Politike
Kjo Infrastrukturë arsimore do të jetë model në gjithë Shqipërinë
Kopshti “Lidhja e Prizrenit” në Paskuqan do të jetë kopshti model, jo vetëm për zonën, e cila për herë të parë po përfiton një investim të tillë në arsimin parashkollor, por për të gjithë Shqipërinë. Mbi karakatinën e dikurshme, të shembur plotësisht nga tërmeti, po ngrihet nga themelet infrastruktura moderne 5 herë më e madhe në sipërfaqe.
Kryeministri Edi Rama ishte sot në Kamëz për të parë nga afër ecurinë e punimeve, të cilat parashikohet të përfundojnë në gjysmën e dytë të dhjetorit.
“Ka rreth 4 muaj që ka filluar puna. Ky kopësht sot është 5 herë më i madh sa kopshti ekzistues, i cili u prish nga tërmeti. Po punohet me një cilësi të jashtëzakonshme. Kemi një ambient goxha të madh edhe jashtë kopshtit për rreth 224 fëmijë. Fatmirësisht, për herë të parë, Kamza do të ketë një kopësht model, me ushqim, tavolinat e ngrënies, tavolinat e mësimit dhe bibliotekën,” – detajoi investimin Kryetari i Bashkisë së Kamzës, Rakip Suli, i cili theksoi se në 30 vjet bashkia e Kamzës nuk ka patur kurrë një objekt të tillë arsimor, ashtu siç fëmijët e meritojnë. “Banorët janë shumë të kënaqur nga ky investim. Është projekti më model që po implementohet në njësinë Paskuqan.”
Punimet janë drejt fundit dhe së shpejti do të bëhet pajisja me bazën materiale. Duke përgëzuar për punën cilësore të realizuar nga kompania ndërtuese, Kryeministri Rama u shpreh edhe lidhur me elementë të veçantë të projektit.
***
Në Kamëz, pjesë e Programit të Rindërtimit është edhe shkolla “Jashar Hoxha”, e cila po ngrihet mbi goditjen që pësoi natën e 26 nëntorit, por edhe degradimit nga mungesa e mirëmbajtjes që prej ndërtimit 22 vjet në parë, më e madhe, më e bukur dhe më e fortë. Kryetari i Bashkisë Rakip Suli tha se shkolla e re do t’u ofrojë 1050 nxënësve të saj, përveç ambienteve mësimore të cilësisë së lartë, klasa dhe laboratorë, edhe terrene sportive të jashtme, çka u ka munguar deri më tani. “Terreni sportiv [do të jetë] aty ku kanë qenë ferra. Një investim i jashtëzakonshëm.”
Jo vetëm godina do të jetë tërësisht e re, tha kryebashkiaku Suli, por edhe baza materiale, për të cilën Ministria e Arsimit po punon paralelisht për ta pajisur menjëherë pas përfundimit të ndërtimit. “Infrastruktura arsimore në Bashkinë e Kamzës do të jetë model në gjithë Shqipërinë. Jemi fokusuar tek pjesa e arsimit, pasi nuk është vënë dorë prej 30 vitesh,” – tha Suli, ndërsa shtoi se janë edhe disa shkolla e kopshte të tjera në proces në këtë Bashki.
Politike
Berisha: Demokracia grabitet dhe zhduket në rast se ajo nuk mbrohet
Kreu i PD-së, Sali Berisha ka mbajtur fjalimin e tij tashmë të përnatshëm mbrëmjen e sotme para tubimit qytetar poshtë banesës së tij.
PJESË NGA FJALIMI I BERISHËS:
Të dashur qytetarë dhe qytetarë të Tiranës dhe Shqipërisë, qëndrestare dhe qëndrestarë, misionarë të vërtetë të shpresës dhe të ardhmes së Shqipërisë. Nderimin tim më të madh për ju, për oratorët e mençur, fjalëzjarrtë që përcjellin nga kjo platformë dritën e të vërtetës në të katër anët e Shqipërisë.
Të dashur miq, si person që më dhatë mundësinë, besimin dhe privilegjin që të drejtoj së bashku me të tjerë betejën që rrëzoi komunizmin, si presidenti i parë i Shqipërisë pluraliste, kryeministri i qeverisë që anëtarësoi Shqipërinë në NATO dhe liberalizoi vizat për shqiptarët, që realizoi projektet e shekullit si Rruga e Kombit, TAP dhe Kaskada e Devollit, dyfishoi rrogat dhe pensionet, mund t’u them se kam nxjerrë një mësim kyç për demokracinë.
