Meta në krye të opozitës? Gjikondi: Atë s’e dëgjon gruaja e vet! Është bërë qesharak

Juristja Brisida Gjikondi deklaroi se Ilir Meta me problemet që ka hapur në parti, do të përçajnë PL-në.

E pyetur nëse e merr Ilir Meta opozitën në kushtet që “Rithemelimi” nuk ka vulën dhe logon e PD-së, Gjikondi u shpreh se atë nuk po e dëgjon gruaja e vetë , jo më ta dëgjoj opozita.

“Unë jam i bindur që problemet që ai ka hapur në parti, atij do ja përcajnë partinë sepse ai është me paranoja. Këta persona paranojat i kanë kryesisht me njerëzit e afërt.

Po dhe me afrimin e Gazment Bardhit me Sali Berishën, Ilir Metës i kanë rënë pritshmëria për të qenë në krye të opozitës” u shpreh ajo.

Juristja Gjikondi e krahasoi sjellen e Metës me atë të Kozakut një figurë e njohur shqiptare e Tik Tokut.

Duke ju referuar disa deklaratave fyese të zoti Meta ndaj SPAK-ut dhe kreut të tij Dumani, Gjikondi i bëri thirrje shoqërisë shqiptare të reagojë ndaj kësaj sjelljeje të ish presidentit shqiptar i cili po synon rikthimin në krye të organeve ekzekutive.