Rike Roçi ka dhënë mendimin e saj personal në lidhje me lojën e Heidit.

Ajo u shpreh se Heidi arriti aty ku arriti vetëm sepse ishte e dashura e Romeos dhe se ka qenë në hije aq kohë sa nuk e kishte pëlqimin e tij. Sipas Rikes, Heidi nuk bënte as lojë dhe as strategji, thjesht përfitoi nga lidhja me Romeon.

Rike Roçi: Unë nuk shoh që Heidi ka bërë as strategji dhe as lojë, unë e shikoj thjesht si një vajzë shumë të ftohtë që buzëqesh dhe nuk i dihet se çfarë fsheh pas asaj buzëqeshje. Për mendimin tim nëse nuk do kishe pëlqimin e Romeos, do rrinte në hije dhe kaq. Ka qenë e dashura e Romeos dhe ka marrë vëmendje kaq.

Heidi: Po ti çfarë ke bërë, ke bërë një skenë kosi me Eglën?

Rike Roçi: Në momentin që ti nuk kishe pëlqimin e Romeos, ti nuk kishe asnjë vend.  Nuk mendoj se ke bërë kalkulime e strategji loje thjesht, të vinin situatat në dorë, t’i jepte o Jul Deda situatat sepse përfliteshe me Romeon kaq.

Fituesja e “Big Brothet VIP 3”, Egla Ceno, duket se është përballur jashtë me një sërë personazhesh që nuk kanë qenë dakord për fitoren e saj. Që kur loja vijonte në “Big Brother”, të shumtë ishin VIPat që nuk ia simpatizonin lojën. Ndër ta ishte edhe Donald Veshaj, i cili javë më parë u shpreh se Egla nuk mund të fitonte “Big Brother”, pasi kishte vetëm 70 K në rrjetet e saj sociale.

Një përgjigje për këtë e ka pasur edhe vetë aktorja. Përmes një postimi në “Instagram” duket se ka thumbuar Donald Veshajn, lidhur me një deklaratë të tij pak kohë para finales. Egla, e cila mesa duket ka parë të gjitha deklaratat kundra, shkruan në postimin e saj “Unë nuk kam K-ra, nuk kam ndjekës, nuk kam fansa, as followers! Numrat e mi në ‘Instagram’ janë familja ime team Egla”, – duke thumbuar kështu Donaldin. Kujtojmë se i ftuar në “Big Brother Fun Club”, Donaldi gjatë një debati me Ronaldo Sharkën u shpreh për Eglën se “fenomen me 70K në ‘Instagram’ nuk ka ‘bro’.

Bëhet fenomen një person që vetëm ofendon”? E ftuar në “Big Brother Radio”, edhe Monika Lubonja komentoi situatat dhe banorët e “BBV3”! E pyetur për Eglën, ajo tha se nuk ka dëshirë ta komentojë, për shkak të sjelljeve të saj brenda, sidomos ndaj vajzave. “Nuk kam dëshirë të flas për Eglën. Unë e vuaj shumë momentin që gratë më sulmojnë dhe nuk do ta përkrah kurrë një grua sulmuese ndaj një tjetre. E shoh në treshe, kam frikë mos është edhe në dyshen finale…”, – u shpreh Monika. Fituesi i sezonit të parë të “Big Brother VIP”, Ilir Shaqiri, ka treguar se nuk i ka pëlqyer aspak loja që ka bërë Egla

Ceno në shtëpinë e “BBV”, e cila arriti të fitonte çmimin e madh prej 100 mijë eurosh. Gjatë një interviste për “Top Albania Radio”, balerini tha se do të ishte masakruar me aktoren, nëse do të kishte qenë në një shtëpi me të. Sipas Ilirit, nuk është e drejtë që të kalosh limitet duke luftuar për një çmim.

“Nëse Egla do të kishte qenë në ‘Big’ kur kam qenë unë, do të isha masakruar, sepse mendoj nuk është e drejtë që të shkosh të luftosh për një çmim deri në palcë. Unë atij që më prek në palcë, i dal përtej palcës”, – tha Iliri.