Në ditët që jetojmë, ky mësim është më i rëndësishëm se kurrë. Prandaj dhe këtë mësim unë dua ta ndaj me ju sepse qëndron si mësimi më thelbësor i jetës sime politike për të garantuar demokracinë për ne dhe brezat që do vijnjë pas nesh.
Ky mësim është: demokracia nuk dhurohet, demokracia fitohet.
Demokracia grabitet dhe zhduket në rast se ajo nuk mbrohet.
Nuk gjen në botë një rast kur demokracia t’u jetë dhuruar qytetarëve.
Nuk ua dhuroi askush demokracinë baballarëve themelues të SHBA. Atë e fituan vetë.
Nuk ua dhuroi askush demokracinë shqiptarëve në vitin 1991. Shqiptarët e fituan vetë.
Nuk ekziston asnjë komb në botë ku demokracia të jetë servirur si dhuratë në pjatë argjendi.
Demokracia fitohet dhe vetëm fitohet. Demokracia fitohet me betejë, me guxim, me sakrifica, me vetëmohim, me lot, me djersë dhe ngadhënjim.
Politike
Berisha në krye të PD? I ngarkuari i SHBA zbulon nëse Amerika do ndryshojë qasje ndaj personave non-grata
I ngarkuari me punë i Shteteve të Bashkuara në Tiranë, David Wisner në një intervistë dhënë sot për Zërin e Amerikës, u ndal ndër të tjera edhe te zhvillimet në Kuvendin e Shqipërisë.
I pyetur lidhur me qëndrimin e SHBA për personat non-grata dhe nga ana tjetër njohjen e Sali Berishës si kryetar të PD nga shumica e deputetëve të opozitës, Wisner u shpreh se asgjë nuk ka ndryshuar në qëndrimin e tyre.
“Ne vazhdojmë të mos angazhohemi me personat e shpallur non-grata sipas sanksioneve tona për korrupsionin. Dhe do të vëreja se ato sanksione kanë përfshirë të gjithë spektrin politik, pavarësisht asaj çka u pëlqen disa njerëzve të thonë këtu”, tha ai ndër të tjera.
Pjesë nga intervista:
Zëri i Amerikës: Ju e përshëndetët dakortësinë mes shumicës dhe opozitës që riktheu normalitetin në jetën parlamentare. Megjithatë, në sallën e parlamentit kemi një rikonfigurim në krahun e opozitës, ku shumica dërrmuese e deputetëve demokratë, njohin si kryetar të tyre ish kryeministrin Sali Berisha. Para disa muajsh në një deklaratë të saj ambasada amerikane përsërti qëndrimin e saj lidhur me persona të shpallur non grata duke nxitur të gjithë aktorët që të shqyrtojnë me kujdes angazhimet e tyre me figura të tilla. Cili do të jetë raporti juaj me këta aktorë, ose më saktë me grupin parlamentar demokrat të rikompozuar?
David Wisner: Armand, qëndrimi ynë nuk ka ndryshuar. Ne vazhdojmë të mos angazhohemi me personat e shpallur non-grata sipas sanksioneve tona për korrupsionin. Dhe do të vëreja se ato sanksione kanë përfshirë të gjithë spektrin politik, pavarësisht asaj çka u pëlqen disa njerëzve të thonë këtu. Pra, ajo çka ne po bëjmë këtu është që ne po punojmë me parti politike, me shoqërinë civile, me njerëz në të gjithë spektrin për t’u munduar ta bëjmë Shqipërinë një vend më të mirë, natyrisht. Por në të njëjtin aspekt, siç e thashë më parë, ajo që shqiptarët duan vërtet janë njerëz që punojnë për interesat e popullit shqiptar dhe jo për interesat e tyre personale. Dhe mendoj se e ardhmja e këtij vendi nuk qëndron tek njerëzit e përfshirë në korrupsion. Dhe partitë politike duhet të prezantojnë ide të rëndësishme, duhet të paraqesin alternativa reale qeverisëse. Dhe, natyrisht, duhet të prezantojnë kandidatë të cilët njerëzit duan t’i votojnë. Kam shumë besim kur dëgjoj shqiptarët të më thonë se duan të kthejnë faqe, dhe duan të kenë opsione reale që funksionojnë në interes të tyre.
Politike
“SPAK kompetenca për t’i dhënë fund korrupsionit”/ Basha pret kryesuesen në detyrë të OSBE
Kryetari i Partisë Demokratike të Shqipërisë, Lulzim Basha, u takua sot me kryesuesen në detyrë të OSBE, Clarisse Pasztory, ku u diskutua për situatën në vend, reformën zgjedhore dhe drejtësinë.
