacion policor, nuk di ende asgjë, përveç se babain e kanë gjetur të vdekur, të varrosur. Është hera e parë që dëgjoj nga ju, nga gazetarët, se motivi i vrasjes ishte përfitim interesi. Nuk e kam lexuar njoftimin e MPB-së, por mund të them që babai im nuk ka qenë kurrë pasanik, ndaj nuk e di se çfarë do të thotë termi përfitim interesi. Unë jam në stacion, nuk mund të them asgjë më shumë, sepse nuk kam as detaje – tha e bija.

FOTO/ Ishin zhdukur prej ditësh, prokuroria tregon motivin pse u vra 74 vjeçari dhe vajza 14 vjeçe nga Shkupi

Foto: Pançe Zhezhovski, Vanja Gjorgjievska

Prokuroria Publike ka njoftuar se sot nga ana e policisë në rrethinën e Shkupit është gjetur e pajetë trupi i të miturës Vanja Gjorgjievska, ndërsa në rrethinën e Velesit nga ana e policisë është gjetur trupi i 74 vjeçarit Pançe Zhezhovski. Sipas prokurorisë të njëjtit persona të dyshuar të etnisë maqedone qëndrojnë pas dy vrasjeve që tronditën Maqedoninë e Veriut. Nga hetimet u konstatua se dy vrasjet janë kryer nga i njëjti person, motivi i të cilit ishte “përfitim interesi” (lakmi materiale). Gjithashtu është konstatuar se e mitura V.G. është marrë me automjet nga hyrja e banesës së saj dhe është konstatuar se është vrarë të njëjtën ditë (27.11.2023) rreth orës 10:00, thonë nga Prokuroria. Zhezhovski punonte si berber.

Bota

Rusia kryen sulm të befasishëm në veri të Ukrainës! Ofensiva më serioze ndërkufitare në dy vitet e fundit

Forcat ruse filluan një sulm të befasishëm në veri të Ukrainës, duke bërë depërtime të vogla, sipas një burimi ushtarak ukrainas, në ofensivën më serioze tokësore ndërkufitare për gati dy vjet.

Presidenti ukrainas Volodymyr Zelensky tha se sulmi në qytetin kufitar të Vovchansk pranë qytetit të dytë të vendit, Kharkiv, ishte pjesë e “një valë të re veprimesh kundërsulmuese” nga Rusia , duke shtuar se një “betejë e ashpër” po zhvillohej në zonë.

Një deklaratë nga Ministria e Mbrojtjes e Ukrainës tha se njësitë rezervë ukrainase ishin vendosur në rajonin verior të Kharkiv pasi Vovchansk u vu nën bombardime intensive ruse të enjten mbrëma.

Deklarata tha se grupet ruse të zbulimit nën mbulimin e automjeteve të blinduara filluan një shtytje ndërkufitare rreth orës 5:00 të mëngjesit.

“Armiku ishte në gjendje të kalonte kufirin 1 km (0.62 milje) të thellë,” tha një burim ushtarak ukrainas për CNN, duke shtuar se qëllimi i shtytjes ruse “ishte të merrte 10 km dhe të krijonte një zonë mbrojtje në kufi.”

Lufta është zhvilluar përgjatë fronteve në jug dhe lindje që kur ushtria ukrainase i shtyu forcat ruse nga territori i marrë në ditët e para të konfliktit, me rajonin verior të Kharkiv të çliruar në fund të verës së 2022.

I pyetur për zhvillimet, Zelensky nuk e minimizoi seriozitetin e tyre, por tha se ushtria e Ukrainës e kishte pritur një lëvizje të tillë.

Banorët e fshatrave kufitare iu tha të evakuoheshin nga autoritetet. Policia kombëtare postoi foto dhe një video në mediat sociale që tregonin oficerët që ndihmojnë njerëzit të paketojnë gjërat e tyre në automjetet e policisë, përpara se të çohen në vende më të sigurta.

Sulmi ndërkufitar vjen pas disa muajsh të shtuar të sulmeve ajrore ruse në qytetin e Kharkiv, të cilat kanë rrëzuar të gjithë kapacitetin e tij të prodhimit të energjisë, si dhe nënstacionet e tij.