Kujtojmë që Egla Ceno u përjashtua nga shtëpia e “BBV” pas një debati me Meriton Mjekiqin, ku aktorja i hodhi në kokë verën, ndërsa u rikthye sërish pjesë e garës pas një jave qëndrimi në “dhomën e bardhë” me Meritonin dhe Ilnisa Agollin, ku kjo e fundit u eliminua nga gara. Të shumta kanë qenë debatet e aktores edhe me ish-banorët e tjerë, ku Egla ua ka përmendur familjen, duke degraduar në përleshje fizike dhe i tillë ishte ai me Rike Roçin.

Një tjetër ish-banore që ka qenë kundër emrit të Eglës është edhe Julia Ilirjani dhe aktorja e ka shprehur hapur antipatinë për kolegen e saj. “Nëse ajo ka dalë me zarf të zi, nuk është më lojtare”, – shprehet Julia.

Po për faktin se ajo doli si e preferuara e publikut gjatë një televotimi të hapur? “Po e votuan, por nuk do të thotë se është e preferuar. Duan të shohin rrëmuja. Se nuk po e zgjedhin për fituese. Po e zgjedhin për të parë çudira”, – tha ish-banorja.

E pyetur nga Eni Shehu se mbase çmimi i madh mund të shkojë për një çudi si Egla, ajo u shpreh: “Epo mirë pra. Në qoftë se po këmbëngulni kaq shumë dhe po pyesni për njeriun me zarf të zi, po ju them që në qoftë se Egla fiton edicionin e ‘Big Brother VIP 3’, atëherë populli shqiptar me fatkeqësi dhe me dhimbje meritoka të gjitha vuajtjet që ka se i dashka”, – tha Julia Ilirjani.

Megjithatë, Egla ia doli që të triumfojë në këtë lojë dhe duket e pashqetësuar nga të gjithë kolegët dhe VIP-at që janë kundra saj.

Sara Hoxha, e ftuar në “Cherry on Top”, foli sërish për raportin e saj me Ledri Vulën, me të cilin ka edhe një vajzë, Poem.

“Është një temë delikate që ende dua ta mbaj private, sepse ndonjëherë çfardo përgjigje të japësh nuk është asnjëherë ajo që publiku do të dëgjojë. Njëherë për njëherë, sa të qetësohet gjithçka të marrim dhe ne të marrim vesh çfarë po ndodh, të shkojë si të shkojë. Nuk jam duke e vrarë më mendjen për asgjë. Nuk e kisha përjetuar asnjëherë që nuk e di çfarë të thuash”, thotë ajo.

Fituesja e DWTS dha edhe një mesazh për nënat single, ku shprehet se e di mirë se si është të rrisësh një fëmijë pa partnerin.

“Mamatë single janë heroina sepse është shumë e vështirë të rrisësh një fëmijë pa partnerin, por kemi prindërit, për të cilët jam falënderuese”, u shpreh ajo.

Fillimi ditëve të nxehta të verës e ka gjetur moderatoren Lei Kraja në Turqi, aty ku dhe po shijon detin, rrezet e diellit dhe momentet e relaksit.

Trupi i Leit tashmë është komentuar gjërësisht dhe të gjithë e dinë që ka super forma të cilat moderatorja në asnjë moment nuk nguron t’i publikojë në rrjet.

Së fundmi ajo ka ndarë disa foto me bikini, ku bien në sy linjat e saj.
“Beach Babe”, ka shkruar Lei e ndërkohë i ka lënë vend ndjekësve për të komplimentuar trupin me format që bien menjëherë në sy.

Për herë të parë Arbër Hajdari ka treguar emrin që i kanë vendosur të bijës, si dhe portretin e vogëlushes.

 

I ftuar në “Cherry on Top” ai rrëfeu emocionet e prindërimit, teksa tha se vogëlushen e kanë quajtur Raina dhe se i ngjan atij.

 

“Më vjen keq i them bashkëshortes, por kjo më ngjan mua”, tha ai duke qeshur, teksa tha se uron që fëmija tjetër t’i ngjajë të shoqes.

Arbri tha se mezi ka pritur që të përfundojë spektakli i Big Brother, në mënyrë që të kalojë kohë me të bijën.

“Nuk kam mundur të kaloj kohë me të, përveç dy të dielave. Rriten shpejt dhe kanë nevojë vetëm për prezencën tonë”, tha ai.