Këshill Paqeje/ Donald Trump hedh dyshime mbi rolin e Tony Blair në Gaza

Presidenti i SHBA-ve, Donald Trump, ka shfaqur dyshime nëse ish-kryeministri britanik, Tony Blair, do të ketë një rol në qeverinë e përkohshme të Gazës pas përfundimit të luftës midis Izraelit dhe Hamasit. Blair është kandidat për një vend në të ashtuquajturin “Këshill Paqeje”, i cili do të mbikëqyrë rindërtimin e Gazës. Por, duke folur me gazetarët në bordin e Air Force One të dielën në mbrëmje, Trump vuri në dyshim nëse Blair do të ishte një zgjedhje “popullore”.
“Më pëlqen Tony, gjithmonë më ka pëlqyer Tony, por dua të zbuloj nëse ai është një zgjedhje e pranueshme për të gjithë. Do të doja të zbuloja nëse Tony do të ishte popullor me të gjithë, sepse nuk jam i sigurt”, tha Trump, siç raportohet nga Sky News.