Kurti dhe Kosova/ KATASTROFA në udhërkyqin e frikës mes Trump dhe Vuçiçit

Kryetarja e Partisë së Lëvizjes Evropiane të Serbëve si dhe ish-deputetja e Kuvendit të Kosovës, Rada Trajkoviç, ka reaguar ndaj deklaratave te kryeministrit Albin Kurtit dhe mendimit politik ne Prishtinë, qe thone se  Milan Radoiçic po përgatit sulme të reja ndaj Kosovës.

Trajkovic tha se organet e sigurisë së Kosovës kanë pasur disa mundësi që ta arrestonin kreun e grupit serb që organizoi sulmin terrorist në veri të vendit më 24 shtator, ku u vra rreshteri i Policisë së Kosovës, Afrim Bunjaku.

“Kosova kishte disa mundësi për të arrestuar Radoiçiqin, por nuk ia arriti. Kjo mund të ketë ndodhur pasi dëshmia e tij mund të jetë po aq e papërshtatshme për elitat politike të Kosovës dhe Serbisë” – ka shkruar Trajkovic në platformën “X”.

“Gjithçka që mbetet për të bërë tani është të nxitësh frikën dhe të ngacmosh/destabilizosh vazhdimisht komunitetin serb”, ka shkruar politikania e njohur

Kujtojme se kryeministri Albin Kurti se fundmi në një konferencë për media  ka paralajmëruar se Serbia përmes Radoiçqit po përgatit sulme të reja ndaj Kosoves.

“Radoiçiq po vazhdon përgatitjet për sulme të reja ndaj Kosovës, po mban takime sekrete me BIA, teksa pjesëtarë terroristë po paguhen nga dy mijë euro. Planet për sulme tentojnë destabilizimin e vendit tonë. Në vend qe të dorëzon terroristët, Serbia po I shfrytëzon ata për sulme të reja. Terrorizimi është sfidë për ne, por nuk do të triumfojë” – ka deklaruar Kurti.

Politikania serbe nga Kosova, Rada Trajkoviç, ka deklaruar se gatishmëria e Serbisë për të bërë kompromise për Kosovën mund të nënkuptojë vetëm ndarje të territorit, por edhe konflikte.

Duke komentuar deklaratën e kryeministrit Millosh Vuçeviç se Serbia është “gati të bëjë kompromise” për Kosovën, Trajkoviç i tha agjencisë Beta se kjo ishte një përpjekje e autoriteteve në Beograd për t’u kthyer në “pozitat e tyre fillestare” me qëllim ndarjen e territorit.

“Megjithatë, edhe pse presidenti i Serbisë, Aleksandar Vuçic, në thelb ia dorëzoi Prishtinës të gjitha institucionet dhe jetën e serbëve, funksionaliteti i autoriteteve të Prishtinës nuk është realizuar. Mesazhet që tregojnë për ndarjen e Kosovës paralajmërojnë destabilizim te ri dhe një fushatë kundër Serbisë dhe serbëve që nuk na duhet në këtë moment” – theksoi Trajkovic duke potencuar se Albin Kurti kontrollon veriun e Kosovës me ndihmën e forcave speciale policore dhe sipas saj, siguria në Kosovë çdo ditë e më shumë po rrezikohet.

“Kurti zbaton ideologjinë e formimit të Shqipërisë së madhe, ndërsa Vuçiq përmes Vuçeviqit kërkon edhe një herë ndarjen e Kosovës. Të gjithë e dinë se kjo nuk mund të arrihet pa konflikt. Të dyja këto strategji mund të shkaktojnë konflikt që do të përfundonte me dëbimin e serbëve nga veriu apo me hyrjen e forcave tona ushtarake në veri të Kosovës në emër të mbrojtjes së serbëve” – deklaroi politikania nga veriu I Kosoves dhe theksoi se NATO po sjell një numër në rritje të ushtarëve në Kosovë.

“NATO nuk dëshiron të ndryshojnë kufijtë e territorit. Nëse Serbia do të bëhej anëtare e NATO-s, çështja e statusit të Kosovës do të ndalohej”- theksoi Trajkoviq.