Në një surprizë të papritur, vajzat e saj, Luka dhe Eir, kanë zgjedhur një mënyrë krejt të veçantë për t’i dërguar dashurinë dhe mbështetjen nga jashtë. Përmes një droni, ato i kanë dërguar një mesazh të shkurtër, por të mbushur me ndjenjë: “Mami të duam çmendurisht”.
Ky gjest i thjeshtë, por jashtëzakonisht domethënës, ka mjaftuar për ta emocionuar thellësisht shkrimtaren, e cila nuk ka mundur t’i mbajë lotët. Momenti është shoqëruar me përqafime dhe mbështetje nga banorët e tjerë, duke krijuar një atmosferë tepër të ndjerë brenda fermës.
E prekur nga mesazhi i vajzave të saj, Moza ka reaguar menjëherë me disa fjalë që kanë bërë jehonë te publiku: “Pranoni çmendurinë time. O yjet e mia. Zoti ju ruajt. Ruaj o Zot se unë nuk i ruaj dot”.
Ky moment ka treguar edhe një herë anën më njerëzore dhe të ndjeshme të Mozës, duke nxjerrë në pah lidhjen e fortë që ajo ka me vajzat e saj. Në një ambient si ai i reality show-t, ku izolimi dhe mungesa e familjes ndihen më shumë se kurrë, mesazhe të tilla bëhen edhe më të fuqishme dhe domethënëse.