Continue Reading

Bota

Asambleja e Përgjithshme miraton rezolutën që njeh Palestinën si vend i kualifikuar për anëtare të OKB-së, ja vota e Shqipërisë

Asambleja e Përgjithshme e OKB-së ka miratuar një rezolutë që njeh Palestinën si të kualifikuar për t’u bërë anëtare e plotë e Kombeve të Bashkuara dhe rekomandon që Këshilli i Sigurimit “të rishqyrtojë çështjen në mënyrë të favorshme”.

Drita jeshile nga Këshilli i Sigurimit, ku SHBA vendosi veton muajin e kaluar, është një kusht i domosdoshëm për çdo miratim të plotë. Teksti mori 143 vota pro, 9 kundër dhe 25 abstenime përfshirë edhe Shqipërinë.

“Ju keni hapur Kombet e Bashkuara për nazistët modernë,” tha ambasadori izraelit në OKB Gilad Erdan, pak para votimit. Shqipëria, Italia, Britania e Madhe, dhe Gjermania abstenuan për rezolutën e OKB-së për Palestinën, kurse shtetet e bashkuara votuan kundër. Votë abstenimi kishian edhe Bullgaria, Austria, Kanadaja, Kroacia, ishujt Fixhi, Finlanda, Gjeorgjia, Letonia, Lituania, Ishujt Marshall, Holanda, Maqedoninë e Veriut, Moldavia, Paraguaji, Rumania, Vanuatu, Malavi, Monako, Ukraina, Suedia dhe Zvicra.

Kurse kundër perveç SHBA votuan Izraeli, Palau, Nauru, Mikronezia, Papua Guinea e Re, Hungaria, Argjentina dhe Republika Çeke. Që një rezolutë e OKB të hyjë në fuqi duhet që patjetër ajo të miratohen nga Këshilli i Sigurimit, pa veto.

Continue Reading

Bota

Gjashtë muaj nga zgjedhjet për Shtëpinë e Bardhë, cili është plani i fushatës së Trump dhe Biden?

Ndërsa kanë mbetur gjashtë muaj nga zgjedhjet presidenciale amerikane, presidenti demokrat Joe Biden dhe kandidati republikan Donald Trump, po zhvillojnë fushata për të fituar mbështetjen e publikut. Korrespondenti i Zërit të Amerikës, Scott Stearsn, i hedh një vështrim planeve të fushatave të dy kandidatëve ndërsa afrohen zgjedhjet e nëntorit për Shtëpinë e Bardhë. Presidenti Joe Biden dhe ish Presidenti Donald Trump kanë gjashtë muaj për të fituar mbështetjen e votuesve amerikanë për një mandat të dytë.

Por zoti Trump do të shpenzojë një pjesë të kësaj kohe në gjykata shtetërore apo federale ndërsa përballet me katër aktpadi, mes tyre për mbajtjen e paligjshme të dokumenteve sekrete dhe falsifikimin e të dhënave të biznesit. Ai thotë se prokurorët po ndërhyjnë në zgjedhje. “Veprimet e mia kanë qenë të ligjshme. Kjo po bëhet për arsye politike. Ata duan që Biden-i të zgjidhet. Kjo është arsyeja e vetme”, thotë zoti Trump.

Seancat gjyqësore po kufizojnë kohën e zotit Trump për të bërë fushatë, por ai thotë se, ajo që ai e quan “përndjekje politike” po e bën edhe më popullor tek votuesit. “Është e tmerrshme çfarë po ndodh në vendin tonë. Shpresoj që 5 nëntori, dita më e rëndësishme në historinë e vendit tonë për mendimin tim, që quhet dita e zgjedhjeve, shpresoj të sjellë ndryshime, sepse këta njerëz po e shkatërrojnë vendin tonë”, tha zoti Trump.

Për herë të fundit zoti Trump mori emërimin e Partisë Republikane për president në kuvendin e vitit 2020 në Karolinën e Veriut. Këtë vit kuvendi republikan zhvillohet në Uiskonsin. Zoti Trump ende nuk e ka zgjedhur kandidatin për postin e nënpresidentit. Mes atyre që besohet të jenë në listë për këtë post janë Senatori Marco Rubio i Floridës, Senatori J.D. Vance i Ohajos, Senatori Tim Scott i Karolinës së Jugut dhe ligjvënësja e Elise Stefanik e Nju Jorkut.

