Media: Irani refuzon të publikojë fotot e Mojtaba Khameneit nga frika e shkencave okulte (magjive)

“Bazuar në mendimet e studiuesve në Najaf, Qom dhe Mashhad, dhe vendimet e zyrtarëve të sigurisë, nuk do të publikohen imazhe të reja të Mojtaba Khameneit për momentin, në mënyrë që armiqtë e tij të mos mund ta dëmtojnë atë me metoda të veçanta dhe shkenca okulte.”  – kështu raporton ‘Iran International’ duke cituar Salar Velayatmadar, një parlamentar iranian dhe anëtar i Komitetit të Sigurisë Kombëtare.

Velayatmadar më pas foli për shëndetin e Udhëheqësit Suprem, duke deklaruar se “Mojtaba ishte i vetëdijshëm dhe po recitonte lutje kur u nxor i gjallë nga rrënojat” pas sulmit të përbashkët SHBA-Izrael më 28 shkurt që vrau Ali Khamenein, ish-udhëheqësin e Republikës Islamike dhe babain e Mojtabas.

“Plagët e tij ishin sipërfaqësore”, shtoi parlamentari, duke pretenduar se mjeku që e trajtonte “kishte përjashtuar frakturat”.