Kryetari i PD, shprehu shqetësimin për korrupsionin e përhapur ngado i cili ndikon drejtpërdrejt në ekonominë e vendit dhe në emigrimin masiv të qytetarëve
“Sot institucioni i vetëm që ka kompetenca për t’i dhënë fund pandëshkueshmërisë dhe për të goditur korrupsionin është SPAK dhe sistemi i drejtësisë. Prandaj, Partia Demokratike është në krah të drejtësisë dhe SPAK në luftën kundër korrupsionit. Kushdo që ka abuzuar me paratë e shqiptarëve të shkojë para drejtësisë. Për këtë arsye, PD inkurajon dhe mbështet SPAK të hetojë nivelet më të larta të qeverisë”, ka theksuar ai.
Sa i përket reformës zgjedhore, Basha i bëri të ditur qëndrimin e PD, qëndrime të cilat janë depozituar në Parlament. Kreu i Partisë Demokratike përmendi listat e hapura, të cilat do të mundësonin të
zgjidhej deputet ai që merr më shumë vota, Shqipëria një zonë elektorale dhe barazi vote, votim dhe numërim elektronik dhe votën e Diasporës.
“Detyra e politikës, – tha Basha, është tu japim mundësi qytetarëve të votojnë të lire dhe të vendosin të pa ndikuar për ata që duan ti përfaqësojnë ne Parlament.
Politike
“Iliri nuk është mirë nga….”/ Açka komenton shpërthimin e Metës ndaj SPAK: Lajthitje politike
Deputetja demokrate Flutura Açka është shprehur në një reagim në rrjetet sociale se “vetëm në çmendinën tonë mund të ndodhë që ish-Presidenti i Republikës fyen rëndë publikisht Kryetarin e SPAK-ut dhe asgjë nuk mund të ndodhë”.
Duke iu referuar deklaratave të bujshme të Metës gjatë ditëve të fundit, Açka u shpreh se në një vend normal një prej Metës dhe kryeprokurorit Dumani duhej të reagonte.
Ajo shtoi se dikush i tha sot në parlament me shaka se “Iliri nuk është mirë nga fiqiri”, ndaj edhe i falet, por sipas saj ky rast është “lajthitje politike harakiri (vetëvrasëse).
Reagimi i plotë:
Sepse Iliri nuk ēshtë çështje fiqiri
Vetëm në çmendinën tonē mund të ndodhë që ish-Presidenti i Republikês fyen rëndë publikisht Kryetarin é SPAK-ut dhe asgjë nuk mund të ndodhë.
Në një vend normal sot njëri prej tyre duhej të reagonte. Ose njëri të jepte dorëheqjen, ose tjetri të paditej në gjykatë.
Dikush tha sot me shpoti në Parlament se “Iliri nuk është mirë nga fiqiri”, kështu që i falet. Por, në këtë rast Iliri nuk është çështje fiqiri, por lajthitje politike harakiri.
Liria e fjalës ka kufi lirinë morale të fjalës.
Të shohësh shtetarët e tu që kanë pasur – dhe kanë – të gjitha privilegjet e mundshme me kushtetutë e pa kushtetutë, në këtë katandi, është keqardhje shumë e madhe.
Dhe pyesni akoma pse ikin shqiptarët!?
Politike
Lulzim Basha starton me vetingun politik!
-
Kosova12 hours ago
Ndalimi i policëve nga Serbia/ SHBA shpreh shqetësime serioze
-
Pinknews8 hours ago
Tronditëse/ Heidi Baçi frikësohet nga Egla Ceno (VIDEO)
-
Pinknews9 hours ago
“Doja ta ndaja me ty këtë moment…”/ Heidi i rrëfehet Romeos
-
Aktualitet11 hours ago
“Meta ka informacione se SPAK mund ta godasë”/ Trondit ish-kryeprokurori Hajdari
-
Aktualitet12 hours ago
Rrëmbimi i 3-vjeҫarit/ Zbardhet dëshmia e gjyshit: Më bëni çfarë të doni, unë nuk…
-
Pinknews11 hours ago
Bashkohen për t’i rënë Jul Dedës? Meritoni dëshiron të pajtohet me Romeo Veshajn?
-
Kosova18 hours ago
Shkodra: Serbia dëshiron ta tensionojë situatën për të marrë vëmendjen e bashkësisë ndërkombëtare
-
Politike8 hours ago
Berisha në krye të PD? I ngarkuari i SHBA zbulon nëse Amerika do ndryshojë qasje ndaj personave non-grata