 

 

Si president, zoti Biden ka avantazhin e takimeve në Shtëpinë e Bardhë për të tërhequr vëmendjen e votuesve. Zoti Biden po shton sulmet ndaj kundërshtarit Trump nëpër tubime, ndërsa pretendon për një ekonomi të fortë. “Ndërtimi i fabrikave të reja është dyfishuar gjatë administratën tonë. Ndërkohë, Donald Trump-i ende mendon se mullinjtë e erës shkaktojnë kancer. Kështu ka thënë. A ju kujtohet gjatë kohës së kovidit kur tha ‘injektoni klor’ në venat tuaja. I shkau dora dhe klori i shkoi tek flokët e tij”, tha zoti Biden.

Partia Demokrate e emëroi për herë të fundit zotin Biden për president në kuvendin e vitit 2020 në Uiskonsin. Këtë vit, kuvendi demokrat do të mbahet në muajin gusht në Illinoi. Zoti Biden po kandidon sërish me nënpresidenten Kamala Harris. Ajo ka zhvilluar fushatë për të kthyer në fuqi një ligj federal që mbron abortin, të hedhur poshtë nga Gjykata e Lartë në vitin 2022.

“Donald Trump-i ishte presidenti që hoqi mbrojtjen federale për abortin. Joe Biden-i do të jetë presidenti që do ta kthejë mbrojtjen për abortin”, tha zonja Harris. Pritet që kandidatët Biden dhe Trump të debatojnë përpara votimeve të nëntorit. Ata thonë se janë të gatshëm për debat por nuk është caktuar asnjë datë./Voa/

Continue Reading

Bota

Tragjike/ Autobusi me 20 pasagjerë bie në lumë, humbin jetën tre persona

Tre persona kanë humbur jetën dhe katër të tjerë janë në gjendje të rëndë pasi një autobus ra në lumin Moyka në Shën Petersburg të premten. Ndëra nëntë persona të tjerë u shpëtuan.

Pamjet e sigurisë nga vendi i ngjarjes tregojnë një autobus duke u përplasur me dy automjete të tjera në një urë, duke thyer parmakët dhe duke rënë në ujë. Policia e Shën Petersburgut raportoi se rreth 20 persona ndodheshin brenda autobusit kur ai u përplas.

Gjithashtu zyrtarët e transportit thanë se shoferi i autobusit ishte arrestuar. Ai do të akuzohet për shkelje të rregullave të qarkullimit rrugor me pasojë vdekjen e dy ose më shumë personave dhe do të përballet me një maksimum prej pesë vitesh burgim.

Continue Reading

Bota

OKB: Rreth 80.000 njerëz u larguan nga qyteti Rafah

Rreth 80.000 njerëz u larguan nga qyteti Rafah i Gazës që nga e hëna, tha Agjencia e Kombeve të Bashkuara për Refugjatët Palestinezë (UNRWA).

“Njerëzit po përballen me një tjetër zhvendosje të detyreshme në Rripin e Gazës. Askund nuk është sigurt. Kemi nevojë për armëpushim tani”, shkroi UNRWA në platformën X.

Deri më tash, më shumë se një milion palestinezë të zhvendosur – gjysma e tyre fëmijë – ishin të strehuar në Rafah.

Por, të hënën, ushtria izraelite kërkoi nga të strehuarit në pjesët lindore të Rafahut, që të largohen drejt një “zone të zgjeruar humanitare”, ku tha se do të gjejnë spitale fushore, tenda dhe furnizime të tjera.

Izraeli nisi tashmë bombardimin e qytetit, ku beson se ka mijëra luftëtarë të grupit islamik palestinez, Hamas, i shpallur terrorist nga SHBA-ja dhe fuqi të tjera.

Ky grup ka sulmuar Izraelin në tetor të vitit të kaluar, duke vrarë mbi 1.200 persona.

Në ofensivën hakmarrëse të Izraelit në Gazë, e cila vazhdon ende, janë vrarë afro 35.000 njerëz, sipas autoriteteve në enklavë.

Ushtria e Izraelit thotë se fitorja kundër Hamasit është e pamundur pa e marrë kontrollin e qytetit Rafah.

Por, zyrtarët amerikanë paralajmërojnë se operacioni në këtë qytet – ku popullsia është shtuar me refugjatë nga pjesë të tjera të Gazës – mund të çojë në numër të madh të viktimave civile.

Presidenti amerikan, Joe Biden, tha se SHBA-ja do t’i ndalojë furnizimet e Izraelit me disa armë, nëse ai nis operacion të madh tokësor në Rafah.

Continue Reading
Advertisement

TRENDING